احس حياتي سخيفه موقادره اغيرها

[زينب العقيلة]

السلام عليكم

بنات انا روتيني وحياتي محكورين حيل حيل
ودي اغير من نفسي لكن موقادره
انا عايشه ابيت ماله أي طعم
وماله اي هدف
من صغري ليما كبرت
وانا ماعندي غير دراستي
والحين عطله مايخلوني اشترك بدورات تنفع او نادي رياضه
او حتى اكله بطبخها او كتاب بقراه
محد يخليني اسوق اشتري ولا لهم خلقي ويودوني
وعلى اساس ان حياتي بس دراسه اتمنى اني اكمل لكنهم رافضين .. مابقالي شي عالتخرج وادري اني بنثبر بالبيت عالفاضي .. حطمو كل احلامي حتى زواج يعقدون هالمسأله وشلت هالشي من بالي
قولولي بالله شنو اسوي بهالدنيا
انا وحده قعده البيت اهي اللي تخربني اهي اللي تخرب تفكيري مابي اهيت عالاقل حتى معاهم مانطلع نغير جو كله محبوسين
مليت حيل كله اتساءل بظل جذي لي عمر الثلاثين .. مليت والله رايي مو مهم عند احد وولا شي تمنيته صار وقاعده اقط ورى ظهري وابي اونس نفسي بشي يفيد وهم الطريج مسدود

فعلاً حياتي سخيفه ​

 

[ورود كويتيه]

قوه حبيبتي :eh_s(7):

أول شي خلي نظرتج ايجابيه للحياه وان القادم أجمل وأفضل ..

بعدين مافي أحلى من لمة الاهل والخوات والله تسوى الدنيا ومافيهاااااا

وحبوبه ترى انتي احسن من غيرج تدرسين وتروحين لدوامج وتردين والله في ناس لا دراسه ولابطيخ مقابله الطوف ..

قولي أنا أحسن من غيري وان شاء الله الامور تتغير للأفضل .. ترى محد يتم على حاله

يمكن يتغيرون .. بعدين شلون مايخلونج تطبخين!! مافهمت سوري :eh_s(10):



حبيبتي غيري نفسج بالاول وخليج ايجابيه بالحياه ومتفائله وان شاء الله مافي الا الخير

 

[زينب العقيلة]

منو قال ملتمين انا احس بوحشه وغربه محد مثل اطباعي جني بعالم ثاني والله اني اقعد نص النهار واهم نايمين مجابله الطوف

انوم نفسي غصب


سالفه الطبخ : مثال يعني لو طق بمزاجي اطبخ على اساس اضيع وقت لا انا اقدر اروح جمعيه ولا اهما يودوني مايخلوني

 

[شقاوةحلم]

ياقلبي انتي
ماعليه اهلج وربي خايفين عليك ويمكن هذا طبعهم وصدقيني بيتغيرون ومدام انتي علي وجه تخرج ان شاءالله شدي حيلك واذا توظفتي يمكن يبدون يتطمنون عليك ويساعدونك تاخذين ليسن وتسوقين سياره وتسوين كلي اللي بنفسج
انا ما اشجعك لا انا متاكده من هالشي
بما انك تدخلين النت دوري دورات تفيدك بالنت اتعلمي انجليش من اليوتيوب فيه دروس حلوه
فيه دروس لغات ودروس اسعافات اوليه
اشغلي نفسك بالتصميم بالفوتوشوب او التصميم العادي للملابس وبتلقين معلومات بس بشي تحبينه بتبدعين وتصير حياتك ممتعه
اتمني لك الخير وان ربي يرزقك بالزوج اللي يفرحك دووم

 

[لمى الهاجري]

شوفي اذا تقدم لي واحد من حقج تروحين للقاضي وتقولينه انه هلج رافضين الزواج ذيك الساعة هو بيكون ولي امرج وبيزوجج

 

[زينب العقيلة]

شقاوة افكارج حلوة بس قلتلج لي متى اتعلم ابي انفذ ابي احس ان لي هوايات وشي ابدع فيه لكن الله كريم


لمى: الشكوى لله تصدقين كرهوني بالرياييل من كثر يذمون فيهم وكله اخاف زوجي بيكون اخس منهم

مو تشاؤم بس هذا الواقع

 

[((البرنسيسا))]

حبيبتي انا نفسج بعد هم ممنوع الطلعة من البيت

بس ماتشائمت مثلج صبرت وكا الله عزوجل يسر اموري والحين ادرس

مسائي وإن شاء الله بجيب نسبة وبقنعهم يخلوني ادخل الجامعة ادري ماراح يوافقون

بس املي بالله كبير ، كا انا دايما اسلي نفسي بالنت لان الطلعه ممنوعة والنت في وايد اشياء

ومجالات ممكن تبدعين فيها ، ادري وحاسه فيج لاني نفسج بس شتسوين بتعيشين تعيسة لأ

لازم تخلقين سعادة خاصة فيج سعادة لج انتي ابذلي الاسباب والله إن شاء الله بيوفقج ويسهل امورج

 

[غراوي]

يسهلها ربج
استغفري لان الاستغفار يغير الاحوال

 

[روح مغليهاM]

الله يكون بعووونك
ويرزقك بالزوج الصالح

 

[Lost]

وبشر الصابرين

 

[زينب العقيلة]

شاكرة لكم حبايبي

معاكم حق

 

[كويتيه كول عطول]

السلام عليكم هلااحبيبتي
خلي ثقتج بالله كبييره وكثري من الدعاء بالأوقات المستجابه مثلاً :بين الأذان والإقامه أو في السجود أو منتصف الليل أو الفير. لايخيب أملج استغفري.
طلعي إبداعاتج بنفسج ليش ماتألفين روايه حلوه فيها هدف وتقعدين بالأوقات إلي ودج تسوين شي فيها ونزليها بالنت ...بطلي لج أشياء بالنت تفيدج وتأخذين منها معلومات.. ليش إنتي بنفسج ماتسوين جو في البيت روحي دخلي المطبخ سويلهم جاي وقهوة وناديهم قولي لهم حبيت إنه كلنا نتيمع مع بعض خليهم يستانسون منج إشوي ضحكي وتغشمري معاهم وسولفي عادي وجذي. روحي عند أبوج قوليه يبا وناسه القعده معاكم واليمعه ودي لو نتمشى كلنا بره وساحليه جذي بكلمتين وإذا مارضى لايخيب الأمل فيج وتزعلين بالعكس خليج عادي ولاتقولين خلاص آخر مره أقوله حااولي أكثر من مره وإن شاء الله أبوج مايقصر ... وهمن حاولي فيه إنج تكملين دراسه وإن شاء الله الله يرزقج بالزوج الصالح بعد ماتخرجين ويخليج تكملين وتسوقين سياره
حبيبتي كوني صابره لأنه الله معاج وواثقه إنه حتى إذا كان أهلج مايرضون فا الله فووق الكل وإذا أراد إرادته فوقهم كلهم سبحانه الحمدلله

 

[كلنا عشاق لكن]

إقنعيهم إن الدراسة معاها مكافأة شهرية وإنج ماراح ترهقينهم بشي
فاالبداية إنج تستقلين ماديا وبعدها كل شي بيصير بكيفج :sfg:
ومنها بيتغيرون خصوصا لو قمتي تهادينهم وتضيفين للبيت وتعزمين وتنعزمين
الشي الثاني رافجي بنات جيرانكم اللي يسوقون أو عندهم سايق
سواء يمرونج لو حابة مشوار إقريب أو يجيبون لج طلبج وأكيد مايقصرون إن شالله
و الأغراض أمرها هين
تعاملي مع سايق / هـ يجيبونها لج للبيت متى مابغيتي
وفية محلات وجمعيات إتوصل وبعضهم له موقع مثل موقع طلبات
وحتى لو طرالج شي من السوق يروح لهم السايق ودقي قولي لهم طلبج
والله يعجل لج بالفرج
​

 

[*المــــلكة*]

الله يعينج حبيببتي والله حسيت فيج مع انه حياتي مو جذي بس اعرف في بنات جذي ودايما يشتكون ويحسون حياتهم مالها قيمه
الله يهدي هالأهل اللي مادري شلون يفكرون !!!​

 

[M!ss Pa!n]

والله شقولج انا مثلج كله بهالبيت وماعندي خوات ولانزور اهل ومحد يسوق عندي ليسن عالفاضي للحين مالقيت سيارة وكله يقولون لي صبري وعادي لاتستعيلين وهذاني كله مجابلة هالنت بس انا الحمدلله اطلع عالاقل اروح البرادة لجريبة لان جذي تمصخ احتياجاتي شلون باخذها اهم مايرضون يروحون ممن جي يخلوني اروح والدراسة هي اللي شوي تونسني واحين نفسج اجازة ومتمللة بهالبيت الله يعيننا وانا نفسج يحسسوني اني ياهل حتى لو بالغلط يبت طاري رفيجاتي تزوجو يقولون لا كملي ددراستج او انتي صغيرة انا مو مستعيلة بالعكس مابي بس ماحب هلون يسوون لي اخر واحد تقدم لي قامو يطالعوني مستغربين ورفضت عشان افتك منهم بس

 

[مريومه النزغه]

تقريبا انا نفس حالتج الله يعين

 

[LoLaTi]

شوفي اذا تقدم لي واحد من حقج تروحين للقاضي وتقولينه انه هلج رافضين الزواج ذيك الساعة هو بيكون ولي امرج وبيزوجج

نعم نعم خير وين قاعدين تشيشين البنت على اهلها ؟؟؟ شنو تروح للقاضي ويزوجها شهالمصخره عندج راي زين قوليه ماعندج احتفظي برايج حق نفسج تبين البنت توقف ب ويه اهلها وتروح تشتكي عند القاضي ويزوجها غصب عن اهلها؟؟؟؟ :eh_s(14):

 

[mf6nt el3lat]

الله يعينج اطلعي مع امج اي مكان ان شاء الله الممشى اذا يرضون اهلج ولا حتى حتى مع الجهال الله يعينج

 

[الدنيا لحظه**]

الله يسهل امرج حبيبتي واحنا كلنا خواتج اي شي تبين انا موجوده

 

[أحلى من الخيال]

هلا حبيبتي
الله يحفظج لأهلج الأغلبية اللي بعمرج و تدرس تبي تطلع و ما تبي البيت
و كله تحس إن حياتها فاضية و أهلها مو فاهمينها
عادي
أهلج خايفين عليج و ما ألومهم الوقت و المصايب اللي تصير تخوف
أكيد في أشياء حلوه بحياتج أنتي مو شايفتها لأنج مركزة مع الطلعة وبس
ان شاء الله تشدين حيلج بدراستج و الله يوفقج و تجيبين نسبة و تكملين
و يرزقج زوج صالح يشغل حياتج
بس الله سبحانه ما خلقنا عبث
كل إنسان له دور يومج مليان بصلاتج بوردج اليومي من القرآن و تدبره
و الأذكارو الدراسة و مشاركة الأهل
و إعادة اكتشاف الآخرين و ذاتج
صدقيني مشكلتج بسيطه و حلها بيدج
الله يوفقج
و لحد يقص عليج بعصيان أهلج و لا تسوين شي من وراهم​