احس اني صرت قوقعه من كثر الانعزال

[احب الخبر]

سلام بنات ....
شلونكم ...
انا من زمان مسجله بس مو من النوع اللي يشارك
عموما ..... احبكم كثير و دايم انبسط لما اقرالكم .....


و جا اليوم اللي احتاج اني افضفض ... و ما فيه احسن من هالمنتدي

انا متزوجه من اربع سنين ... عندي بنت عمرها سنه و شهرين ..
زوجي ساكن في الرياض و اهلي في الخبر :eh_s(16): ((( عشان كذا اسمي احب الخبر :eh_s(2)))

حياتي ماشيه تمام زوجي طيب و نحب بعض .. بنتي تجنن و احلي شي صار لي ...

المشكله اني احس اني وحيده .. ههههه ا

يعني ما فيه احد اروح له يجيني نطلع سوا ...

ما فيه الا اهل زوجي ... و حاولت بس اكتشفت ان حلات العلاقه تكون رسميه و محترمه .. عشان نبعد عن المشاكل

بس من جد احس ما عندي حياه ...

يعني ما اشوف احد و لا احد يشوفني الا اهل زوجي ... ودي اتعرف علي بنات انبسط معهم اكون مجتمع خاص فيني بدال اللي فقدته في الخبر بس ما قدرت .. :eh_s(2):

شلون و انا ما اشتغل و ما ابي اشتغل لان زوجي شغله خاص ..يعني ممكن يداوم يومين في الاسبوع و الباقي في البيت و نومه و صحيانه مو مرتب ... صعب انا اقوم من صباح الله خير و هو نايم ... حتي هو بينزعج ...

مخلصه دراستي .. لو لين الحين ادرس كان تعرفت علي بنات في الجامعه .... للاسف تخرجت قبل الزواج

نوادي و كورسات ... صعبه مع بنتي ... ما اقدر اخليها في البيت لحالها مع الشغاله ..

ما بعد جبت سواق .. و في السعوديه للاسف ما اقدر اسوق .. ولا علي الاقل .. اذا كلش وصلت معاي اخذت بنتي و تمشيت انا وياها في مول .... اسمه تغيير و اشوف وجيه جديده ..

زوجي اغلب وقته قاعد في الملحق ... و غالبا عنده ربعه .. يعني انا تقريبا من اقوم الين انام لحالي مع بنتي .. كل ٣ او اربع ساعات يمر علينا يقعد نص ساعه و يطلع ... ما ادري .. بس والله ممل الوضع


انا اروح لاهلي كل شهر .. هذا هو الوقت الوحيد اللي احس اني عايشه و مبسوطه ... اشوف الناس اللي احبهم .. اهلي و صديقاتي

لما اكون في الرياض ما عندي مشاكل .. بس احس بملل و زهق بشكل عجيييييييييب ..... ساعات احسه يوصل للاكتااب .. (( ادري غلط الكلمه بس ما ادري وين الهمزه )):eh_s(9):

توصل معاي لدرجه اني احس ان ما عندي حياه ... اني تقوقعت علي نفسي .. اني صرت انعزاليه .. ما ادري كيف اوصل الفكره ...

يمكن البعض بيقول احمدي ربك زوجك و بنتك طيبين و بخير .... ادري و الله و مقدره و شاكره ربي علي النعمه ... بس انا اتكلم عن الجزء الخاص بحياتي انا ... احس انه ممسوح تماما .... و والله يا بنات شعور متعب ..

احس ان الايام تمشي مالها طعم ..... مع اني احب زوجي بس صرت احس الرياض سجن

ما ادري .. يمكن ما عرفت اوصل اللي احس فيه ... يمكن اصلا غلط احس كذا ...

احتمال محد فيكم يرد علي لانكم بتستسخفون الموضوع ... ما الومكم بالمقارنه ببعض الاشياء اللي هنا ... احس اني بايخه و دلوعه ... بس والله بنات .. مب دلع ... جد والله احس اني مخنوقه ....

و بس ..

شكرا للي قروا :eh_s(17):

 

[دلع العتبان]

طيب حاولي تدورين على هواياتج مثلا قراءه كتب او شي من جي

ماعندج جارات تعرفي عليهم الله يوفقج

 

[بمبة المفترسة]

تعرفي على جاراتك ولابنات عم زوجك

 

[احب الخبر]

طيب حاولي تدورين على هواياتج مثلا قراءه كتب او شي من جي

ماعندج جارات تعرفي عليهم الله يوفقج

احب ارسم .. بس انا ابي احد يرد علي الصوت .. نسولف نضحك ..والله لو ارجع ارسم و انا بهالنفسيه ان انهبل ...

و جاراتي اول شي حريم كبار لان الحي مو جديد فكل البيوت اللي فيه بيوت عوايل من زمان ساكنه .. و اصلا حتي ما اعرف اسماء العوايل .. و مدري كيف اتعرف عليهم .. يعني اشيل دلتي و اطق جرسهم مثلا !! هههه


و ما راح يعزموني علي مناسباتهم السعيده .. لانهم ما يعرفوني .... ما فيه الا لو صار فيه عزا لووول ...هذي المناسبه الوحيده اللي ممكن اتعرف فيها علي جاراتي للاسف

شكرا انك رديتي :eh_s(22):

 

[احب الخبر]

تعرفي على جاراتك ولابنات عم زوجك

جاراتي تقريبا مستحيل .. ما فيه مجال ..

و بنات عم زوجي في الخبر ... هنا ما فيه الا عايلته ... و والله و انا رسميه و مجاملات ما سلمت .. ما اقدر ادخل معاهم بقوه :eh_s(2):

 

[احب الخبر]

الشي الوحيد اللي وصلت له اني اصبر كم سنه علي هالحال لين تصير بنتي في الروضه .... اصير ممكن اتعرف علي الامهات ..

بس هل صح اني احط حياتي اون هولد كم سنه ... والله غلط ... مب زين للنفسيه

 

[حبيبي فهوودي]

ياحياتي الله يعينك سووي موضوع انج تبين تتعرفين على بنات من الرياض فديت الخبر لو انج موجوده فيها كان صادقتج ههههه

 

[nany_82]

انصحج بالقراءه
و تكوين علاقات مع بنات محترمات و تواصلي معاهم بالواتس اب

 

[نـــواره]

الله يعينج حبيبتي تعرف على جيرانكم
او تعرفي على زوجات اصدقاء زوجج
واشغلي روحج بهوايات قراءه مثلا او اعمال يدويه مثل خياطه او اي شي
ما اعرف شلون طريقه الرياض اذا في دورات باي مجال دشي شي تحبينه وتعرفي من هناك على بنات
والله يوفقج يارب

 

[حظ من عنده انا]

نصيحتي مو اي وحده تتعرفين عليها

انتي ماتدرين عن اخلاق الناس وتربيتهم

بهالزمن حتى الجيران تخافين منهم


وانا احس ان مافيه شي يملل

دام فيه نت وواتس اب وتليفزيون اقري قران استفيدي من الوقت

وقولي اللهم اسألك الانس بقربك

حتى لو عندج احد تجتمعين معااه مو كل يووم بتطلعين ولا كل يووم بتجتمعين

واحمدي ربج على النعمه عندج بنتج مضيعه نص الوقت

حرام اللي ماعندها ذريه يملون عليها وقتها وبيتها

 

[اشلون يعني &]

افضل مؤنس للوحده هو القران الكريم
حاولي تسوين جدول خلال المده ليمن تزورين اهلك
مثلا ختم قران
اشتركي بالمنتديات الي فيها دورات نفسيه
روحي لصالون نسائي وتعرفي على البنات

 

[ام شيخوه]

طيب فكري انج تجيبين طفل ثاني بتنشغلين فية وفي اختة واالله ماراح تلاقين وقت تحكين شعرج

 

[قمر كويتي]

ادري وضعج شوي صعب تخيلت نفسي بمكانج لا اسوق ولا اشتغل ولا اقدر اروح حق اهلي الله يعينج
زين انتي كل اسبوع ليش ماتزورينهم ؟؟؟؟؟
يعني بديره وحده منتي بديره ثانييه يعني انتوا ماعندكم جمعه عند اهلج ؟
حتى لو مو كل اسبوع على الاقل كل اسبوعين روحي لهم غدا عشا وناموا هناك يومين كل شهر على الاقل
عزمي اهلج عندج اذا بيتك كبير انا الصراحه مادري جم المسافه بين المنطقتين والله يونس وحشتج

 

[ابي اصير ممثلة]

الحمد لله ريلج عندج وبنتج عندج مو انتي بغربة على الاقل انتي متزوجة مو مثلي والله ودي افارق اليوم قبل باجر

 

[sosowaty]

البنات ما قصروا

 

[شيخه_البيض]

البنات ماقصرو
وانا اضم صوتي مع نواره قولي حق ريلج انج تبين تتعرفين ع زوجات ربعه بجذي بيون مع رياييلهم وبتستانسين
والله يبعد عنج الوحده يارب

 

[قلبي وينك]

الحل الوحيد انج تتعرفين على جيرانكم واكيد بيكون عندهم حريم سواء بناتهم او زوجات عيالهم فراح تتأقلمون مع بعض على الاقل يزوونج وتزورينهم .
وعادي دقي عليهم الباب وشلي فطاير او اي شئ حلو وقوليلهم جايه اتعرف عليكم لاني ساكنه هنيه وحابه اتعرف على جيراني وبطرقه هذي راح توسعين دائرة معارفج جذي الحريم يسون شئ طبيعي ليش تحبسين نفسج يعني

 

[قلبي وينك]

الحل الوحيد انج تتعرفين على جيرانكم واكيد بيكون عندهم حريم سواء بناتهم او زوجات عيالهم فراح تتأقلمون مع بعض على الاقل يزوونج وتزورينهم .
وعادي دقي عليهم الباب وشلي فطاير او اي شئ حلو وقوليلهم جايه اتعرف عليكم لاني ساكنه هنيه وحابه اتعرف على جيراني وبطرقه هذي راح توسعين دائرة معارفج جذي الحريم يسون شئ طبيعي ليش تحبسين نفسج يعني

 

[وردة الدوحه]

سجلي في نادي واخذي بنتج وياج النادي
أو جيبي دريول
أو حددي الايام اللي زوجج فيها اجازه
أو أوف من الدوام خلال الاسبوع انه يمشيج
وتطلعين تغيرين جو
أما بالنسبه للتعارف أشتركي في منتدى سعودي فيه سعوديات تعرفي عليهم أقلها يشاركونج نفس الاهتمام
وحتى في النادي لو سجلتي بتتعرفين على حريم وايد
بس مادري ليش حسيت من كلامج أنج من النوع الكسول يبي كلشي ع الجاهز

 

[روح مغليهاM]

الله يكون بعونك
شوفي انا من تزوجت سكنت الريااض والحمدلله مبسووطه مع ان اهلي مو عندي وفااقدتهم حييييييل
بس نظمي وقتك مع زوجك يعني طلعات مول ملاهي اطلعوانبسطو يضيع الوقت تعرفي ع زوجات اصحااب زوجك
اكيد بيكونو قريب من عمرك وان شاءالله تنبسطين معهم