احسن خلطه للرموش والحواجب

[اثير الدلع]

:aha: السلام عليكم خواتي بغيت اسألكم شنو احسن خلطه للرموش جربتوها اهني بالمنتدى لان حواجبي من التشقير صارو خفاف وايد وابي اردهم عراض بلييييز بنات قولولي

 

[eldalla3]

عندج خلطة حيادر روعه وكاتبة طريقتها بالمنتدى وعندج خلطة الملاك هم روعه وانتي اختاري الي يناسبج

 

[اثير الدلع]

انزين حبيبتي مشكوووره عالرد بس بعرف وين احصل خلطة حيااادر ؟؟؟؟

 

[eldalla3]

هذي طريقة الخلطة


المقادير :
قفشتين وسط زيت الحبة السودا ( حبة البركة )
قفشة ( ملعقة ) وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي ( الحواج = العطار )
قفشة ( ملعقة ) وسط عسل نحل طبيييييييييييييييييييييييعي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون ( يد الهاون يعني النجر ) او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة


الحين
تخلطين هالمكونات كلها في طاسة صغيرة وبعدين تعبينها بغرشة الماسكارا
وتستعملينها عادي مثل ماقلتلج بالليل احسن



بس للامااااااااااانة
انا جربته على نفسي وبنات خالاتي وخالتي بعد وبعت منها وايد وايد كمية كبيرة
كل اللي خذوا رجعوا بعد اسبوع مع بنات خالاتهم ورفيجاتهم وخذوا منها


خالتي كان فيها المرض الشين قبل 4 سنين اسم الله عليكم وعالجت بالكيماوي
وطاح شعرها كله وحتى رموشها وحواجبها
يوم طلع الشعر مرة ثانية طلع شعر رموشها قصير ومو مثل اول
يوم عطيتها هالخلطة وجربتها اسبوعين صارت عيونها مسبلة ورموشها طالت واستانست وايد



المهم
هذي الخلطة صارت بين ايدينكم
النتيجة تشوفينها من ثاني اسبوع لما بتحطين ماسكارا سودا العادية بتلاحظين الفرق الواضح
بيصير كأنج مركبة رموش وهذي صارت معاي
امي قالتلي شنو مركبة رموش ؟؟


اللي تفيد معاها بليز لاتنساني من الدعوات بظهر الغيب
ولا تقولي انها دعتلي مابي اعرف
خليها بينج وبين ربج

 

[اثير الدلع]

حياااااااااااااااتي مشكووووره ماقصرتي