احذرووووووووووووا

[doweha]

ما ادري هذا المكان الصح ولا المهم يابنات بقولكم سالفتي انا رحت لمعرض الروضان قبل شهر وكان عندي مناسبتين وكنت ادور شئ حلوالبسه وشفت لى دراعه احمر فيها تايجر من جدام واشوي قصيرة وطلبت من صاحبه المشغل اذا اطولها من جدام واستلمها بعد يومين المهم استلمت افلوسها كامله بعد يومين امر ولا اتقول لى الخميس عندى ضغط من هالسوالف المهم قلت اكيد لان المناسبه طافتني ابي البسها للمناسبه الثانيه وعلى العلم فصلت كذا دراعه عند مشاغل ثانيه تدرون حق رمضان المهم ويجي يوم الخميس وامرها بالمعرض ولا اتقول كنت بدق عليج ماخلصت وانا اوصلها لج للبيت المهم قلت لها تدرين انا مااسوق مو كل يوم احصل احد اوديني مهم نطرت يوميين وادق والجهاز مغلق واطرش لها رساله اني بروح عمره بالتالي البسها لمن اجي واطرش لها عنوان بيت اختي علشان توصلها واعطي اختي الرقم المهم لمن وصلت من عمرة نفس القصة الجهاز مغلق واخيرا وترد وكلمتها اختي ولا اتقول مري المعرض واخذي افلوسج المهم قالتي اختي قلت خير انشالله انا رادة تعبانه المهم لمن دقيت عليها اليوم ولا اتقولى انتي اي وحده واقول لها انا افلانه وتردعي بأسلوب والله يا بنات ما ابالغ شوفي افلوس ما عندي ودراعه بالمعرض ماتبينها بطقاق اتبرع لها بلجنه امانه اشلون اتحلل لنفسها طبعا اسلوبها كان استفزازي وتسك وترد تدق وتسب واتقول تعالي ووريج الشغل انا من الصدمه ماعرفت ارد دزيت لها رساله بأني ما احللها ليوم الدين وحسبي الله ونعم الوكيل امانه لوالواحده تتكلم باسلوب تحرج وبعضهم اتخصم عليج جزء من المبلغ والمصيبه الاعظم انها اهي الي قالت مري واخذي افلوسج واهي مشغل ام خالد والحذر منها يابنات والله على ماأقول شهيد وحسبي الله ونعم الوكيل

 

[Miss Demi]

رد : احذرووووووووووووا

امبي من صجها هااذي

الله لا يبلنا

 

[أم حمد 4]

حسبي اللة وتعم الوكبل واي عورتي قلبي صج ماتخاف ربها

 

[doweha]

مشكورهmiss Demi وام حمد4 في ناس راقيه باخلاقها وفي ناس حسبي الله ونعم الوكيل

 

[كويتيةch]

حبيبتي وضحي اسمها واسم مشغلها لانج قلتي ام خالد واكثر من وحده اعرفها اسم مشغلها ام اخالد فياريت توضخين مني بالضبط حتى لايصير لبس عند البنات وتظلمين الباقين

 

[pяiήcєşš]

موووووصج هالحررررريم

الله يعييينج

 

[الجوهرة777]

لا حول ولا قوة الا بالله


الله يعوض عليج

 

[doweha]

حبيبتي ch والله انا مابي اظلم احد بالعكس انا ذكرت في موضوعي اني خيطت حق رمضان كذا مشغل وسلموني بالوقت ومعاملتهم جدا راقيه وبالنسبه لمشغلها اهي كاتبه في ورقة ام خالد مشغل ساره واهي صار لها شهر لليوم تعرض نفس الدراعه بالوان مختلفه في الروضان وما ادري اذا ايسير احط رقمها ولا وما ابي منكم غير الحذر لاتسلمون افلوسكم كامله ودعوه حسبي الله ونعم الوكيل

 

[hazel eyes]

صارت هالسالفه لمرت اخووي تدرن شنوو سوت دزت لها مسج قالت اذا مارديتي لي الفلووس ترى بقول لزوجي يشتكيج عند حمايه المستهلك
انتي سوي نفس الشي لانهاا ردت لهاا الفلووس واهي خااااقه

 

[doweha]

صارت هالسالفه لمرت اخووي تدرن شنوو سوت دزت لها مسج قالت اذا مارديتي لي الفلووس ترى بقول لزوجي يشتكيج عند حمايه المستهلك
انتي سوي نفس الشي لانهاا ردت لهاا الفلووس واهي خااااقه

حياتي اهي بس في المعرض تنزل ايسير اشتكي عند حمايه المستهلك لانها بصراحه كلامها معاي بتلفون على قولتهم سليطه لسان وانا بصراحه ما احب اتكلم مع هاشاكله من الناس

 

[أنفاسي دخون]

حسبي الله ونعم الوكيل في اللي ما يخافون الله

وش تسوى عليها الحين خسرت زبونه وطيحت سوقها بالسمعه الزفت

 

[doweha]

اشكر لج مشاركتج أنفاسي دخون وناس بالمعامله الحسنه تكسبينهم والله انه في حريم بضاعتها عاديه واشتري من معاملتها الحلوه لا واكون مستانسه وفرحانه بهالشئ

 

[منيرة خالد]

يا قلبي

دزيلها رساله وقولي لها انج راح تشتكين عليها بحماية المستهلك وترا ممنوع تبيع وتفتح مشغل بدون ترخيص غرامه مو اقل من 500 دينار وقولي لها يجون يجرونها من مكانها اللي تعرض فيه >> وتصير طماشه ببلاش


واذا رحتي تأخذين الفلوس لا تروحين الا ومعاج رجال وتطلع لج بره لأنه مره صارت بالروضان طق مطاقق وترفس بين الحريم والسبه هالسوالف شافوها بروحها وتوحدوا فيها

خليج قويه هالناس ما يبيلها القلب الطيب ترا والله تتعبين

 

[doweha]

حبيبتي منيرة خالد ما أدري بكرة الروضان فاتحين ولا وبصراحه اهي قالتلي بتلفون تعالى وانا اوريك الشغل المصيبه انا مو طالبه غير حلالى والله لو انها امكلمتني باسلوب عادي لكن حرتني بكلامها كله سب وشتم واتوقع انها عادي عندها شكلها متعوده وانا بصراحه ودي اشتكي بس بعرف الطريقه اشلون لانها شكلها متعوده على النصب وطريقه الصياح وانا مااحب هالطريقه بالكلام وياليت الى اتعرف اتقولي شلون طريقه اخذ حقي بهدؤ

 

[أم حمودي**MALL**]

لا حول ولا قوة الا بالله


الله يعوض عليج

 

[بنت شرق]

يبه اشتكى عليها عند حمايه المستهلك عشان تصير عبره وتحترم الناس

 

[منال القلب]

الله يهداج انتي بعد غلطانة ألف مرة يصير تأجيل سواء منج أو منها اهي يكون عندها ضغط وانتي طلع لج سفرة ومحد يقدر يوديج يعني هم بعد لا تظلمينها وتطلعينها غلطانة انتي بعد غلطانة لأنج ساهمتي في انج أخرتي استلام لبسج. وهذا رايي

 

[خشف بدو]

حسبي الله عليها هذي يبيلها وحده ملسونه تعلمها شغلها يما اكره هالاشكال..

 

[^حيزبونه^]

لاحول ولا قوة الا بالله

الله يعوضج ان شاء الله

 

[doweha]

حبيبتي منال القلب انا سبق وذكرت بالموضوع ان اختي كانت امتابعتها لما رحت عمره وعلى فكره عمرتي كانت 4ايام واندق اتسكر الجهاز اتروحين للمعرض العارضه اتقول دقي تلفون على صاحبه المشغل ام خالد وخلى التاخير لكن تخيلي انها تدق وتسب انتي ترضينها لنفسج لمن وحده اتكلمج باسلوب عادي تتقبلين لكن هذي والله ما ابالغ اذا قلت لج عشر مكالمات وكل مارفعت الخط اتسب اهي بنفسها الى قايله تعالى اخذي افلوسج انا ماطلبت غير حقي والمشاغل الى خيطت عندهم وبنفس المعرض سلموني دراريعي من غير اي تاخير وباسلوب راقي والتاخير منها على فكره مو مني لكن تخيلي كل يوم او يومين رايحه للمعرض عندها ضغط من الاول اتوضح الصوره وايد مشاغل اتسير عندهم تاخير لكن في اسلوب في الكلام اتخليج تستحين ادقين لكن ما اقول غير حسبي الله ونعم الوكيل