احسن صيدليه تلبس تراجي

[برد الكويت]

السلام عليكم اشلونكم بنات بلبس بنتي تراجي فابي احسن مكان يقظون اذنها من غير ما ياذونها ولا يعورنه وشغلهم يكون عدل بعد عمري صغيره عمرها شهر ونص فالي تعرف لا تبخل علينا

 

[قلبي القرآن]

روحي مستشفى أحسن من الصيدليات
أنا سويت تراجي بنتي بمستشفى الهادي
كان عندي موعد لها فقلت يالله زلقه بطيحه
واللي سوتلي دكتورة للأذن يعني مو سستر
واذا تبين صيدليه أنا جربت لصيدلية اللي بالمهلب
حق نفسي مو لبنتي
ويمدحون رويال حياة بعد

 

[GaLbI t7aWaL]

انا سويت ابصيدليه بوتس اللي بجمعيه الفيحا والله حلوو شغلهم

 

[فلافل وبطاط]

انا ما اذكر شنو اسم الصيدليه .. بس امي وخالتي
ومعارفنا وايد يمدحونها ووديت بنتي وبسرعه ركب
لها التراجي وما بجت وايد ...

الصيدليه بخيطان يم سوق الباشا ...

 

[برد الكويت]

قلبي القران اول مره ادري يسوون بالستشفي شكلي بروح عندهم بس ما ادري يحطون لها مسكن والا اشلون ويعطيج العافيه وGalbl مشكوره عالرد بس الفيحا وايد بعيده عن بيتنا ها بنات محد يعرف بعد اي مكان ثاني*

 

[برد الكويت]

اختي فلافل وبطاط مشكوره بس كم كان عمرها يعني عادي شهر ونص ما ابيها تبجي هذي اخر العنقود عندي وتسلمون يا بنات

 

[أم@الحلوين]

صيدلية السماح بالسالميه

 

[manoooram]

صيديلة Boots - صيدلية السماح

 

[PuPa^^SWeeT]

المهلب

 

[G!RLooNa]

صيدليتي المستقبليه

لابس جذي اتغشمر

 

[hneen2]

انا قظيت اذنها بصيدليه العدان الصراحه الدكتور ايده خفيفه ومابجت واايد بس حسيتها اخترعت من طقت المسدس مال الترجيه بس اهو يسمي وايده حيل خفيفه ماشالله

 

[بـ سـ كـ وتـ ة]

أي صيدلية كبيرة ومعروفة بس أهم شي تكون نايمة عشان ما تخترع

قضيت أذن بنتي اسم الله عليها في صيدلية المعروف اللي في السالمية والحمدلله ما تأذت كلش

 

[برد الكويت]

يعطيكم العافيه ومشكورين عالردود وبعد بنات عطونا اختيارات ثانيه خل نشوف احسن مكان

 

[قلبي القرآن]

تصدقين ناسيه اذا يحطون مسكن ولالا
بس أنا انصحج بالمستشفيات أنظف
شوفي انتي بنتج عندها ملف بأي مستشفى
وروحي له أحسن ماتفتحين ملف عشان تراجي
وأتوقع كل المستشفيات يلبسون تراجي

 

[Roty]

اي والله انا بعد ودي اعرف

 

[استبـــرق**]

انا خرمت اذون بنتي عمرها 15 يوم يعني اسبوعين عادي
ما بجت بالاذن الاولي بس بجت بالاذن الثانيه
بصيدليه رويال

 

[كويتيه ذربه]

انا بنتي كان عمرها اسبوع وديتها صيدليه السماح
والحين كبرت
بس مادري اذا للحين يسوون

 

[aseman]

مشكورة على الموضوع لاني نفس حالتج ما ادري وين اخرم اذون بنتي

 

[برد الكويت]

مشكورين  ويعطيكم العافيه وبعد بنات اللي تعرف مكان زين لا تبخل علينا خلو الكل يستفيد

 

[*ماي الورد*]

د سلفا شحيبر تخرم الاذن عيادتها بالسالمية