احسن علاج للكحة

[فراشة الزرقاء]

بسم الله الرحمن الرحيم


احسن علاج للكحة اول امس انا بالمدرسة و قاعدة اكح الاني مريضة فقالتلي الابلة اني اشرب قفشة صغيرة (ملعقة صغيرة) من الزيت الزيتون او إذا ما فاد ادهن صدري بالزيت الزيتون والف صدري بالجريد وانام فيها

انا جربت الملعقة الصغيرة وفادتني بس ما توخر الكحة تريحج منها اما الجريدة تفيد و تعالج الكحة




وان شاء الله كل مريض يشفى من اي مرض يا رب

 

[لموية العسولة]

مشاركة: احسن علاج للكحة

يزاج الله خير الجزاء والله ماتتصورين شكثر أعاني من الكحة ومابقى طبيب مارحتله ولا أكو فايدة وحدها مفشلتني كل من يقولي ليش ماتعالجين !!! مادرو اني مو مخلية شي ...بجرب الزيت ان شاءالله والله كريم

واللي تعرف لاتبخل علينا

 

[سيدة الكويت]

مشاركة: احسن علاج للكحة

صح سمعت بالجريده بس الجريده وين تحطينها وما تطلع لون؟؟

 

[*@حلااا@*]

مشاركة: احسن علاج للكحة

جربي شراب العسل بالصيدليات يبيعونه عليه رسمت ورده مو طبيعي وحده بوحده

 

[احلى عيون]

مشاركة: احسن علاج للكحة

الله يعطيكم العافيه وما تشوفون شر ..
شراب العسل زين .. اللي قالت عنه اخت *@حلااا@*
بس تعالوا الجريده شكو توخر الكحه ؟؟

 

[لازانيا]

مشاركة: احسن علاج للكحة

اخذي بصله صغيره قشريها وقصيها ارباع وجيبي عسل طبيعي ربع كاس ونقعي البصله فيه ليله بغرشه نظيفه
ثاني يوم الصبح بتشوفين عصاره طلعت من البصله خلطيها مع العسل وشربي منه عادي طعمه بس وحده بوحده



زيت السمسم تدهنو (اقصد الصدر والحلق والجنوب) فيه ولفو عليكم شي حوالين صدركم.... وشربوه بعد ممتاز




والحلبه بعد يمدحونها سامعه انها زينه تشربينها مثل الشاي للكحه






والله يشفيكم من فضله .....شينه الكحه الله يعين

 

[HASB_83]

مشاركة: احسن علاج للكحة

مشكووورين على النصاايح

وماتشوفون شر

 

[OM 3ABOOD]

مشاركة: احسن علاج للكحة

السلام عليكم وما تشوفون شر

وصفات للكحه مجربه فيني وفي ولدي وفي زوجي بعد للامانه والله يشهد علي

اذا الكحه فيها بلغم ( اغلي حبة البركه وصفيها وحطي ملعقة عسل معاها واشربي تشيل البغم باذن الله اذا الكحه ناشفه ( زنجبيل +فص ثوم+ ليمون+ عسل ) ادري انها حارررررررره حيل بس الكميات تكون قليله والزنجبيل يفضل انه يكون فريييييش والعسل بكيمه اكبر وفي فنجان قهوه تخلط وتشرب

اغلي مره مع لبان مر وحليها بعسل

وما تشوفون شر

 

[عمري الكويت]

مشاركة: احسن علاج للكحة

مشكورين يا بنات على نصائح

 

[كويتية بالغربة]

مشاركة: احسن علاج للكحة

والله حتى انا جننتني الكحة وتصدقون الشراب اللي عليها وردة زين بس انا ناسيته مشكووووورين
ومشكوورين على الخلطات ان شاالله اجربها

 

[تخصص كنتاكي 1]

اي والله ذبحتني الكحة صارلها اكثر من شهرين ماخليت دوا مااخذته ماكو فايدة