احس ماعرف اسولف

[<نوف>]

السلام عليكم شلونكم بنات ... بنات انا عندي مشكله اني لمن اجي اسولف سالفه او اتكلم اتأتأ او ماعرف اقول السالفه عدل احس ماعرف اسولف نفس الناس

 

[معصبه وايد]

يمكن لانج خجوله ! اذا كنتي خجوله هذا شي طبيعي حاولي تاخذين وتعطين اكثر مع الناس حاولي انج ماتنحرجين عادي سولفي ضحكي تغلبي على الخجل الي فيج باجر وراج حياه اذا كنتي توج تدرسين وراج دوام ومسؤوليه لازم تعودين نفسج وتكسرين هالحاجز مره على مره لين يروح منج هالخجل
وموفقه

 

[Rimaa2233]

يمكن تعانين مشاكلة نفسيه مع اللي حواليك زماان كنت كذا
وبعدين. صرت اسولف مع خيتو وبنت خالتي
وبعديت تجرات مع خالاتي والله خالتي اول ماقول سالفة ا لا ارتبك كانها معرس هههههه
وببعدين انحلت ولله الحمد وصرت واثقة بسواليفي خخخخ

 

[جمانـا]

نفـس الحاله

 

[ديانا سبنسر]

تغلب على الخجل

 

[روجَ آحمرَ ..×]

صح عاادي حاولي تزيدي ثقتك بنفسك

 

[لولواا]

فتره زمنيه من عمرج التاتاه وراح تروح

يمكن لانج تحسين بالنقص او تحسين ان اللى قدامج احسن منج وتحسين ان هم يعرفون يتكلمون وانتى لا

اصعب شي على الانسان لما يحس بالعجز وانه اقل من غيره يتدمر بمعنى هالكلمه

لكن دائم تذكرى بان الله سبحانه وحده هو اللى خلقج بالمكان هذا وبالظروف هذى وسبحانه اعلم واعرف بقدراتج

وتذكرى ان بقاء الحال من المحال

والمنتدى اكبر علاج لج تناقشي وتحاورى مع بنات حواء اللى بالمنتدى يوم بعد يوم ان شاء الله راح تخلصين من هالمشكله

 

[ام لعيال]

كنت قبل وايد هاديه وماسولف وايد يالله اتكلم الحين بيسكتوني مافي فايده ايهههه مرحله من عمر الانسان وبتغييرين للاحسن انشالله

 

[<نوف>]

حيااااااااااااااااتي تسلموووووووووووووووووووووووووووووووون

 

[روان_الكويت]

نفس الحاله تقريبا

 

[مريآآميےّ]

انا يتني حآلہ جذي احس اني ماعرف آسولف آو سوآلفي بايخہ محد يحب يسمعہا
المشكلہ منج انتي مب من الناس
المفروض تغيرين الفكرة اللي بعقلج تمامًا
يعني قولي انا بالعكس سوآلفي طرر والكل يحب يسمعني
عقب بتحسين هالشي صصج بيستوي (;

 

[البتولً]

هذي مو مشكلة فترة وتعدي لا اذا استمريتي بداخلج انج اقل منهم او خايفه وانتي تسولفين يضحكون عليج
او تقولين بنفسج انا ما اعرف اسولف ماراح تنحل مشكلتج
..
حطي في بالج انا اعرف اسولف واذا سالفتي بايخة مافيها شي كثير ناس تسولف سوالف بايخة وانتي تتقبلينها
عادي مثل ماهم راح يتقبلونها
واذا انتي تستحين حاولي تتغلبين ع الحيا وتسولفين عادي وتطولين صوتج وتضحكين واعتبري الي قدامج مثل الشخص الي تتجرأين معاه بالسوالف ..

المحرج مو انج تسولفين وتضحكين الاحراج انج تسكين ويقولون شفيها هذي ..؟
غيري نفسج من داخل لا تتكلمين مع نفسج بسلبيات وتحطيم دايم عززي ثقتج بنفسي وراج تنحل مشكلتجَ

 

[Patcholli]

عانيت منها بسبب صدمه نفسيه لما توفت انسانه عزيزه على قلبي ومن قبل لاتتوفا حسيت ان هالحاله مسكت وياي
فعلا من كثر ماكنت افكر فيها ومهمومه عليها كنت حتى النكته ماعرف اظحك عليها
مع اني ماكنت جذي كنت فصله وعشيره واموت بالظحك
عقب ماتوفت هالانسانه زادت الحاله حتى صرت ماعرف ادافع عن روحي او ارد على الشخص الي يغلط علي
وكنت اقدر اسولف بس ويا امي وخواتي وزوجي
اي احد غريب كنت ارتبك وتلعثم واتأتيء وسالفتي تطلع بايخه ماعرف اتكلم
معني مثل ماقتلج كنت احب اسولف واحب الظحك بس فجاه تغير حالي
عرفت السبب الي اهو صدمتي والهم الي كنت شايلته بقلبي كان رابط لساني
وحاولت شوي شوي ارد نفس قبل
والله ماقص عليج كنت اقعد مع روحي واتدرب عالكلام والسوالف
جني كنت طرمه وتوه يطلعلي لسان
والحمدلله مع الاستمرار بديت ارد نفس ماكنت واحسن حتى الي معاي لاحطو التغيير قالولي الحين رديتي باتشو الي كنا نعرفها قبل
يتلي فترة صج كنت احس روحي بايخه وكريهه ومحد يحب يسمعني او يسولف معاي لان ماكان في ردة فعل تطلع مني حتى تعليق على السوالف ماكنت اعرف اعلق يعني تخيلي وحده تقولي سالفه طول بعرض واخر شي اسكت او اظحك نص ظحكه ويييييييييييييييييييييييييييييييييييييييييييييييييييييع ماتحملت روحي

 

[<نوف>]

تسلمون ياقلبي ماتقصرون حيل استفدت من كلامكم الله يجزاكم خيرررررررررررررر

 

[dalo0oa121]

نقص الثقة بالنفس
وانا مثلج

 

[M!SS.LOBY]

تغلبي الخجل وخلى داخلج ثقة