احس بتعب وارهاق ونفور من كل شي

[خلطات المذهله]

مسائكم وصباحكم فل يااحلي قسم دايما اتابعكم واحب استفيد من مناقشاتكم الطيبه

هالمره زيارتي للقسم لطلب استشاره خصوصا اني عانيت وايد بالفتره الاخيره وتحملوني لاني بكتب كلام وايد بس علشان تكونون ملمين بكل التفاصيل



طبعا انا شخصيه عاديه جدا انسانه بسيطه متواضعه لله الحمد اعرف مقام العبد من مولاه واعرف ان ربنا شايف وعارف كل مافي نفسي


بدايه انا كنت احب من صغري عالم الخلطات والعلاجات التجميليه والعلاج بالاعشاب وغيره
دايما كنت اشتري كتب واتابع اشخاص معالجين وكذا
بوقت الي كانت البنات تتسلي وتلعب كنت اراجع كتب ابن القيم وتذكره داود وغيرها من امهات الكتب

وطبعا كنت اخذ من وقتي وصحتي واااايد عشان اتعلم والحمدلله انا موهوبه بالفطره ودرست لله الحمد الكيمياء الي اقدر اقولكم انها مافادتني كعلم كثر مافتحت لي ابواب وانا كملت بحثي ودراستي

لله الحمد درست وتتلمذت علي يد اكبر العشابين في سوريا واخذت دورات علميه في شغلات كثيره مافي مجال لتفصيلها

المهم انا تعبت علي نفسي وعانيت من احباطات من حولي وغيره واستهزاء ولوم وسخريه يعني شفت وايد والكل كان يتندر علي اهتمامي

خصوصا ان اجتماعيا اهلي يرفضون ان ابرز بالاعلام مثل الكثير من المعالجين وغيرهم او حتي افتح عياده برغم كل معرفتي وشهادتي

بعد الزواج ايضا رفض زوجي عملي بالعلاج رسميا واكتفيت بالبحث والتجارب علي الضحايا ههههههههه من عيالي واهلي طبعا مو تجارب عشوائيه انما علميه وبعد دراسه

ادرس ماستر حاليا وموضوعي حيوي جدا وانا كنت متحمسه جدا لانه بيخدم المجتمع والانسانيه
وبناء علي تشجيع معارفي دخلت عالم التجاره
بصراحه تبارك الرحمن بسرعه انشهرت والكل لله الحمد والمنه تعامل معاي باحترام وثقه ولقيت اصداء كبيره بفتره قصيره حتي علي مستوي الخارج

بفضل الله توصلت لكذا تركيبه مميزة وفي منها الي بعت حقوق تصنيعهم وبعضها احتفظت فيه لنفسي

لكن مشكلتي الي بتكلم عنها
اني تركت كل شي
وماعاد لي خلق
لابحث ولادراسه ولاشغل
من اول مابديت التجاره يعني دخلت عالم الشهر انقلبت حياتي للاسوء
خصوصا اني ثرثرت وايد بين معارفي وكانت نيتي طيبه لكن
للاسف قابلوني بحقد وحسد وتحبيط حتي من اقرب الناس لي
كذا مرة وصلت بيني وبين زوجي للطلاق
للعلم تري انا ماعرف بالتجاره واغلب الزباين يعرفون هالشي
يعني مخي موتجاري انا انسانه احب ابحث

بعد مابلشت لقيت اموري تتحول للاسوء حياتي انقلبت فعلا
كثرت المشاكل وبيتي دايما خلافات حتي بين عيالي نفسهم

كرهت دراستي ووقفتها رغم ان مابقي لي شي علي الرساله

كرهت كل شي حتي سيارتي مالي خلق اسوقها وحصل لي كذا حادث بفتره بسيطه والله نجاني انا وعيالي

شغلي لما ابي اسويه تييلي دوخه ولوعه وابعد عنه
كتبي الي جمعتها بسنوات طويله ماراح تصدقون شنو سويت
دقيت علي لجنه تبرعات وعطيتهم اياها وفيها كتب نادره

صرت ماطلع من بيتي وكله مكتئبه

بعد فتره نبهتني احدي الاخوات الي اني ممكن اكون تعرضت للحسد وانا بصراحه رغم ايماني بهالشي لكن ماكنت اهتم

مرضت مرض شديد ادخلني المستشفي لكن مافي مرض حقيقي لدرجه شهر راقده في فراشي

وقفت الشغل وكل شي واخذت اجازه من دوامي ونفس الشي ظل التعب موجود
عالجت بالرقيه وكل فتره وفتره ترد تتجدد علي التعب والدوخه والاغماء

حاليا وقفت كل شي وماهمني لاتجاره ولادراسه
كل الي متحسفه عليه بحثي الخاص بمرض السرطان وقفته رغم حماسي السابق له

ابي القي حل لاتقولون لي رقيه وحسد تري انا اقرا الاذكار وكل شي ومؤمنه بالله يعني مو معقول الحسد يوصل الانسان لهالدرجه



ودي ارد بحماستي الي قبل واقبالي علي الحياه والعمل


اسفه علاطاله احبكم في الله​

 

[شادن33]

في حديث يقول اكثر مايميت بني ادم العين

مذهله حبيبتي الحين الناس تحسد عل الطاير
وانتي ماشالله مره ناجحه بتجارتج وبحوثج أكيد العين مبطله عليج

ولاتقولين مانقولج عليج بالرقيه ترا أهي الشي الوحيد علاج العين ويمكن ماراح تشوفين نتيجتها طوااالي لاء علي حسب العين اذا كانت قويه ولا لاء
وانتي أكيد ماتتحصنين بالاذكار يوميا من جذي صابت العين بسرعه والله لطف وقدر ونجيتوا من الحادث

اللي عليج ماتسولفين وايد عن تجارتج وبيتج حق الناس اولازم تختمين كلامج بأليمعات بقولوا ماشالله تجبرينهم يقولونها
والاذكار مااتهدينها والرقيه
والله يشفيج وتردين مثل الورده

 

[أبله شقحه]

والله يعين ي الغاليه وسمي واذكري الله لاتخافين من العين تري الرقيه زينه ولاتوقفين احنا نحبج وتطمني بدعيلج بصلاتي عسي الله يشافيج ويعافيج

 

[سمراءوافتخر]

السلام عليكم

ربي يشافيج شفاءا تاما عاجلا غير اجل يا رب يا كريم ويرجع لج حيوتيج وحبج للدراسه وللشغل حاولي تروحين عمره وادعي هناك وربي ما راح يخليج ابدا ووكلي امرج اليه واهم شي الدعاء الدعاء هذا اوق س سلاح للمؤمن وارقي نفسج دلاميه ولا تهملين في الاذكار وما تشوفين شر الغلا وطمنينيا عليج الغلا

 

[جنون العاطفه]

حياتي

أسال الله لك سرعة الشفاء
عليك بالرقيه ​

 

[مياسـة القد]

يسوي اقووووووووووى واشوفه بأمي امي ماشاءالله كل ليلة تهجد وتقرأ القران ولا يوم يمر ماتفتح القران مع ذلك العين فيها قوية لدرجة انها تبجي بجي يهال قدامنا الله يشفيها والشيخ لمن قرا عليها قال العين قوية اثارها مثل اثار السحر تدرين ليه لأنها تركتها يمكن 15 سنه ماعالجتها فتحول لمس الله يكفينا الشر
نصيحه لاتقولين مافيني عين وما ادري شنو لازم تؤمنين بهالشي فيج وهاذي اول واهم نقطة بالعلاج
وانتي ولا احنا ندري احسن لج جيبي لج شيخ ثقه وويخليه يقرا عليج ومن الاعراض بيقولج
واااااهمممممم شي استمري بالقراءه مع الشيخ لاتقطعينها وانتي اقري البقره والمعوذات كل يوم صبح وليل والله يقومج بالسلامه

 

[نجداويه نجد]

~

مما يجب اعتقاده أن العين سبب لغالب أمراض الناس ،
ودليل ذلك قول النبي صلى الله عليه وسلم: « أكثر من يموت من أمتي بعد قضاء الله وقدره بالعين» ،
وقوله صلى الله عليه وسلم: « العين تدخل الرجل القبر والجمل القدر » ، وقوله صلى الله عليه وسلم : « العين حق ويحضرها الشيطان وحسد ابن آدم » .

ومعناها : أن العائن يطلق وصفًا إما حسداً أو إعجاباً بدون قصد ، دون أن يذكر الله ويبركّ (أي يقول بارك الله) ، فينطلق شيطان حاضر ليضر المعيون إن لم يكن محصناً لنفسه بالأذكار وغيرها ، فيؤثر فيه ويضايقه ويؤذيه ويصيبه المرض بسببه ، ولنفوذه الجزئي داخل الجسم تتغير كيميائية الجسم فتظهر برودة في الأطراف وحرارة في الظهر والعينين وجفاف بالفم وانفعالات زائدة وأفكار غريبة .

فإذا أُصبت بمرض لاسبب له ، أوقال الأطباء أن فحوصك سليمة مع بقاء المرض فأنت مصاب بسبب العين خاصة إذا ظهرت عليك بعض الأعراض التالية :

صداع ، صفرة وجه ، كثرة تعرق ، أوتبول ، كثرة تجشُّؤٍ وتثاؤب ، قلَّة نوم أو كثرته ، ضعف شهية ، رطوبة اليدين والرجلين مع تنمل فيهما ، خفقان في القلب ، خوف غير طبيعي ، غضب وانفعال شديدان ، حزن وضيق في الصدر، ألم أسفل الظهر وبين الكتفين ، أرق بالليل .

وقد توجد هذه العلامات كلها أو بعضها على حسب قوة العين وكثرة العائنين ، كما أنها قد توجد في غير المصاب بالعين بسبب مرض عضوي او نفسي..


والعلاج /: هو بالرقيه الشرعية

 

[الأميرة جوري]

الله يشافيج يارب الاذكار وقراءت القران تخفف من اثر العين لكن ماتحمي ميه بالميه عليج بشيخ يقرا عليج اعتقد عين وشوفي المعده اخاف اسم الله عليج فيج جرثومه لانها تسبب جذي وانتي ماتدرين

 

[ALMooOooN]

حبيبتي عسى ربي يشافيج بأسرع وقت و هذا شهر خير

كثري ذكر ربج فيه

و تعوذي من الشيطان

و ارقي نفسج و كثري من الاستغفار و الاذكار

 

[عادت ذكرياتي]

عليج بالقرآن والأذكار وارقي نفسج بنفسج وخلي ذكر الله على لسانج والله يشافيج يارب

 

[الزورق222]

الله يشفيج .. حاولى تجربين تتبرعين بالدم مادام انتى مواصله فى قراءة الاذكار والرقيااا ..ممكن يكون السبب فى الدم نفس مشكلة اخوى اذا تبرع ارتاح من الدوخة ونفس اعراضج بالضبط ..

 

[أبله شقحه]

سبحان الله الشافي انا كلمت المندوبه وقالت لي ان الخبيره طايحه بفراشها واشتد عليها المرض وبتروح المدينه للعلاج ادعولها يابنات عسي الله يشافيها

 

[batooly]

ما شاء الله تبارك الرحمن

الله يشافيج حبيبتي ما تشوفين شر
و ان شاء الله يتحول حلاج الى أحسن حال

 

[مدمنة خلطات]

الله يشفيييييييييييييييييييج يارب ويشفي المسلمين اجمعين

قرآن & رقية & ماي زمزم & صدقة & دعاء &

بإذن الله راح ترجعين احسن من اووووول

وما راح ننساج من الدعااااء

 

[جويسي]

ماتشوفين شر يا الغاليه

كل يوم لمدة اربعين يوم متواصله اقري سورة البقره والله الشافي المعافي

 

[RO0O7Y KUWAITYA]

ماتشوووفين شر حبيبتي
اسال الله العلي العظيم في هذا الشهر الفضيل ان يشفيييج ياااارب العاااالمين\
الله يخلي لج زووجج وعياااليج ياااارب ويقوومج بالسلامه لنا ياااارب \
باذن الله تعالى

 

[نهى الأحمد]

هلا حبيبتي


ماتِشوفين شر ياقلبي وعسى ربي يبعد عنكم كل مكروه


وماشاءالله الخوات ماقصروا بالردود


عليج بالرقية الشرعية حبيبتي



*ينقل الموضوع للقسم المناسب*

:eh_s(17):

 

[* ليــــدي *]

اكيد اللي فيج احباط و يأس
انتي طموحه وتحبين شغلتج وحاطه في بالج ان الناس بتشجعج لان نيتج طيبه
وللاسف لقيتي العكس .. هذا احبااااط

وثاني شغله حسيتي ان بيوقفون وياج لكن لقيتي الكل رافض هالفكره فـ تلقائي حسيتي باليأس

هذا شي طبيعي ان يكون في يأس عقب رفض الكل فكرتج ..
بس انتي للاسف ضعيفه واستسلمتي والمرض ترى من النفسيه لها دور كبير و اغلب امراض الجسم من النفسيه

لاحبيبتي خلج قويه وقولي حمدلله عندج عيال و سياره ماشاءالله طلعي استانسي
حاولي تنمين موهبتج لان هذول اعداء النجاح خلج قويه وكملي بحثج وتجاربج ..

شعلي انا من الناس وشعلى الناس مني

 

[محبه الهآشمي]

حبيبتي العين تدخل الرجل القبر هذا حديث عن الرسول عليه الصلاه والسلام

يعني اكيد محسوده
وانتي ماشاء الله عليج كل حد يمدحج بالمنتدى ويمدح شغلج وخلطاتج ..

داومي عالرقيه وعالجي نفسج وكل الامور بتصير تمام

حبيبتي والله ماتستاهلين بس الناس ماتعطي خير بهالزمن


ربي يشفيج

 

[Alias]

يمكن تعرضت لضغط نفسي من كثر العمل والاحباط نصيحه روحي حق استشاري نفسي واستمرت علي الرقيه