احس زوجني ماخذني تقزيره

[أميرة-]

السلام عليكم

بنات انا لي اشهر من تزوجت يعني توني عروس اعتبر

زواجي كان تقليدي بحت

للامانه زوجي زين يعني ماعنده خرابيط الحمد لله بس في امور مكدرتني حيييل مو شويه

انا ربيت ببيت انا البنت الوحيدة ومدلعه حيل سفرات وطلعات ماكان ناقصني شي ..

زوجي طبعه اجتماعي راعي دواوين يومه كله لعلاقاته الاجتماعية مخيمات وجواخير ودواوين وشاليهات يرجع البيت عشان ياكل او ينام بس .. احس نفسي خدامة بس انظف واطبخ وارتب مشكلتي استحي حتى اطلب شي واذا قلت له بطلع طلعني عن خاطري يمكن من تزوجنا اقل من 4 شهور الحين بس 5 مرات طلعت معاه والباجي كله مسجونه بالبيت

شغلة ثانية احس مرات انه يشك فيني ممنوع اطلع بروحي نهائيا وممنوع اطلع مع اهلي واذا رحت لاهلي كل شوي يدق علي بيشوف شنو اسوي مو حبًا فيني بس يدري انه اهلي يطلعون نظامنا مانقعد بالبيت عكسهم عندهم الحريم مايطلعون من البيت كلش بس زوارات

انا تعبت ودي اغير طبعه بس مشكلتي ماعرف دهاء الحريم ابي افر مخه مو بشي غلط بس ابي اخذي حقي منه كله ماله وقت حتى بالفراش انا اطر منه طراره يرجع للبيت تعبان متفلش بس يبي ينام ولو اخليه بدون ماتحرش فيه ممكن اسبوع مايصير شي لازم اقط عمري عليه ولا مايبادر

لما اقوله بطلع يقولي المرا مكانها البيت هذا مملكتج !!! تعبت من قعدة البيت وتعبت من الحكرة والتسلط

 

[جامعيه طموحه]

حبيبتي الله يتمم عليج بالخير ان شاءالله

هيئيله الجو بالبيت اكثر خليه يحب البيت ويحب قعدتج مثلآ قوليله بالويك اند حبيبي لا تطلع بقعد معاك وجهزيله قعده مثلآ كل اسبوع شي يديد مره ييبي افلام بالبيت ونفيش وكاكاو وبيبسي وهالسوالف وقعدوا طالعوا فلم او مره ليله رومانسيه يعني الحين المفروض طاحت الميانه بينكم ولو شوي .. لما يطلع طرشيله مسج انج اشتقتي له وتبينه يرد البيت

و دام مبدأه ان الحريم ما يطلعون برا البيت مو معناه يشك فيج بالعكس واييد رياييل مايحبون حريمهم تطلع برا البيت جاريه وقوليله حاضر وفهميه ان اي مكان هو معاج فيه حتى لو بالبيت بدون طلعه بالنسبه لج ( جنـــــــه ) يعني ان وجوده معاج اهم من اي طلعه ولو مثلآ عند اهلج ودق عليج يسئلج شنو تسوين قوليله افكر فيك حبيبي اشتقت لك من هالكلام خققيه بمعنى اصح ولمن يرد من الشغل ولا من طلعته تعبان مو شرط ان تتحرشين فيه عشان يتقربلج او ما يدش البيت استقبليه وقوليله عساك عالقوه حبيبي توه مانور البيت وقوليله يا قلبي فديته حبيبي تعبان تعال اسويلك مساج ووقتها كوني متكشخه ومتعطره وحطي عطر مميز يخليه يدوخ وينسى ام النووومه والتعب يركض وراج ومو مشكله اذا مافاد هالحركات مره على مره انتي تعودينه

الريـــــــــــــال ما يفر مخه الا المره الي تدلعه وتسحره فيها بتصرفاتها اناقتها دلعها وسمعي كلامه جاريه بتكبرين بعينه

والله يسخره لج

 

[نـعـومـه]

شوفي اولا سالفه دواوين الجاخور اغلب الشباب جذي يحبون دواوين يحبون طلعات مع ربعهم جاخور بر وايد رياييل يوميا دوانيه بلاتحاتين ريلج اجتماعي بس تناقشي معاه خصصي يوم طلعه لج مره بالاسبوع

مثلا يوم الخميس يطلعج و تطلعون مع بعض او اي يوم قوليله عالاقل خصصلي يوم بالاسبوع

 

[الجادل الخشف]

اغلع الشباب مايقعدون بالبيت وزوجي جذي بس اجذبه غصب اخليه يقعد مثلا اخليه يتابع المباراه اليوم عندي وباجر اقوله يتعشى معاي والا اقوله مشتاقه اكل معاك من زمان ماطلعنا مطعم والا مثلا بيقعد العصر وانا عارفه توقيته اكون مجهزتله السفره قهوه وجاي وحلو وحركات عشان عقب الغدا يقعد معاي يتقهوه ومر بالاسبوع سويله ليله رومانسيه قوليله يجي مبجر يسهر معاج سويله مساج ارقصيله كل هذا يحبها الرجل واذا صارله اسبوع مايقرب منج اعرفي ان في مشكله مابي افر راسج واخليج توسوسين بس انتي جربي الطرق هذي وقوليلنا النتيجه خصوصا انتي عروس وشي غريب اللي يسويه والله يوفقكم ويسخره لج

 

[MinnieMouse]

والله يا اختي اهوا ماخذج واهوا عارف نظامج
فليش الحين يبي يحبسج بالبيت ؟
خو الوحده جم بتم حابسه روحها بالبيت اهيا مو اله تنظيف او الة طبخ بس
حتى الخدامات الحين يطلعونهم ويكشتونهم

قوليله انت ماخذني وات عارف نظام اهلي
فماله داعي هذا الاسلوب

 

[MinnieMouse]

والله يا اختي اهوا ماخذج واهوا عارف نظامج
فليش الحين يبي يحبسج بالبيت ؟
خو الوحده جم بتم حابسه روحها بالبيت اهيا مو اله تنظيف او الة طبخ بس
حتى الخدامات الحين يطلعونهم ويكشتونهم

قوليله انت ماخذني وات عارف نظام اهلي
فماله داعي هذا الاسلوب

 

[جنون هاجري]

تحمليه لازم اذا تبين الاستقرار

 

[mnoooll]

الله يعيييينك ويسعدك ويسخرلك زوجك يالله ي كرييييم

 

[mnor]

الحمدلله حياتج حلوة الله يتمم عليج ويسعدج ويسخر لج ريلج

انا بعد دايم اتضايق من اشياء بحياتي الزوجيه وبالنهايه ارضا شسوي لازم عشان نكمل حياتنا باستقرار

الله يسعدنا جميعا

 

[ريتاج_90]

عادي اغلبهم جذي لازم دوانية ويروح لربعه
اناا زوجي جذي

والله يسسخره لجج ويهديه والبنااات ماااقصروا

 

[خياليـــه]

يااربي انتي نفسي
كنت متعوده اطلع واسافر مع اهلي كل مرره
والحيين صارت ذلعاتي بالغلط حتى سفره ماسافرت معه
ليله زواجنا انا اللي عزمته وسويت كل شي
لان لان لو ماسويت شي بيروح يسهر مع ربعه....
مع ذلك يحبني ويموت فيني..بس اذا كلمته يقول لي يعني ما احبج الا اذا طلعتج يوميا

 

[خياليـــه]

يااربي انتي نفسي
كنت متعوده اطلع واسافر مع اهلي كل مرره
والحيين صارت ذلعاتي بالغلط حتى سفره ماسافرت معه
ليله زواجنا انا اللي عزمته وسويت كل شي
لان لان لو ماسويت شي بيروح يسهر مع ربعه....
مع ذلك يحبني ويموت فيني..بس اذا كلمته يقول لي يعني ما احبج الا اذا طلعتج يوميا

 

[NFoOLEe]

حبيبتي الله يتمم عليج بالخير ان شاءالله

هيئيله الجو بالبيت اكثر خليه يحب البيت ويحب قعدتج مثلآ قوليله بالويك اند حبيبي لا تطلع بقعد معاك وجهزيله قعده مثلآ كل اسبوع شي يديد مره ييبي افلام بالبيت ونفيش وكاكاو وبيبسي وهالسوالف وقعدوا طالعوا فلم او مره ليله رومانسيه يعني الحين المفروض طاحت الميانه بينكم ولو شوي .. لما يطلع طرشيله مسج انج اشتقتي له وتبينه يرد البيت

و دام مبدأه ان الحريم ما يطلعون برا البيت مو معناه يشك فيج بالعكس واييد رياييل مايحبون حريمهم تطلع برا البيت جاريه وقوليله حاضر وفهميه ان اي مكان هو معاج فيه حتى لو بالبيت بدون طلعه بالنسبه لج ( جنـــــــه ) يعني ان وجوده معاج اهم من اي طلعه ولو مثلآ عند اهلج ودق عليج يسئلج شنو تسوين قوليله افكر فيك حبيبي اشتقت لك من هالكلام خققيه بمعنى اصح ولمن يرد من الشغل ولا من طلعته تعبان مو شرط ان تتحرشين فيه عشان يتقربلج او ما يدش البيت استقبليه وقوليله عساك عالقوه حبيبي توه مانور البيت وقوليله يا قلبي فديته حبيبي تعبان تعال اسويلك مساج ووقتها كوني متكشخه ومتعطره وحطي عطر مميز يخليه يدوخ وينسى ام النووومه والتعب يركض وراج ومو مشكله اذا مافاد هالحركات مره على مره انتي تعودينه

الريـــــــــــــال ما يفر مخه الا المره الي تدلعه وتسحره فيها بتصرفاتها اناقتها دلعها وسمعي كلامه جاريه بتكبرين بعينه

والله يسخره لج

ماشالله كفت ووفت كل اللي بقوله قالته وزوود :eh_s(7):

 

[Jana123]

زوجج بهلوقت يعتبر حده عادي حركاته لانه اغلب الشباب للاسف صايرين جذي الا من رحم ربي لانه زوجي نفس زوجج فاحس الي تقولينه عادي ولانه شكثر اعرف بنات نفسج ونفسي الله يهديهم بس بس انتي لاتحنين عليه وتكدرينه مع الوقت شوي شوي بيتغير باذن الله

 

[خياليـــه]

انا عند اهلي هالفترره / كان مواعدني نطلع انا وهو اليوم
توني اشوف الفون يقول لي انه فرحله ويا شباب ومارح يجيني :'(
ترا مو اول مره يسوي فيني كذي

 

[انسام الكويت]

سالفه دواوين وجواخير وبر كل الشباب جذي فما تقدرين تمنعينه وتقولسن اقعد بالبيت معاي وثاني

شغله خصصي يوم واحد بالاسبوع تطلعون فيه وماتتنازلين عن هاليوم هذا اي يوم اختاروه ويكون طلعه لكم عشا كوفي اللي يكون

واذا رفض قولي من حقي اطلع واغير جو انا ماقلت لك طلعني كل يوم هو يوم واحد بالاسبوع ومن هالحجي الحلو طبعا ريال مايجي الا بالكلمه الطيبه

تكسبينه واذا رفض قولي خلاص اجل اطلع ويا اختي او اهلي وشوفي ردة فعله حزتها ان شاءالله يوافق والاهم انتي عروس تقدرين تعودينه على اللي تبينه

بكلمه حلوه منج.. بألاسلوب الطيب وباللبس السنع تجذبينه صوبج.*