احس صالون لحف الحواجب

[f6oum.]

قوه .
الموضوع باين من العنوان شنو برايكم احس صالون حق حف الحواجب و يضبطهم عدل ؟

 

[ميااااار]

فكري لما توقفين قدام ربك

لاتخسرررين الجنه عشششان كم شعره

وفييه طرق غير الحف ليش الحرام صاار مرغوووب

 

[لذكرى سأبقى]

يااااا اختي
هالشي حرااااااااااااااام

فيه لعن والعياذ بالله
والعن ...هو الطرد والأبعاد عن رحمة الله

ياليت تفكرين الف مره قبل لا تنمصينهم ...واذا كنتي من
النوع الي يحف ..الله يهديك يااااارب وتبطلين النمص الي ماوراه خير لا بالدنيا ولا بالأخره .

حبيبتي والله انا خايفه عليك
واااانقهر لما اشوف بنات كذا
الله يصلحنا ويهدينا لما فيه خير لنا

 

[احلام وردة]

اختلاف في راي لا بفسد للود قضيه

بتوفيق

 

[لذكرى سأبقى]

اختلاف في راي لا بفسد للود قضيه

بتوفيق

لا تعليق ؟؟!!!!

 

[LoLaTi]

يمدحون صالون البرج العالي بالجابريه
وانا جربت صالون العربيه الكويتيه بصباح السالم عند الهنديه فيجي زينة
بس اذا حواجبج مختربه او خفاف يمكن ماراح يضبطونهم حقج

 

[LoLaTi]

بنات لو سمحتو هذا مو موضوع ديني لاتقلبونه حرام ومايجوز
البنت سالت عن صالون للحواجب ماسالت اذا حرام او لا ف لا تغيرون الموضوع وتقلبونه اسلاميات

 

[ام ساره 4]

صالون جمعية القصور عند كوماري أو روبي أو فلورا طبي وتخيري وكلهم يهبلون بس لازم تروحين الصبح مبجر لأن الصالون حده زحمه

 

[miss_cool]

99119590 هذا صالون اييونج البيت شغلهم يهبل وحفهم وايد حلو انصحج فيهم واسعارهم مو غاليه

 

[»همسْ ـآلخجل✿]

لآ حول ولآ قوة آلآ بالله


آشلون تبين الله يحقق لج اللي تبينه وآنتي تعصينه أشكرى !! < آستغربت بعد مآشفت توقيع

آكيـد تدرين آنه حرآم ( لعنَ الله النآمصآت والمُتنمصآت ) , واللعن طرد من رحمة الله , يعني أنسي ريحة آلجنة

تعوذي من أبليسَ وانسسي هالشي .. في أكثر من طريقة غير الحفَ

أقل شي شقري ولآ تغضبين الله ..,

الله يهديج يآربْ

بنات لو سمحتو هذا مو موضوع ديني لاتقلبونه حرام ومايجوز
البنت سالت عن صالون للحواجب ماسالت اذا حرام او لا ف لا تغيرون الموضوع وتقلبونه اسلاميات ​

!!

يَ أختي أنتي شكو ! مع آحترآميْ .,

لآ تحشرينَ عمرج ! شغلتج تردين ع الموضوعْ وبسَ

آذآ آنتي مآتخآفين الله هذي مشكلتج ! لآتزيدينْ آلنآرَ حطبْ

لآتتدخلينْ بـَ بنآت آلنآسْ ~ آذآ آلموضوع موضوعج رديْ ع كيفجَ بسْ لآتسوينْ زحَمهَ بالردودَ ,

الله يهديج بسْ ..,

 

[لا تجرح احساسى]

كثرت الفتاوى هالايام كلمن هب ودب او دخل معهد دينى سنتين صار يحرم ويحلل على كيفه الله المستعان

 

[..<< ندى الورد >>..]

اللي تقول الموضوغ مو ديني
فذكر ان الذكرى تنفع المؤمنين

تخيلي يا حبيبتي يا صاحبه الموضوع انج قاعده تنتفين حواجبج وجاااتج سكرااات الموووت

شنو راح ينفعج والله محد راح ينفج وكلها كم شعره

 

[أم علي الرفاعي]

صالون الشرقية بالجابرية عند رشما

وبالنسبة للحلال والحرام

احنا عندنا مو حرام
والحديث الوارد عندنا
مافيه النامصة

فقط (( لعن الله الواصلة والمستوصلة ))
على هذا الأساس تمت اضافة البواقي اسقاطا على الحديث

وبالنسبة للحف يعتبر زينة للمرأة
لذلك لازم كسرة الحاجب تتغطى ...

اقصد الحجاب لازم تنزلونه
مو نرفعه لي منبت الشعر ونبرّز الحاجب المحفوف ...

بنات مثل ما قلت لكم
هذا عندنا بالأحاديث اللي وردت عن أهل البيت
عن لسان رسول الله (ص) ..

وياريت النقاش ما ينقلب ديني
بس بغيت الكل يفهم بأم هناك اختلاف
بالنسبة لهذي المسألة الشرعية

لهذا السبب بس وضحت ,,

 

[bintq8]

حرام والي تقول مو حرام ياويلها من الله لعن الله النامصه والمتنمصه مادري من وين يبتولنا النامصه والمستأصله بالله منو وين هالحديث

 

[bintq8]

والرسول (ص)الله وعليه وسلم ماقال النامصه والمستأصله

 

[كلي امل في الله]

يااااا اختي
هالشي حرااااااااااااااام

فيه لعن والعياذ بالله
والعن ...هو الطرد والأبعاد عن رحمة الله

ياليت تفكرين الف مره قبل لا تنمصينهم ...واذا كنتي من
النوع الي يحف ..الله يهديك يااااارب وتبطلين النمص الي ماوراه خير لا بالدنيا ولا بالأخره .

حبيبتي والله انا خايفه عليك
واااانقهر لما اشوف بنات كذا
الله يصلحنا ويهدينا لما فيه خير لنا

نفس كلام أختي للذكرى سابقى وللعضوه اللي قالت لا تفتون من عندكم النص صريح و الواحد أن حصل و ابتلى في ذنب

لا يقعد يجادل الناس ويتحايل على الأحكام الشرعيه

 

[om_lili]

صالون البرج العالي بالجابرية ورا مستشفى رويال حياة
جدام جوس فاكتوري
تخصصهم حف وشيره هندية :> والستاف هندي

واذا عجبج حفهم لا تنسيني بالدعاء ​

 

[ميااااار]

انا نصحت من باب انكار المنننكر فقققط لاغير

ان سمعت النصيحه الله يغفر لها واذا لا الله يهديها ويهديييكم ...~

 

[ياربي سكثر أعاني]

بنااااااااااات محد يعرف صالون بالمنطقه العاشرة

لاحد يقول ma لان بس شغل تشقير

يلا ابي احد يضبط الجاينز العريض ويسون صبغ لان زهقت وانا ارسم

اختي يابت لي وحده بس بسبع دنانير شدعوووه حف وصبغ .. مادري جذي اسعارهم انا اسوي ويهي كله 3

 

[f6oum.]

سلام بنات ادري ما رديت صايرلي فتره امتحانات لان . انا ما سويت الموضوع حق النجره و المهاوش حق كل الي قالي حرام الله يجزاكم خير وانتوا نصحتوا ووفيتاو مثل ماقالوا البنات انا اشوفه مو حرام والي تبي ادش اتقولي حرام لاتدش لان الموضوع كاتبه في حف حواجب و الي انصحوني مشكورين وايد .. :***