احس بناااار بقلبي من زوجي لانه يخوني مع نفسي 

[دمع القلوب]

السلام عليكم ورحمة الله وبركاته

ماادري شلون اكتب الموضوع وشلون راح ابدا بس والله ما توقعت بيوم اكون هني بهالصفحه اكتب مشكلتي واعذروني لو شفتو لخبطه بالكلام

لاني احس اكتب وانا مو صاحيه عيوني مغررررقه دموع راسب بينفجر من كثر ما بجيت احس بضيقه وهم من الصدمه

بنات زوجي يخوني ومع منو مع نفسي معاي انا

بتقولون هذا لغز

بقولكم لا والحين بتعرفون شنو اقصد

تعرفون برنامج الهوز هير بالايفون اكيد الكل يعرفه واللي ما يعرفه بقوله هو برنامج شات تافه يجمع الشباب والبنات من كل الدول

المهم اخذت تلفون زوجي من دون ما يدري كان نايم وانا عارفه الرقم السري بطلته وشفت نكه وكلامه لبنات وااااااجد ومدح وغزل بس محد معطيه وجه


يتغزل ببنات دوله معينه ويقول احب كلامكم وانوثتكم وانا عندي وحده مشفووووحه مو هامها الا السوق

المهم انا خليت كل شب مثل ماهو لاني شفت نكي موجود

انا ادخل الهوز هير بس مستحيل اكلم احد

بس اخذ صور واطلع

المهم رديت الجهاز ودخلت من جهازي ودزيتله مسج بالبرنامج

قعد من النوم قلت بروح لهلي قال اوكي رحت وقعدت اكلمه من الساعه 8 ل12

مع العلم انه قالي ساعه وردي دقيت 9 قلت بقعد ل11 قال اوكي

دقيت 11 قلت بنام عند اهلي قال اوكي

من ال8 ل12 انا وياه سوالف قال انه منفصل وكل شي جذب كتبه

قال كنت مسافر بروحي قبل مده وتعرفت على وحده هناك كانت تجيني للفندق و و و و و مع العلم اني كنت معاه بالسفر يعني جذب

المهم معاه معاه ل12 طلعت وتواعدنا نشبك 2

ورديت بيتي الساعه 1 والله انصدم لما جيت احس صج ما يبيني كلللللللللش

على فكره بالمحادثه طرشلي صورته وسيارته

انا بنات ميته قهر ابي حل من الكل والجميع شنو اسوي

قبل لا ارجع البيت مسحت البرنامج لاني خفت ياخذ تلفوني وفعلا قبل شوي اخذ تلفوني وقعد يشوف البرنامج بعدين رده لي

لحد يقولي خلاص وقفي لااااا مستحيل راح اكمل معاه لو العمر كله بشوف اخرته شنو

تكفون عطوني معلومات افكاااااااار شسوي فيه النذل الخاين

بحاول اروح لاهلي بكره وبحمل البرنامج واكلمه بشوف شنو بيهبب من سوالف بعد

 

[Heaven Light]

كملي معاه وشوفي شنو اللي مو عاجبه فيج وعدليه
وان شاء الله بيتغير ..

​

 

[كلهآ ملح ..}]

يآحيآتي الله يهديه ويسخره لتس
نآقشيه حبيبتي بوقت هآدي بس لأآتعصبين لاتكلمتي معه .~.!

 

[! بــدويه وآآيــد !]

،

كملي معاه وخلج معاه واذا تعرفين وحده ثقه تكلمه مسجات وجذي احسن
عشان تطيحين عليه طيحه سنعه وتواجهينه بالمسجات وكل شي تخلينه يندم صج صج مو يقول زله ومادري شنو
وديري بالج يجك ان انتي بعدين يقول انتي متعوده تطيحين الشباب
الله اييسر امورج يارب

 

[غلأأأأ مغليهأأأ]

اللله يكون بعونج سوي كل شششي بس لايعرف ان كنتي تكلمينه ديررررررررررررررري بالج
والله يسخره لج انشالله

 

[shak!shoka]

ما ادري بس بدعيلج الله يبرد حرتج و يبعد عنج القهر
و يهديه حسيته ياهل و عقله على قده !


انا ما افتش اخاف انصدم والله بس امسك اي فونه بفتش قلبي يرقع و احس احد يقولي لا و فعلا اطيعه
ما اقدر اقولج لا تفتشين او انج تكملين الفلم معاه لانه الوضع الي انتي فيه يذبح

اهم شي لا توصل الامور للمواعد و الشي الحرام اهمممم شي
اذا وصلت لهالمرحله انا من رايي تبطين الجربه و تواجهينه و تعلمين اهلج بعد

الهوز هير في الوووف مؤلفه يمكن يحاجيج و يحاجي عشره غيرج ما تدرين




الله يهديه و يمسح على قلبج و يبعد عنكم المشاكل و عوار القلب

 

[~lonly-sister~]

امبيه امبيييييييييييييييييييه لا لا انا نصيحتي انج ماتكملين معاه مسجات وشات

لأنه لو طاح عليج بيذبحج ويلعن خيرج ويقول بنفسه هاذي شكلها متعوده من قبل جذي ولا شلون طيحتني وبعدها انتي اللي

بتنقهرين وتنغثين طول الوقت

انتي بذكائج شوفي شنو موعاجبه فيج وغيره للأحسن وبعدين قعدي معاه قعده هاديه وتسولفون سوالف عاديه

وجيبي طاري ان وحده من صديقات صديقاتج طاحت على زوجها (وبنفس طريقتج اللي تسوينها ) وشوفي ردة فعله شنو

وقولي أنا لو مكانها اهد البيت انسان مو محترم ووووووو ومن هالسوالف بس بشويش

وادعي بصلاتج ان الله يسخر قلبه لج ويهديه عن اللي يسويه

وانتي استعملي سلاح الأنوثه دامه يحب الأنوثه والحركات

والله يوفقج حبوبه

 

[عاشقة هواك]

الله يعينج حبيبتي

 

[صادقة بكلمتي]

شوفي حبيبتي لا تكملين ول اتعبين روحج لنج بتسمعين اشياء ماتسرك خلاص ليش الف والدوران روحيله بهدوء وقوليله يا ابن النس انا مقصره معاك بشي قولي اياه ومن هالسوالف وانا صاينتك واخاف الله فيك وابيتي وجذي كلام وان انت نا تبيني يبا حللني وقوم ودني بيت اهلي ولا اشوف سوالفك جذي وان انت غلكان الله يهديك وان انت متعمد تسوي جذي لنك ماتبيني ما يحتاج الله مابيني وبينك وانا عزيزة نفس وبضل اذكرلك الزين وعشرتنا واخذيه بالسياسة ولو بجيتي وشنو مافيج اياج تكبرينها وتاخذينه بالصوت الريال بالهدووووووووووووووووووء تاخذينه والله يصلح باله ويجمعكم على خير وادعيله بصلاتج لان هذا امتحان من الله الله يهديه ولا تبيعين بيتج لان هذي تفاهات ومرده بعقل ان شاء الله بس لا تتركين بيتج ودافعي عن حياتج من كل عاصفة والله يستر علينا وعليج تقبلي مروري

 

[مهرهـ]

اول شي صلي على سيدنا محمد عليه الصلاه والسلام

والله انتم الحريم مشكله احد يدور على جرحه ؟؟
في عباره اعجبتني مره (لو كشف لك غطاء القدر لاخترت الواقع)
يعني الانسان احسن يجهل بعض الامور اريح له عشان مايدخل بدوامه
وبما انج دخلتي الدوامه لازم تطلعين منها...
شوفي غناتي بهاللعبه انتي خسرانه ومانصحج تكملين لانج بتنجرحين زياده
ياقلبي كل اللي عليج تعوذين من الشيطان وتتقربين لزوجج وبما انه يحبه الانوثه والحركات<<هذي نعمه
يعني وصلتي المفتاح الاساسي<<وركزي عليه بدال ماتركزين بامور ثانيه وتكملين بهاللعبه الغبيه وتعورين قلبج
رجلج باختصار فاقد هالشي<<عطيه <<سافري معاه <<عطيه جوه
والشي الثاني<اطلعي معاه شاليه وتمشو عالبحر وساليه شنو الي تحبه فيني وشنو الشي الي ودك اغيره ترا حتى هو راح يسالج نفس السؤال وقوليله انا ابيك لي وماتحمل احد يشاركني ووووووووووووووووو ومن هالكلام

وبدال ماتبجين وواجهي مشكلتج انا ادري انج انصدمتي عادي ..بس الحين جا دور الحلول
ومالج شغل بالبنات اللي تقولج كملي اللعبه لاااااااااااا وانج خسرانه لو بتكملين لانج بتجرحين نفسج بنفسج ..دامج عرفتي العله زهبي العلاج ..
وسمعينا الاخبار الزينه

 

[عواششه]

نصيحه لكل البنات المتزوجات :

صيروا رفيجات حق زوجج وليس زوجات فهمتوا ..

 

[غندورة المدينه]

بجد رااح تخسري لو كملتي هبله انتي تجيبي البلا لنفسسك حبي نفسك واعشقى الرااحه
مافي رجال مايغلط بي الاهم الزوجه الذكيه الى تعرف كيف تنسي زوجها هذااااا كلو ويصير الايفون زي الصنم عنده
يعني روحي صلي واتصدقي وادعي ربك انو واستودعي الله زوجك من كل حراام
بس لاتكمممممملي نصيييحه

 

[حبيبي وبس]

لاتكملين ولا شي انت فتحتي علي نفسج باب هو بالاساس محد معطيه ويه خليه وبعدين منو من الرياييل عنده خرابيط غير جذي كرهتي فيج اللحين بس يفكر بذيج البنت وماله خلق لج

 

[كـ غلا ــلي]

اول شي صلي على سيدنا محمد عليه الصلاه والسلام

والله انتم الحريم مشكله احد يدور على جرحه ؟؟
في عباره اعجبتني مره (لو كشف لك غطاء القدر لاخترت الواقع)
يعني الانسان احسن يجهل بعض الامور اريح له عشان مايدخل بدوامه
وبما انج دخلتي الدوامه لازم تطلعين منها...
شوفي غناتي بهاللعبه انتي خسرانه ومانصحج تكملين لانج بتنجرحين زياده
ياقلبي كل اللي عليج تعوذين من الشيطان وتتقربين لزوجج وبما انه يحبه الانوثه والحركات<<هذي نعمه
يعني وصلتي المفتاح الاساسي<<وركزي عليه بدال ماتركزين بامور ثانيه وتكملين بهاللعبه الغبيه وتعورين قلبج
رجلج باختصار فاقد هالشي<<عطيه <<سافري معاه <<عطيه جوه
والشي الثاني<اطلعي معاه شاليه وتمشو عالبحر وساليه شنو الي تحبه فيني وشنو الشي الي ودك اغيره ترا حتى هو راح يسالج نفس السؤال وقوليله انا ابيك لي وماتحمل احد يشاركني ووووووووووووووووو ومن هالكلام

وبدال ماتبجين وواجهي مشكلتج انا ادري انج انصدمتي عادي ..بس الحين جا دور الحلول
ومالج شغل بالبنات اللي تقولج كملي اللعبه لاااااااااااا وانج خسرانه لو بتكملين لانج بتجرحين نفسج بنفسج ..دامج عرفتي العله زهبي العلاج ..
وسمعينا الاخبار الزينه

كلامها عدل 100% ماراح تستفيدين من مواجهته ومبين انه ريلج لعوبي قاعد يتسلى

اللي عليج انسي محادثلته واللي طحتي عليه والفايده من هاذا كله انتي عرفتي ريلج شنو يبي ادري

انها صعبه وتقهر بعد بس انشاءالله فتره

وتعدي

 

[جديده 1]

نصيحه اخت .. لا تتعبين معاه ولا تركضين ولا تسولفين معاه و اياني وياج يدري انه كان مكلمج ترى راح يفقد الثقه فيج و يقلب السالفه عليج و الاهم من هذا و هذاك بكره يقول اي هي تدري اني اكلم بنات عادي !!!!!!!!!!

 

[حكاية شهرزاد]

كملي معاه لين تشوفين نقاط ضعفه واياج تقولين له بيوم انه انتي دخلتي ,, الا اذا صار بينكم طلاق صدميه ..

شي ثاني هذي مو خيانه ,,هذي الرجال زهقان منج , ضايع منه الحب , وده يتعلق وده يحب , يبي يعيش ,, عيشته معاج روتينية ,
الرجال يبي يرجع حر , يبي يحل مشكلته مع نفسه , انه مو سعيد , انه احلامه وقفت ,


سؤال ؟

شنو اهدافكم انتو مع بعض ؟؟ انتي المرة , انتي اللي تسحبين الرجال , شنو اهدافكم , خططي وخله يسعى لها ..

وين عتابكم لبعض ؟ وشلون تزعلين منه . وشلون يراضيج ؟

الرجال هذا يبي يتعب ,, تعبيه ,, يبي يشك يبي يحب يبي يلف راسه مايبي استقرار ,, كوني له حربايه تتلونين ..

 

[ربي سبحانك]

ما انصحج تكملين معا ليش تصعبين على نفسج الامور ماله داعي والله يهدي

 

[مفلوقه بقدر]

المشكله الاولى انك فتحتي ايفونه.. ليشش تفتشين؟ انتي كذا تجيبين لنفسج مشآكل كنتي بغنى عنها
هالحين كملي معه بالمسجات فقط بدون مايشك انه انتي.. واسحبي منه الكلام شوفي وش مشكلته وشنو يبي بالضبط؟؟
بعدين احذفي هالبرنامج وعدلي من نفسج شوي وغيري حيآتج وروتينج اليومي
وصلي اخر الليل وادعي ربي يكره بالايفون وبكل شي يشغله عنج
الله يعينك

 

[ربي سبحانك]

،

كملي معاه وخلج معاه واذا تعرفين وحده ثقه تكلمه مسجات وجذي احسن
عشان تطيحين عليه طيحه سنعه وتواجهينه بالمسجات وكل شي تخلينه يندم صج صج مو يقول زله ومادري شنو
وديري بالج يجك ان انتي بعدين يقول انتي متعوده تطيحين الشباب
الله اييسر امورج يارب

حبيبتي ان شاءالله ماتطيح عليه بشي بعدين حبيبتي شالنصيحه ليش تييب وحده ثقه وكل هذا جذي تكبر المشكله زياده هذا رايي ويارب ماتزعلين

 

[a7la_7b]

الله يهديه ويسخره لج