احساس ملل :(

[atoootta]

مرحبا بنات شلونكم ؟



مادري بستشيركم بشغله مضايقتني دوم مادري هالشي عادي والا بس عندي انا


من اكون عند اهلي اشتاق حيل لزوجي وودي بشوفته بأقرب وقت ممكن
بس من ارجع له
(للي يعرف عن وضعي اني كويتيه متزوجه سعودي وساكنه بالرياض)
تحوشني حالة ملل مو طبيعيه
صح استانس بشوفته حيل بس احساس الملل يغلب
وحبيبي مايقصر فيني يوديني ويطلعني ويمشيني ومو مقصر بشي
بس مادري شفيني والله

واحس انه يعرفلي وباحساس الملل اللي فيني ويضايقه هالشي بس مو قادره حتى اخفيه



هالشي عادي عندكم ؟ يصيرلكم جذي ؟







.

 

[حزني عم المكان]

رد : احساس ملل

امممممممممم

لا مو عاادي

اذا تحبينه مو عادي

ارقي روحك

 

[++MesK++]

؛
؛


هلا اتوتا


حبيبتي يمكن لانج بعيده عن اهلج و ديرتج تحسين جذي



~


؛
؛​

 

[( مي )]

اهلا اتوتا حبي
حبيبتي يصير عندنا هالشي ونحس فيه مع الروتين ولوية الحياة
فما بالج وانتي بديرة وأهلج بديرة
أكيد يزيد عندج

بس سيطري على نفسج ،، يعني دوم اقنعي نفسج ان مافيج شي ،، لا تعودين روحج على هالأحساس ويكون جنه إلزامي إنج تحسين فيه

ومن تتمللين شغلي روحج إبأي شي ​

 

[FeShinGoOo]

احساسج طبيعي انا اذا مو كل يوم اشوف امي لازم كل يوم وترك امووت بدون شوفتهاا

 

[عيالي ذيابه]

رد : احساس ملل

انتي نفسي بس عكس الشخصيات
انا سعوديه من الرياض متزوجه كويتي

 

[a7la MUM]

اسم الله عليج حياتي انتي

حالتج طبيعيه والله منو فينا ماحاشها هالاحساس

وحرام دامه مومقصر شتبين بعد حبيبتي

شغلي نفسج بأي شي ولاتفكرين بهالتفكير السلبي انا وايد تحوشني هالحالات بس اطلع اشم هوا تتغير نفسيتي

ربج يسهل ويعين

 

[jooosy]

انا جذي كل يوم جمعه انام ابيت ابوي
ووايد اشتاق حقه من ارد كل شي يروح وعادي
يمكن انتي روتينج ابيت زوجج ممل
حاولي اتغيرين روتينج
حاولي تشغلين نفسج ابشي
وثانيا الله يعينج انتي ساكنه اهناك واهلج اهني
هالشي بعد يأثر انه اهلج مو حواليج
وانج ابعيده عنهم
الله يعينج انشاءالله

 

[honey lust]

دوريلج هوايه شغلي نفسج فيها او دشي نادي
انا اشوفه شي طبيعي لان مهما كان تضلين بغربه
بس حرام دام ريلج مو مقصر معاج لا تحسسينه بهالشي

 

[صمــت_ALsHfaaH]

انا نفسسسج ترا ماادري من شششنوو

بس انا يمكن عشان زوجي يسبب لي الملل بتصرفاته وبروده

الله يسستر عليج ياقلبيي

 

[ديانا سبنسر]

قبل لما كنت ساكنة عند حمولتي تصير فيني نفس حالتج لاصرت عند ريلي حنيت لهلي ومن اجي عندهم اقول ياليتني الحين عنده اشوه طمنتيني انا كنت ناقدة على روحي احس نفسي خبلة خخخخخخ

 

[الأميرة جوري]

عادي ياقلبي انا يحوشنى هالشيء لي سافرت مع اهلي شيء مو طبيعي....البعد الاهل ويمكن بعد لي صرتي ند اهلج بعده اهو بعد فييلج هالشعور

 

[نـعـومـه]

رد : احساس ملل

شكثر صارلج متزوجه ؟؟

هالاحساس دايما معاج ولا فتره محدده ولامتى تحسين هالاحساس ؟؟

يمكن من روتين حياتج ممل او انج ماتحبين زوجج حيل او لانج مفارقه اهلج وانتي مومرتاحه حق هالوضع

الاحتمال الوارد الاخير

تعوذي من بليس واقري قرأن وحاولي تتعودين على هالعيشه والحمدالله دام موقاصرج شي

 

[Gourges]

حيااااااااتي

شي طبيعي جدا لاتحاتين لمن تحسين ان ريلج متوفر عندج ومجابلج تملين وتحنين حق اهلج وان جابلتي اهلج وشبعتي منهم حنيتي حق ريلج .. والروتين يلعب دووره ..

لاتحاتين جدا عادي

 

[atoootta]

حياتي ماتقصرون والله

وحشتوني كلكم فديتكم

والله مادري .. اكيد بعد الاهل ياثر بس مو هذا اللي اقصده

مثلا طلعنا انتعشى وانتسوق من العصر لين 9 او 10 بالليل من ادش البيت ابدأ احس بالملل
واشغل نفسي بشكثر شغلات من اكور البيت وعيالي وطلعات ودخلات
بس همن ملل بملل


وللي سأل جم لي متزوجه لي 8 سنين الحمدلله










عيالي ذيابه

تجيج هالحاله يعني ؟؟

 

[atoootta]

 

[ام شووووق]

رد : احساس ملل

نفس الحال

 

[@ام ضاري@]

بما انى عارفه وضعج اقولج هذي الحياة ياقلبي وكلنا نمر في ها الشي
كثري من الاستغفار
مللج انج بغربه فقط لا غير

 

[ام دليار]

رد : احساس ملل

نفس الحال بس أسافر بس بدي أرجع لزوجي

 

[DooLy88]

مادري

!!


بس ارقي روحج احسن
لان يمكن حالة نفسية او شي