احسن قهوه عربيه

[ابلة رسم كتكوته]

مبارك عليكم الشهر
حبوبات ابي مكان زين عنده قهوه عربيه
ما عجبتني مالت العميد
او هل في خلطه معينه حق القهوه عشان تصير خنينه؟
وشنو اهيا قهوة القصيم وايد اسمع فيها ؟
وفي محل بالكويت يبيعها؟؟
ولا هنتو مع الطريقه عفيه
انا طريقتي احط قلاصين ماي مع فنجانن قهوه واخليهم يطبخون
تالي ازلهم

هل الطريقه صح ولا غلط؟
ومشكورين مقدما :bye22:

 

[فمان الله]

رد : احسن قهوه عربيه

ما عرفها والله القهوه
بس اذا تبين قهوه زينه
اخذي السقرا اسمها نيباريه علي ما اعتقد
ولما تطبخينها حطي معاها شوي مسمار وخليها شوي تطبخ عشان يتغير لونها
وبالدله حطي ملعقتين هيل وزعفران وحليب القهوه وكسرة دارسين
وعليج بالف عافيه

 

[جارة القمر]

رد : احسن قهوه عربيه

تفضلي طلبك

http://www.q8yat.net/showthread.php?t=216203&highlight=%C7%E1%DE%E5%E6%C9+%C7%E1%DA%D1%C8%ED%E5


http://www.q8yat.net/showthread.php?t=193344&highlight=%C7%E1%DE%E5%E6%C9+%C7%E1%DA%D1%C8%ED%E5

http://www.q8yat.net/showthread.php?t=541726&highlight=%C7%E1%DE%E5%E6%C9+%C7%E1%DA%D1%C8%ED%E5

 

[أو عبوش]

قهوه ام ابراهيم

تلقينها موجوده عند اغلب العطارين او محلات بيع التمور بالشويخ

ضيفي لها قفشتين هيل و5 حبات مسمار
وربع ملعه شاي صغيره من خلطه القصيم

واذا ماسألوج الناس عنها تعالي وكلميني...... بالدوام الكل ادمن عليها لووووول


وخلطه القصيم ياقلبي هذي بهارات للقهوه بعلبه بيضه وغطاها لونه ازرق ماتكثرين منها بس ربع ملعقه شاي صغيره وتلقينها عند محلات التمور بالشويخ او عند العطارين

 

[جوري_2000]

قهوة الزهرا حلوة لكل مطارة قهوة تحطين فنجالين وقفشة وسط كوفي ميت وقفشة كبيرة هيل والكوفي ميت والهيل بالمطارة طبعا بعد ما تطبخ القهوة تضيفين القهوة عليهم والقهوة تطبخينها على نار هادية ربع ساعة فقط

 

[swet2008]

مبارك عليكم الشهر
حبوبات ابي مكان زين عنده قهوه عربيه
ما عجبتني مالت العميد
او هل في خلطه معينه حق القهوه عشان تصير خنينه؟
وشنو اهيا قهوة القصيم وايد اسمع فيها ؟
وفي محل بالكويت يبيعها؟؟
ولا هنتو مع الطريقه عفيه
انا طريقتي احط قلاصين ماي مع فنجانن قهوه واخليهم يطبخون
تالي ازلهم

هل الطريقه صح ولا غلط؟
ومشكورين مقدما :bye22:

مساااااااء الخير حبيتى ومبااارك عليج الشهر
شوفى حبيبتى عندك قهوه الهاجرى تلاغينها عند تمور الهاجرى والله عجييييبه رحت المعرض وخذيتها
محله فى اسواق القرين ذوقيها بتشوفين طعمهااااا اوه لا اضااااافت ولا شى بس اخذى واغلى
وبالعاااااافيه بس لاتنسينا بالدعاااااء

 

[بيوتي]

رد : احسن قهوه عربيه

احنا قهوتنا النيباريه وروعه ...

 

[البسمه العذبه]

هلا وغلا اختي بالنسبه لاحسن نوع فهي القهوه البريه خفيفه عالمعده وطعمها روعه وسعرها اغلي
ومن وين
احنا ناخذها من السعوديه وممكن موجوده في مطنحه الصباح او الديوانيه الي في سوق الصباح اوجمعيه الفحيحيل او اسواق القرين
وبالنسبه للطبخه تاخذين فنجان علي مطاره تحطين فيها الماي مقاس وتحطين الماي بالغوري وتطبخ بهدوء وشوي حليب وزعفران واذا تبين شوي ماي ورد وبعدها تسكرين عليها وتخلينها تركد شوي
وتصبينها بالمطاره قبلها حطي قفشه الوسط هيل
وبالعافيه ان شاءالله يكون الشرح وافي

 

[&موناليزا&]

رد : احسن قهوه عربيه

قهوة ام ابراهيم يبعونها المطاحن (فهوة ام ابراهيم ييبونها من السعودية)

 

[dnyay_mll]

رد : احسن قهوه عربيه

غريبه عاد بن العميد قهوتهم تهبل وريحتها تبط الرااس مااحب غيرها

تاكدي اخاف ابن العميد مو بن العميد

وطريقتي كوبين ماي عليه 6 قفاش قهوه وشوية زعفران و2 حبة مسمار وقفشة كوفي ميت

 

[فديت منورة]

مافي نفس القهوة اللي انتي تسوينها بنفسج

 

[ابلة رسم كتكوته]

واااااااااااااااااي مشكورين
بعد قلبي
كفيتو ووفيتو
وبجرب خلطة القصيم اللي او عبوش لاني وايد اسمع عنها
ودنياي ملل لا انا من بن العميد من المطحنه مو الجمعيه
بس طريقتي غلط :O_SHH_:
واشكر كل اللي ردو علي
:fun:

 

[ودآعتك قلبي]

رد : احسن قهوه عربيه

أحسسسسن قهوووووة أخذتها من محلاات التويجري بخيطاان أو أخذيها من شااارع التمووور بالشويخ ..

 

[تعبـت آشكـي]

ترى خلطه القصيم تريحج والله
وتخلي ريحة القهوه عجيبه
بس زودي هيل بالدله قبل لاتصبي القهوه وشوفي الطعمممم