احسن صالون يسوي كورسات عناية للشعر وين ؟؟؟

[غصون]

السلام عليكم


يعطيكم العافيه بنات


بسأل منو جربت كورسات العناية للشعر تكثيف وعناية ؟؟؟؟

اي احسن صالون من خبرتكم ؟

وجم اسعارهم ؟

واي نوع من العلاج عندهم ؟؟

 

[ريما_الحلوه]

صالون برونيل بحولي بس مادري عن اسعاره بس ممتاز مو عن تجربه لكن بشوف العين اشلون استفادو رفيجاتي واهلي

 

[غيدآء]

ماعندي فكره والله

حبيت ارفع الموووضوع

 

[عـذبك طيفي]

برونيل تعاملهم حلو واسعارهم زينه

كل 5 جلسات ب 20 ديناار

انا توني باديه فيهم .. كورس علاج التساقط سويت جلستين لاحظت تحسن بس للامانه بسييييييييط وان شالله بكمل

بس الي بين بشعري لمعه وحيويه وانا شعري الحمدلله ناعم

بس خلطااااتهم ريييييييييييييييحه ثوووم وفلفل وشغلات غريبه بس طبيعيه والله يعينج عالريحه

هذا رقمهم اختي 2625393

حبيت انقلج تجربتي البسيطه معاهم

 

[شقرديه]

ما عندي فكره

 

[العصيمية]

ومنكن نستفيد

 

[قهوة برية]

up

لايوقف

up

 

[ام هزاع]

بنت خالتي عروس ومسوية كورس علاج شعر عند مركز رنيم تمدحه حيل وفعلا شعرها متسنع

هم بعد رخيص مو غالي 5 جلسات ب20 دينار .. ومكانه بخيطان


اتمنى اكون فدتج

 

[reem1234]

يمدحون عروس الثلج الي بالجابريه

 

[whm]

كنت قبل سنين اسوى عند فيرست الصينى بالسالمية مقابل المطافى...كان شى حلو ويبلشون يحطون لج صيار او ثوم او جرجير على فروة الراس وعقب يآخذون شعرج خصلة خصلة وبكريمات يسوون لها مساج وعقب تقعدين نص ساعة تحت البخار وعقب يغسلونة... ما ادرى اذا لى الحين موجودين بس المشكلة المنطقة هناك صارت تخرع شوى وموحشة

 

[whm]

عروس الثلج شلون ستايلهم؟

 

[بـــطوووطه]

للرفع

 

[q8tia27]

صالون فيزيك السره 5 جلسات ب 20 دينار وشغلهم طبيعي وينصحونج وانتي الي تبينه يسونه لج وكلشي طبيعي وعندهم بعد علاج شهيناز كورس 6 جلسات ب 60دينار بس يقولون عجيب وينب الشعر عباره عن كذا شغله يعني ماسك وتونيك وزيت وانتي براحتج انا شخصيا اسوي الطبيعي وللحين ماجربت شهيناز بس الشهر الجاي بجرب انشالله

 

[منانا]

كويتيا27 الله يعافيج جم رقم صالون فيزيك الي بالسرة وشنو جربتي عندهم وياريت مكانهم وين بالضبط ومشكورة

 

[غصون]

يعطيكم العافيه بنات

ومشكووووووورين على ردودكم

 

[noty]

هلا حبيبتي

جي اف لازرتيك

ليلى سبا

يورز

 

[غصون]

مشكورة حبيبتي

 

[امراة من زمن الحب]

ومنكم نستفيد

 

[سرقت النوم]

السلام عليكم ...

شوفي آنا مبلشه حمام زيت صبار طبيعي عند بازار حولي

عند وحده إسمها سوجيتا.. حمام الزيت ب 7 ... بس تجيب الصبار و تبطله جدامج و تفرك فيه فروة الراس عدل مدل ...

صراحه أحس شعري اللي مو راضي يثقل و لا يطول قاعد يتحسن

و مساجها للشعر وايد وايد حلو .. و لو تشوفون شعرها تحسون صج فاهمه .. ما أدري ليش .. دايما أحب أدقق بالسوالف يعني اللي تسوي عنايه بالشعر احب أشوف شعرها ززين ولا لأ...

و اللي تسوي بشره أجيك على بشرتها ...

حتى اللي تسوي بديكير و مني كير أجيك على أظافرها...

طبعي غريب بس دايما جذي...

 

[whm]

وين صاير بازار؟؟