احرجني خال ريلي حيييييييييييييل

[boliana_q8]

شلونكم بنات شخباركم

بقولكم سالفة صارتلي وحدي تمنيت الارض تنشق وتبلعني من الاحراج اللي سببه لي خال زوجي

بنات تخيلو كنت رادة من الدواام وحدي يوعانة وانا ساكنة في بيت حمولتي
المهم قعدت بالصالة معاهم بتغدا مع ريلي ولا مسوين بورجر لحم وبطاط مقلي
قعدت يمه باكل معاه وكانو حمواني قعدين وخالتي واخوها زايرها:eh_s(10):
المهم ولا ينط خال ريلي ويقول بصوت عالي انتي متينة اشلون تاكلين بطاط كله دهن وراح يمتنج زيادة ويقول حق ريلي شيل عنها الصحن:bbbiu:

انا اهني حسيت اللقمة وقفت فبلعومي ويهي صار ازرق من الاحراج:eh_s(11):
وحسيت ودي اختفي
يعني انا صج وزني زايد بس ما اخربط وايد وانا اضطريت اكل مع ريلي لان ماكو شي ثاني اكله:eh_s(2):

ونزلت تحت مت من البجي وحيل حزت بخاطري انه احرجني جدام حمواني وخالتي وريلي

بنات تخيلو ثاني يوم رحت اشتركت هيلث كير ايبونلي ثلاث وجبات كل يوم
وقلت حق ريلي لو اموت ما اكل عندكم فوق :eh_s(4):

 

[النشبه]

الله يسامحه ريال عود وما يثمن كلامه شتسوين فيه بعد


يالله ما عليه ينسون وتنسين وحصل خير

 

[FeShinGoOo]

:/ يستخف دمه الظاهر..

لو مكانج جان هديت الاكل وقمت عنهم عشان يندقر ويحس بسخافته

 

[فلنتينو]

امبيه صج احراج
ماكو اسلووب :eh_s(1):

صج تكبرين وتنسين

:eh_s(7)::eh_s(7)::eh_s(7):

 

[بولندية]

واي الله يعينج انا عكسج ما اكل انا ضعيفة وعمي دايما يناشبني وايام رمضان نتفطر مع بيت عم ريلي وانا حاطة يدي على قلبي طول رمضان بس لا يقط قطاته علي جدام بيت عمه لان حمولتي عارفين طبع ابوهم ف اعطيهم طاف بس مرة كنت تعبانة من حمالتي اللي قلت حق ريلي عن سوالف عمي وحتى ريلي ما يلومني

 

[إم بــــرٍآك]

اذا بتفكرين بكلآم النآس مآبتخلصين
وهو شعليه اصلا عيب عليه هالاسلوب
طنشي ولآكأنج سمعتي شي

 

[Beauty is Me]

مااال كف على ويهه
يستظرف خفيف الظل

في ناس جذي
ليش شافو الضعيفه قالو رزو الصحن جدامها ختاكل جنه بمجااعة

ولي شافو المتختخه
قالو شيلو صحنهااا سموم وامرااض


مال احد يقوله حاتي كرشك وايد احسن

ما علييييج منه
ولا تتحسسين

كافي ريلج قاعد يمج ما قالج هالشي
لا تحطين فباااالج حبيبتي

انا واثقه انه شحلاتج
وزين سويتي عاد تدرين الدايت كير
اكلهم بالجمعيات
انا احب اكلهم
لذيييييييييذ وصحي

عليج بالعااااافيه

 

[غرور انثى ..~]

امبيه صجج احرآاج
خلاص احقريه وخليه بحاله

 

[!الجادل الصعب!]

الرسول عليه الصلاه والسلام لما قال الدين النصيحه
حدد لها اسلوب و وقت .. وهذا الله يهداه كلش ماعنده
اسلوب ..، يـ الله يمكن كلمته خيره اشتركتي بدايت
سنتر وان شاءلله تضعفين بصحه وسلامه ..!

 

[رحيل المرافيء]

مافيها شي يمكن يتغشمر عادي
اخذيها يروح رياضية
مو كل كلمة طنقرتوا

 

[om '3ala]

امبييه سخييف
لو انا منج اهد الاكل و امشي و ما اكل معاهم مره ثانيه
بس ما عليه حبيبتي طوفي شايب مخرف

 

[نور خانوم]

ههههههههههه يتغشمرمعاج عادي هاذا الصج قال الي شافه في منهم يقطون حجي عالنيه على حسب الويه يبين اذا متعمد
او يتغشمر

 

[صانعة الحياة]

ياحبيبتي يمكن مايقصد يجرحك


هو يحسسك انه مهتم فيك

ترى فيه رجال كذا وانا اعرف واحد كذا يجرح ويضن انه مهتم فيك ويبيلك الخير

 

[Queenleo]

واااااااي الشيااااااب مشكله
لسااانهم مفتلت
ومايثمنووون الكلمه
حياااج اخذي كوورس تقووية مناااعه عند الوالد
بيموت احساااسج ^_^

 

[Tulips]

حده سخيف

شهالميانه اللي مطيحها

طنشي حبيبتي الرياييل دفاشه

 

[simone]

اسلوب مافي

 

[مشآعل مطير]

وسسعي صدرك ,,
لآتفكرين في كلآمه وتتذكرين الموقف كل شوي خلآص آنسسي

 

[Laidy n3ooma]

قوليله ريلي يحبني بطه انت شكووو


قطييييييييييعه جان زين اخوووه قلنا معليه اتشوفينه كل يوم وطايحه الميانه

لا هل مره خاله

شكووو يقز جسمج المفروض مايتحجى

 

[hazel eyes]

ترى يمكن مو قااصد بس اسلووبه دفش

 

[ثريا الكون]

بصراحه مابي هجووم علي انا دايما احس احنا لكويتيين او الخليجيين دفاشه ما نثمن الكلام كلامناا سم او خنجر جارح مادري ليش هل شئ صج يضايقني عكس دول العربيه الثانيه