احط اسم ابوه وﻻ ﻻ ههههه .. تعالوا فديوني

[راقيه وجذابه]

مساء الخير حبيباتي

مبارك عليكم الشهر وعساكم من عواده

بنات سالفتي سالفه خفيفه لطيفه جميله >> تملق ههههه

امممممم

سالفتي طال الله في اعماركم .. طبعآ عندكم خبر اني مطلقه .. تطلق قبل شهر ونص تقريبآ للحين بعدتي ..

المهم ..

سؤالي

هذا اول قرقيعان لولدي حبيبي الحين عمره 10 شهور فديت قلبه .. طيب وين السالفه واي خلصينا صايمين وتعبانين خخخخ

السالفه .. بسوي قرقيعان لنظر عيني ولدي وبصوره بلبس القرقيعان ﻻن بحط صوره على قرقيعانه وقرقيعانا عائلي كبير وﻻزم اكتب اسمه ع الصور مثاااااال

مثال

مثال

عساكم من عواده .. قرقيعان فلان بن فلان الفلاني
مادري احط اسم ابوه وﻻ اسم والعائله بس

انا حابه احط اسم ابوه تدرون ليش

لان اسم ولدي وابوه وجده ( اسمه الثلاثي )
نفس اسم واحد من ال سعود .. مثال مثال مثال

بدر بن عبدالمحسن ال سعود

جذي فهمتوا .. كانت صدفه حلوه

ومادري عاد احط اسم ابوه وﻻ فشله وﻻشنو .. محتاره والله

واذا مايصير عادي مومشكله كافي اسمه فديته

 

[ناتشوو]

الله يحفظه

انا لو مكانج
خاصة ان تو طلاقج فرش
ومابي اسمع تعليقات الناس
ماراح اكتب اسمه الكامل
بكتفي
باسمه والقبيله
فلان الفلاني
او بس
اسمه بخط كبير

 

[صعبه]

مـب لازم اسـم ابووه

اسمـه كاافي .. الله يخليـه لجج

 

[أنوثهـ حتى الثمالهـ]

انا من رايي تحطينه لان هذا ابوه تطلقتي بس هو مايتكلق وبالعكس الناس بتكلم لو ماحطيتي اكثر مع ان كلامهم مو مخم بس انا اتكلم عن المبدا والمفروض هو ابوه غصب عنه ماتدرين يمكن هالحركه تحنن قلبه عليه

 

[أنوثهـ حتى الثمالهـ]

سوري عالاخطاء بس اكنب بفوني

 

[كليـ دلعـ]

شدراكم انها مطلقه!؟


مادري يختلف الوضع اذا توج مطلقه لاتحطين اسم ابوه

ماله داعي مثلا قرقيعان عبدالعزيز السعود

ماهو ضروري اسمه


هذا اذا انتي مطلقه ​

 

[bride2011]

طليقج بيظل ابوه واسمه مرتبط باسمه
والاهم بتتعرضين لمواقف اجود من جذي
استخيري اذا ردتج لطليقج خيره لج
يمك تكون حياتكم عقب الطلاق احسن خاصه مع هالياهل الله يحفظه

 

[زوجت الشمري]

من راي تحطينه لن ابوه ولومحطيتيه بيقون محتره لان طلقها وتعرفين سوالف الناس وهاذا ولدج حطي اسم ابوه ونصيحه ياقلبي عند ولدج انسي انج مطلقه

 

[مولاي الفرج]

حطي الاسم الثلاثي شالمشكلة

الله يخليه لج

 

[قــمر]

حطي اسم ولدج واسم قبيلته احس ماله داعي اسم ابوه واذا حطيتي اسم قبيلته احسن من انج تحطين اسمه بروحه بيقولون زعلانه وماحطت اسمه بالكامل

 

[محترمة نفسي]

هو طلقك انتي لكن ماتبرأ من الولد

حتى لو مو زوجك !ايضل ابوه للولد

مثل ماانتي امه

يعنني حطي الاسم عااادي

مااشوف فيها مشكله حبيبتي

 

[راقيه وجذابه]

عفستوا السالفه ههههههه

منو قال اني برد له السالفه سالفة قرقيعان بليييييز اقروا عدل ههههههه

فديتكم ماقصرتوا ﻻخﻻص ماني حاطه اسمه

 

[M!SS.LOBY]

الله يحفظ لج ولدج وان شاءالله تفرحين فيه كل سنة

 

[M!SS.LOBY]

كتبي اسم ولد ج والقبيلة او العائلة فقط من غير اسم الاب

 

[bride2011]

رق رق ادري يمكن لقافه بس انا احبج واحب ولدج ههه احسه كيوت ومزيون
جد عاد اتكلم ليه ماتحاولين تردين لابوه

 

[ام اريج 22]

عادي كتبي اسمع وابوه بيظل هذا ابوه ما فيها الامورحرج

 

[اذوب بكلامه]

الافضل انك تحطين اسمه الثلاثي
ربي يحفظه لك

 

[فوفو22]

ترى الطلاق مو نهايه الحياه للي عندهم اولاد

افتخري باسم ابوه عشانه

امدحي ابوه عشانه

لا تتكلمين يا المطلقه عن اي ميزه سلبيه بطليقج

لانه هذا كله برصيدك لما يكبرون العيال ويعرفون مدى الرقي اللي تملكينه بالسلوك والاخلاق


حطي اسمه.واسم ابوه والعايله

ترى هالحركه تزيدج ما تنقصج

فوفو

 

[سندس 90]

من رايي حطي اسمه الثلاثي
شدعوه
الناس يدرون انه فلان ابن فلان الفلاني


وللي يتكلم كافي تاخذين حسناته
فديييتج 

 

[نورة حسام 2]

حطي اسم ابوه احسن ترا يظل ابوه بعد