احسن مستشفى لعمل ليزك لتصحيح النظر .حدي خايفه الي سوت ليزك تدخل

[جنون انثىآ]

مراحب بنات


انا مشكلتي بالنظر مع اني مالبس نظارات ولا عدسسات طبيه والي لعب بنظري النت كنت ادمان عليه خمس سنين باليوم عشر ساعات اقعد عليه وبدا يقل نظري منه مع ان قبل الحمدالله نظري تمام
بذات لما اسوق بليل ماشوف

وماكنت الببس نظارات لان ع النقاب شكلهم غلط


ويوم شفت بنت جارنا سوت عمليه تصحيح نظر انعمت وكله تبجي


خفت


وقلت ماراح اسوي



قلت يمكن رايحه عياده مو مختصه لليزك



انا ابي اسوي بمستشفى مضمون ومو اي مستشفى وتخصصه الليزك اذا تعرفون دلوني عليه والاهم انتم مجربينه


لان حدي خايفه من هالشي واخاف اندم اني سويته وتعرفون العين محد يلعب فيها


والله يجزاها خير الي بتدلني عليه

 

[g76aniya]

هلا حبووبه ..

انا سويت عملية اللزك عند الدكتور محمد وجيه الديب .. بمستشفى دار الشفاء ..
والحمدلله انا الحين اشوف .. ونظري تعدل ..

 

[اميره بكلمتي]

عندج الدكتور سامي الربيعه اختي سوت عنده ليزر ماشاء الله نظرها تحسن وصاارت تشووف عدل

 

[MISS-_-FLOWER]

رد : احسن مستشفى لعمل ليزك لتصحيح النظر .حدي خايفه الي سوت ليزك تدخل

انا سويت عند محمد وجيه بدار الشفا وصارلي تقريبا 3 سنين وتمام وكل اهلي سوو عنده
و زحمه عليييه وايد ومشالله عليه ما تحسين ولا تتعبين بيوم العمليه
ريلي سواه عند عبدالمطلب بهبهاني وايد تعب تعب بشكل مو طبيعي اول يوم بعدين صار عادي
وعلى فكره ارخص الاسعار بنسبه للدكاتره دار الشفا
و لمن كنت مناك قعدت يمي وحده تسولف تقولي ارفيجتهاا سوت مادري عند منو وماضبطت معاها عااااد دزوهاا فرنسا احسن دكتور ليزك سوالها العمليه وكل شي صار تمام وقالهااا اذا عندج اي مراجعه او محتاجه شي بالكويت روحي حق دكتور اسمه محمد وجيه انا مدربه وسلااامتكم

 

[fditne]

دير بالج من سامي ربيعه شسوى باخو رفيجتي دمر عيونه بالليزك لدرجة المسكين عينه اختلط السواد بالبياض اعوذ بالله والريال صغير عمره بال30 ياحرام ..

لمن سووا الليزك راجعهم مره ثانيه عوار بعيونه ووصفوله قطره لعبت فيه وااااعليه ولمن ردلهم الدكتور انحاش والموظفين يصرفونه حسبي الله عليهم

قامو اهله ودوه مسشتفى البحر جنا المهم حكومي الدكاتره عناك @@ انصدمووو وصوروه تخيلي قالو اول حاله تمر علينا جذي
عقب انعمت وحده والثانيه يحاولون فيها يشوف بس ضباب

الحكمه من القصه ان لاتروحين عند اي حد واذا مو محتاجه لاتسووين واكلي جزر ^_^

سلامتج

 

[جنون انثىآ]

رد : احسن مستشفى لعمل ليزك لتصحيح النظر .حدي خايفه الي سوت ليزك تدخل

وربي تخوفون

انزين دار الشفاء مضمون ؟؟؟؟اخاف اي شي ويلعب بعيوني


وجم سويتو الليزك؟

 

[MISS-_-FLOWER]

رد : احسن مستشفى لعمل ليزك لتصحيح النظر .حدي خايفه الي سوت ليزك تدخل

وربي تخوفون

انزين دار الشفاء مضمون ؟؟؟؟اخاف اي شي ويلعب بعيوني


وجم سويتو الليزك؟

مافي شي بدنيا مضمون 100% بس اقووولج صارلي 3 سنين والحمدالله تمام و اهلي يمكن 7 سوو ومرتاحين وعلى ايامي سويتها 450 بس الي سمعته زاد سعرره لان وايد زحمه عليه وعلى فكره يسويلج فحص اب 50 دينار في هل فحص يبين اذا ينفعلج ولا ما ينفع معاج

 

[ام شريفه]

محمد وجيه توه اليوم دقيت عليهم تقول اهيا اب 400 بس هالشهر خصم صارت 350 شامله الفحص

 

[sweeeety15]

حبيباتي انا مسوية العملية عند سامي الربيعة من اروع مايكون ولله الحمد كنت ما ارضع عيالي الا بالنظارة وكنت البس العدسات من سنة 84 بس اقولج بعد العملية تجف العيون وتصير حساسة مو مثل قبل العملية اما تدورين طبيب زين فصدقيني كل انسان يختلف عن الثاني ويااااااااااما دكاترة شطار افشلت عندهم حالات لان الامر يرجع لتوافيق الرحمن سبحانة وحالة الشخص الصحية ومدي الانحراف وهالامور والله المستعان والله ىيسلم الجميع