احسه خبــال وغباء مني

[الا يامطول صبري]

السلام عليكم خواتي
الله يخلي لنا هالمنتدى اللي نفضفض فيه كل همومنا ونرتاح
بنات انا سويت شي بس مادري صح ولا غلط
خبال مني وطيبه زايده ولاشنوو

قبل شهرين ولدت بنوته عقب صبيان وفرحااااانه فيها والحمدلله علا فضله
بنفاسي حمواتي ماجوني الا متاخر وعددهم ماشاء الله 10 ماشفت الا4 منهم وجايني ايدهم فاااااضيه تخيلوا والله فااااااضيه واهما ماشالله ناس عندهم خير الله يزيدهم والمقصد مو عن شفاحه مني لكن انا اوجب واهادي وادق ابارك واهم لااتصال ولا شي بس تعنوا لي جذيه وكانوا عندي خالاتي وحريم عيالهم يقولولي فلانه ليش جذيه حمولتج مع اني والله حليوه معاهم وكافيه شري الاخالتي جابت هديه لبنتي عشان علا اسمها 30 دينار
والباقي حمواتي ماشفتهم ولااتصال ولاشي
عقب ماطلعت من الاربعين رحت لخالتي بروحي والقى الباقين تخيلوا عااادي لامبروك ولاطالعه من الشر
سكتت ووحده منهم ولدت قبل جم يوم وطبعا كالعاده تكتموا علا الخبر. موالبنت ولدت بعد شكوو تخشون الخبر. واللي قالي زوجي. المهم اخذت حلو. رااااقي وفطاير ورحت لهم وكان استقبالها لي كانها مغصوب عليها
ومابطلت الحلو ولاالفطاير والله ماذقته حسيت مومرغوب فيني
قعدت شوي وطلعت
الحين رفيجتي تقول انتي خبله شكوووو تروحين لها مو كفو
وانا عشان زوجي وخالتي بعد طيبه بس بناتها يفرونها قالت لي امي لا خليج ابرك منهم وسوي اللي ربيتج عليه وماعليج
اما الباقي قالي هذا قطه وجهه منج وخبال وقاموا يذكروني باللي صار بنفاسي
انتوااا شرايكم ؟!احس اني ندمت

مادري بنات انتوا شرايكم اللي سويته صح ولا غلط

*

 

[بنت الاحلام]

انا اقول لج زين ما سويتي وخلج احسن منهم
وسوي الي تربتيه عليه واهم فوقهم ربهم

 

[اغراب عشنا]

من جد انتي سويتي بطيب اصلك وخليك احسن منهم بتكبرين بعيون اللي حواليك وصجقيني راح يعرفون قيمتك بعدين
وسعي صدرك والله ييسر امورك

 

[جوف الليل]

تعاملي بأأأصلج
بس لاتصيرين سذاجه زياده عن اللزوم

بس انتي اللي سويته صح عشان خالتج فـ مقام امج ..

 

[MoRhAfat a7sas]

لا تندمين و لا شي حبيبتي
صيري احسن منهم و باين عليج سنعه ما عليج من احد
عاملي الناس ع تربيتج ..

و دايما وجبيهم و كسري عينهم
و دام خالتج زينه خلاص اهم شي ريلج و خالتج ..

 

[^لغموضي معاني^]

عليكم السلام والرحمه ....’,

حبيبتي اللي سوتيه عين العقل وبسواتج كسرتي عيونها وبينتي لها طيبج وانج كبيره عن تصرفاتهم

واللي سوتيه مو خبال ولا شي سويته عشان زوجج وخالتج

ماعليج والله اهم شي الصبر ومالج شغل بحمواتج اهم شي زوجج وامه

واذا ع خواته خلج وياهم رسميه

 

[قلبي مو بيدي]

لاوالله مو غباء ان دل على شي فهو يدل على تربيتك الطيبة
وبالعكس سوي الخير تلقينه بطريقك يمكن يكون دفعة بلا عنك وعن اهل بيتك

 

[عطر النسيان]

لآخبال ولآغباء
بجد انتي اصيله واجوديه
ماعليج منهم فرحي لفرحهم وحزني لحزنهم
وحطي معزتهم من معزت امهم ومهما شيسووون ويقولون غطيه بحر
وعلى ولآدتج انهم ماباركوا بسلامتهم معزت اخوهم من معزت عياله والله يهديهم .

 

[!الجادل الصعب!]

لآ تحسفين على شي سويتيه بطيب منج .. اذا مآيقدرون ولآ يستحون
هذي مشكلتهم مو مشكلتج ..,
اذا هم هيلق مايعرفون يوجبون آنتي محشومه عن حركآتهم هذي ..
لآ تقطين روحج عليهم قط .. بس بالمنآسبآت بيني طيبج .. لو تدور السنين
بيردون يتذكرونه ..,

 

[bal8es]

ماله داعي تتحسفين انتي تربيتج احسن منهم

وانشالله بالنهايه اجرج عند ربج واهم طقاااق

 

[roo7]

بصراحه انتي احسن منهم ​

 

[عالمي انا غير]

العكس انتي بنوته ذربه وماشالله عليج ذوق وهم اللي مايستحون العكس انتي هشكل احرجتيهم بلباقتج وذوقج وهم ع عكسج

 

[الغلا كله لبوي]

طيب حبيبتي ليش يوم جبتي الحلا والفطاير ماقلتي هذا علشانج ياخاله علشان يفهمن ويحسن شوي اما سالفت انهن مطنشاتج حتى كلمته مبروك ماقلنج خليج حليله مع خالتج والباقي عاطيهن طاف مو تصيرين طيبه زياده عن اللزوم زوجج شنو موقفه منهن
طيب هذي معاملتهن من زمان جذي ولا تغيرن من فتره

 

[الا يامطول صبري]

يااااابعد راسي كلكم وفعلااا انكم مثل خواتي لاني ماعندي خوات واحب استشيركم الله لايحرمني منكم والف شكر لكم جميعااااااا

 

[الا يامطول صبري]

اختي الغلا والله اخوهم يقولي شسوي فيهم ماعلييج منهم بالاول كان يدافع عنهم عقبه قال شسوي. بالطقاق فيهم وهالمعامله كل مره جذيه بس بولدي اللي قبل هالبنت والله حلو من سابليه وسط ولااا بعد مفتوح عسى ماشررررر والله تضايقت وكلهم فيه استغفر الله جان ماتكلفتوا علا نفسكم ويوم ولدت حماي الصغيره والله كلهم متعنين لها المستشفى حتا خالتي اللي يالله تمشي راحت لها والبوكيه وهي نوعيتها رسميه حيييييل والله خالتي حليوه بس ليش تسوي جذيه مادري الله يسامحهم ويهديهم

 

[ياحُبِي لِلكويت]

ماشاءالله ربي يكثر من أمثالج من معاملتج لهم وانج على النيه ربي يلطف بحالج ويحنن قلب زوجج عليج وربي يبارك لج بأيامج وطالعه من الشر يالغاليه ^-^ .. نصيحه مني لا تتحسفين على الطيب الغلط والردى اهو اللي نتحسف عليه ..

 

[ام ريتاج.]

هذايدل على معدنج الطيب لاتحسفين حبيبتي خليج احسن منهم

 

[الا يامطول صبري]

الله يسلمج ياحبيبتي والله يعطيني على قد نيني ويعطيهم على قد نيتهم بعد
الف شكر علا مروووركم جميعاا

 

[الشامخة بوطنها]

بالعكسسس زين سويتي ليش تندمين انتي ماقمتي الا بالواجب وحتى احرجتيهمممم مالج شغل لايهمج الت زوجج وخالتج صدقيني انااا يامااااااا سويت ومابين بعيون احددد بس الي اسوووي الواجب ولا غيرررر مايهموني الله يهديهن بس

 

[ودآعتك قلبي]

من طيب أصلج ..


ماآشاااء الله عليج عااآقله ..