احسن دكتورة

[Miss-Hummer]

السلام عليكم

شلونكم بنات

انا توني داشه شهري وانشاءالله ناوية اولد بمستشفى هادي بليز اللي مجربه او اللي سامعه عن دكتورة زينه تفيدني

وشغله ثانيه انا قاعد اييلي عوار خفيف ويروح عوار مثل عوار الدورة بس خفييف

ابي شي اييب الطلق شنو ؟؟

ومشكورين

ويارب ترزق كل وحده بالذرية الصالحه:yaaaaaarb: وتسهل على كل حامل​

 

[سموره 87]

يمدحون بهواني وانيتا ولجمي بس للامانه ماجربت

 

[روح الزهر_1]

رد : احسن دكتورة

بهواني ولشمي روعه وبهواني روعه ولاتشوفينها عصبيه او كلامها بسرعه .. ترى تطول بالها انا سوت لي شفط لان البيبي مانزل الحوض وما شالله ولدتني طبيعي .

انا ناويه ارجع اراجع عندها . ادعولي الله يسهل ولادتي ويرزقني بالولد الصالح

 

[R0se_q8]

انيتا رفيجتي والده عندها وتمدحها .. بس زحححمه عليها .. وشربي دارسين كثر ماتقدرين وامشي والله يسهل عليج

 

[مسك وطيب]

رد : احسن دكتورة

بنت خالتي فتح معاها الرحم 9 سم و مارضت تنطر عليها بهواني ولدتها عملية وهي بجر ,, ديري بالج منها استخيري قبل اذا مفكره تروحين لها

انا جربت نادية مصريه تهبببببببل قبل 3 سنين ماادري اذا موجوده ألحين أو لا ,,,,,,,

 

[..’’ياقلبـك الخوّاف’’..]

حبيبتي انا واختي والدين عند رشمي اختي مرتين وانا مره والحين انا حامل وان شااااء الله بعد بولد عندها اتهببببببل وعالرغم من الزحمه اللي عندها الا انها تضحك ..وما افكر اولد الا عندها والله صبوره لي اخر درجه ..وخياطها يهبببببببببببل ..والله انك بتدعيلي ان شالله .. وعالعموم صلي استخاره

 

[ساندريلا]

اخذي دلال السالم تهبل اهي تولد بالهادي
وشربي خروع طبي خلطيه مع العصير فظييع اييب الطلق بسرعه بس صبري انتي توج داشه شهرج كمليه

 

[angel_soul_1989]

رد : احسن دكتورة

الدكتوره ليلى اشكناني ولادتها عجيبه ولدتني بسرعه ومن غير تعب واذيه بكل هدووووء ومثل ما آنا ابي طبعا ولدت بالسلام واهي يتلي اهناك الصراحه حببوني بالولاده اما بالعدان كرهت الولاده ويييع كان اول حمل وما اعرف بس الحمدلله حط فلوسك بالشمس واقعد بالظلال

 

[حرم الشمري]

بصراحة ما أعرف دكتورة زينة لأني ليما ألحين ما حملت الله يرزقني يا رب.. بس اللي أعرفة و متأكدة منه الخروع يسرع الطلق.. والله يسهل عليج يا رب إن شاء الله..

 

[احب المنتدى]

رد : احسن دكتورة

ما ادري و الله


انا اولد بدار الشفا


الله يسهل عليج ياااااااااااااارب

 

[نورهـ]

مااايمدحووووووون الهادي ابدا يخوووف

وحده من قرايبي مخيطين فخذها مع المهبل في ولادتها وبنت جيرانا ذبحو ولدها شافطينه مع راسه الين انفضخ راسه الله يرحمه

واختي مفتوحه 5 سانتي وماصارلها اربع ساعات وحولوها عمليات ماصبرو عليها وكانت عند بهواني

انا انصحج بالمواساه رووووووعه

والسالفه توافيق وحظوظ وصلي الاستخاره وشوفي

الله يسهل عليج وعلينا يااااارب

 

[ام حمود@22]

عن تجربة مرتين وانشالله اليايات كلهم د.ناهده العلي

 

[LooOooLooOoo]

نصيحتي لج تروحين دار الشفا الدكاترة هناك زينيين

أنا تجربتي كانت مع الدكتورة زينات وماشاء الله عليها شاطره

كنت والده قيصريه من قبل وخفت بولادتي الأخيرة اولد قيصريه وأختي كانت والده عندها وتمدحها حيل خصوصا انها كانت رايحه السلام وقالولها عملية وراحت لزينات والله روعه كانت توسع لي بالأسبوع الأخير

ولما قربت ولادتي نصحتني بالخروع

وبالولادة تاخرت علي لأنها غلطتي ما اتصلت عليها ولكن كان هناك دكتور شاطر اسمه زكريا واهما اللي ولدوني والحمدلله طبيعي وسهله

انصجح بالخروع لما توصلين بآخر التاسع

والله يقومج بالسلامه

 

[pinky cat]

انا والده عند انيتا اللى بالهادى بس ماشاء الله والله زينه ,,,, تخيلى راس البيبى لما شافته كان حيل كبير
بس ماشاء الله عليها كانت حيل هاديه وقت الولاده ,,,, وولدت طبيعى الحمد لله ,,, وانا الحين حامل افكر اولد عندها مره ثانيه

 

[*ستايلي غييير*]

الله يسهل عليج 00