احسن دكتور للارنبه العريضه ؟؟

[reem q8yat]

السلام عليكم بنات

انا عضوه جديده معاكم من السعوديه ... لاحظت ان اغلب البنات اللي مسويات تجميل انف مشكلتهم بالعضم .. انا مشكلتي بالارنبه مره عريضه و مره مدوره زي الكوره و جلدتي دهنيه و سميكه .. ما اقول لكم ابي ارنبه سلة سيف بس ودي اصغرها و اصغر كل خشمي بشكل عام و ابي مساعدتكم في دكتور شاطر بهالشي ... ما عندي مشكله اروح ايران او لبنان اهم شي الدكتور مضمون و يعرف لمشكلتي .. و لا عندي مشكله مع السعر بعد.. و اللي عندها نفس مشكلتي حياها بالموضوع .. بليز بنات نصايحكم و يعطيكم العافيه :friends:
:fun:

 

[ريونه المزيونه]

ايلي غاريوس وعن تجربه ,, انا وصديقتي مثل مشكلتج,, ارنبتنا الحين اتينن صغيره وخشمونا كل من يسالنا وين مسويتها

 

[reem q8yat]

رد : احسن دكتور للارنبه العريضه ؟؟

تسلمين حبيبتي انتي الوحيده اللي رديتي علي .. طيب ممكن كم سؤال ؟
الفتحات سواها متساويه ؟
و عندك صور ممكن اشوفها ؟
انا ما عندي امكانيه اسوي خشمي مره ثانيه فهل هو يسويه مره وحده و زي ما انا ابيه و الا يتصرف على كيفه ..لاني ابي خشمي يصير صغير ما ابيه يسوي مجرد تعديل و يقولي خلاص

شكرا مره ثانيه

 

[ريونه المزيونه]

ويييي محد عرف لي الا هو,, باقولج انا بعد خشمي عريض وجلدتي متينه انا ورفيجتي والله الفتحات نفس الشي والله العظيم وصغيييييييييييييير

قالي باصغر لج خشمج مثل ماتبين ,, قلت له سوه سييده وصغير.. قالي اوكي,,و
انا قالي جذي .. جريب واقوم ابوسه في خده,, لووووووووووووووووول

والله والله انه سوا خشومنا عنووونوووو ومرتبب
والعظمه سيده اتيننن

والله يعرف حق الخشم الخنافر,, انا من قبل يوم عمري 19 سويته وماصغرو لي اياه بس ضبطو شكل ماعجبني


محد عرف لي الا ايلي غاريوس

مايسوي الا اللي انتي تبينه والله العظيم

 

[reem q8yat]

رد : احسن دكتور للارنبه العريضه ؟؟

طيب حبيبتي ما عندك صور ممكن اشوفها ؟ و تعرفين دكاتره غير في لبنان عشان اشوفهم استشاره لان ودي اشوف اكثر من واحد ..

بنات مافي احد ثاني يعرف دكاتره ايران و لبنان ينفعون لحالتي؟

 

[أحب أمي]

اي ياليت نشوووف صور قبل وبعد

 

[ريونه المزيونه]

انا باقولج اسامي الدكاتره اللي لهم صيت في لبنان ,, روحي وشوفي شيقولون لج وخل يراونج صور ناس عملياتهم نفس حالتج.. يعني كان عندهم ارنبه عريضه
عندج ايلي غاريوس.. عندج طوني نصار.. عندج فادي فران,, عندج فادي ابي نخول,.,, ف

انا سمعت انه طوني نصار مسوي خشم ميساء مغربي,, بس الله وعلم

وايلي غاريوس انا مسويلي وعن تجربه .. والباقين شفت خشوم لبنانيات مسوين عنده وايد حلوين ...

بس ايلي غاريوس حق التصغير فله
وشوفي
طوني نصار ,, اتصلي لهم ثنيهنم وطرش صورج شوفي كل واحد شيرد عليج ,, وخل يراونج خشمج شلون بعد العمليه وشرحي لهم شلون تبينه يكون

طوني نصار سوي سيرج في قوقل بتحصلين موقعه وفي تلفونه

وايلي غاريوس www.drgharios.com

غاريوس روحي وانت مغمضه والله والعظيم وراس امي انه يسويه عنونو ومرتب والفتحات نفس الشي

 

[$نرجس$]

مشكورة ياقلبي افدتينا وايد واللة كنت محتارة حيل واللة يجزاج خير على المساعدة بس بغيت اسأل بجم يسوي الخشم ايلي غاريوس وين احسن مكان سكنتو فية اثناء العملية قوليلنا سفرتج بالتفصيل الممل عشان نستفيد اذا ما في تعب عليج

 

[غاده بنت وليد]

تحمست لان انا مشكلتي الارنبه

 

[pinkylicious]

هلا بنات انا بعد مشكلتي ف الارنبه وسويت عمليه من 8 اشهر عند دكتور غابرييل بس الارنبه هي هي ما تغيرت بعدها عريضه ومدوره والحين اريد اسوي عمليه ثانيه ورسلت ايميل حق دكتور بشار ف سوريا وقالي ان البشره عندي دهنيه والحجم ما راح يخف وايد بس بيحاول ينعم الذروه اكثر ما فهمت عليه بس ها لخشم عقدتي واتمنى احصل دكتور شاطر يعرف لنوعيه خشمي انا العظمه عندي ما فيها شي يا ليت حد يفيدني تنصحوني بدكتور ايلي غاريوس

 

[uae_asma_uae]

للرفع

 

[uae_asma_uae]

ريونه المزيونه

الله يجزيج كل خير ما تبخلين بأي معلومه تفيدين فيها بنات المنتدى الله يعطيج كل ما تتمنين

 

[reem q8yat]

موضوعي لسه عايش :d
تصدقون للحين ما رسيت على دكتور لاني ابي اسويها مره وحده مابي اسويها و اذا ما ضبطت لا سمح الله اسويها مره ثانيه
فكرت اسويها عند بشار رباح بس غيرت رايي لان احسه يحتاج عمليه ثانيه للرتوش و زي ما ارسلتله الاخت بينكي قالها ما راح يصغر الحجم

انا اهم شي عندي حجم الارنبه يصغر ما يهمني تكون محدده و لا شي اهم شي نوز صغيرون

حاطه في بالي الي قاريوس على تجربة ريونه ما شاء الله و مكرم ابي فاضل يقولون زين

ريونه بسالك انتي انفك كانت الارنبه مدوره لان بموضوعك اول صوره كانت كبيره شوي بس مو مدوره ..

و اللي عندها معلومات لا تبخل :d

 

[وين انت؟]

بنات بليز فهموني شو الارنبه يعني جوانب الانف والغضاريف شو لان انا بعد خشمي شوي خنفره وخاطري اسويه همتكم وتجاربكم الصادقه بليز...

 

[reem q8yat]

الارنبه يعني مقدمة الانف يعني اللي فوق الفتحات على طول وش رايك في الشرح بس
احيان تجي الارنبه مدوره و اذا صارت مدوره و دهنيه و جلدتها سميكه صعب تتشكل الا اذا الدكتور مره شاطر

 

[Om-Faty]

يااااربي
تهئ تهئ تهئ
انا كللللش والله بغيت اروح لبنان بس الوضع ما يسمح
والله قبل ما اسمع عنهم بيوم كنت رايحه بحجز التذاكر
بس ماااابي مابي مااابي
راح انطر لمن تهدا الاوضاع وبساااافر اسوي خشمي عند ايلي غاريوس
باجر راح ادق عليه وبردلكم خبر اذا كلمتهم
بشوفه ماراح يروح دبي او الكويت والله اروحله واعطيه المبلغ اللي يبيه بس اهم شي اهو اللي يسوي خشمي

 

[reem q8yat]

يؤ انا على بالي لبنان مافيها شي
على العموم انا ناويه اروح باخر اجازه الصيف قبل رمضان ان شاء الله

الله يستر لا يصير شي عندهم
على فكره بنات في وحده عندها فكره عن الدكتور مكرم ابي فاضل ؟ سمعت انه مصلح لفنانات كثير صحيح هالكلام؟

 

[LuLiTa]

احسن حل ايران بس المشكلة انه الاوضاع السياسية ما تطمن ,,, فـ الحل الثاني اهو لبنان ,,, لكن السموحة ما اعرف دكاترتهم ,,,

 

[مريم86]

بور صادقي ؟ ولا اييلي غاريوس ؟

 

[reem q8yat]

انواع الكوابيس مع هالخشم خخخخ
حلمت اني سويت خشمي و صار قصير احسن من قبل بس الارنبه لسه كبيره و الفتحات وحده مدوره ووحده بالطول

الزبده رفع بنات بليز تجاربكم مابي اسوي خشمي مرتين