احسن دكتور او دكتوره بمستشفى السلام

[حبي الاول]

شلونكم جميلات
حبيت اسالكم منو احسن كتور ولاده ويطول باله بالولاده او دكتوره واحسن خياط تجميلي
ونبي تجاربكم ونبي شي يديد ولادات هالسنه بليزز ويسلموو​

 

[American.Life]

أنصحج بدكتور جمال الشرعان وأختي ولدت عند الشاذلي كانت وايد تمدح بولادتة وخياطتة بس مو متأكدة إذا للحين موجود او لا

 

[حبيبة عز]

انا ولدت عند د نزهت بس سافرت ومادري اذا بترد

وكانت ممتازة من ناحية صبر وولادة وخياط

وجربت د بادماسري

طلع البيبي بسرعه وهي توها واصله تلبس دسوسها

من ناحية مراجعات زينه .. بس خياطها سيئ للاسف

خاصه الخياط الداخلي كان اللحم مخبص فوق بعض ومو مرتب

وبولادتي الثالثه

جربت الولادة عند د هدى العنزي

ولدتني غصب وماكان فيني ولادة مادري ليش

كان فيني طلق وراح

طلبت منها اطلع وبس يزيد ارجع رفضت

وبطت ماي الراس ووسعتني وحطتلي طلق صناعي

ليش مادري استعيلت علي

وراحت وماشفتها

وضليت اطلق وطلع البيبي وولدتني دكتورة الطوارئ

واهي يدقون عليها ماترد

ووصلتني حزة الخياط

سوتلي خياط تجميلي وللامانه روعه مرتب والأربعين ماحسيت فيه كلش

وكان زين وبسرعه طاب

حسيته احسن من الخياط العادي

وهذي كل تجاربي اتمنى تكونون استفدتوا منها

المستشفى زين ونظيف والسسترات بشكل عام حبوبات

 

[حبيبة عز]

واذا تبون نصيحتي

انا ما اشيل هم الولادة

لاني اعتمد فيها على الله 100%

ودايما اتوكل فيها على الله وربي يسهلها سبحانه

الاستغفار والدعاء والصدقه

تسهل الولادة حيييل

بس كنت اشيل هم الخياط

 

[أميرة-]

الاسطل حيل يمدحونه

ماجربته بولادة بس كانت مراجعاتي عنده صج مبين شاطر قالي كذا شغلة طلع كلامه صح مع اني كنت ارجع عن دكتوره ثانية مانفعتني

انا حملت ماكنت متأكده من اخر تاريخ دورة بس متذكره انها اخر الشهر وكانت حسبتي على هالاساس انه ولادتي شهر ٩ الجاي اخره وهذا كلام دكتورتي عقب دكتورتي راحت اجازة وجيت اراجع عنده كنت بالرابع يمكن وقبل السونار خذا موعد اخر دورة يوم سوا السونار قالي مستحيل التاريخ اللي عطيتيناه صحيح الجنين اكبر قلت انا مو متأكده من التاريخ بس متأكده انه هالشهر يعني قبل او بعد التاريخ اللي حددته ب ٤ ايام كحد اقصى قالي لا قبل الموعد بشهر وطلع كلامه صح وحسبته هي الصح لانه سألني كانت دورة كاملة قلت له لا بس ٣ ايام قالي خلاص هذي مو دورة

وحددلي متى صار الحمل وقالي التبويض عندج مو مضبوط لانه وقت متأخر عه الدورة وفعلا انا من قبل هرموناتب مخربطه احسه شاطر بس استحرمت اولد عن دكتور

 

[الأميرة جوري]

لرفع

 

[حبي الاول]

نبي بعد مشاركات بليز

 

[om attami]

وحده من رفيجاتي تمدح نجمه وداااايمن تولد عندها مره طبيعي ومرتين قيصري .. والله يسهل عليچ حبيبتي

 

[أتقهوى عذابك]

جمال الشرعان وانتي مغمضه وعن تجارب ماشاء الله عليه خبره
ونفسيه حلوة وهو كان استشاري 20 سنه في العدان قبل لايجي السلام

 

[لوولوو_88]

انا اراجع عند سونيتا استشاريه و بادمسري .. في حال وحده سافرت اروح لثانيه

 

[راحيل العبدلي]

نجمه فللللل عندها زحمه بس عمري ماجربتها
جربت نزهت و سونيتا استشاريات
و الامور طيبه لله الحمد