احد صار معاه مثل ماصار وياي بالحمل وبعد الولادة بالذات

[سارونهh_a_z]

مرحبا بنات ​

بقولكم مشكلتي واللي حيييل مضايقتني واتمنى القى حل :yaaaaaarb:​

بنات من حملت حاشتني مثل حاله اكتئاب او ضيجه وزادت اكثر بعد الولاده ​

انا توني والده صارلي شهر تقريبا بس والله يابناات شي موطبيعي اييني مثل القامت ودي انفجر من ​

البجي واول مره تحوشني هالحاله يعني بعيالي اللي قبل كان الوضع حدة طبيعي وحدة عادي ​

واكووون حدي مستانسه ومتشققه عالاخر​

بس مادري شفيني الحين صايره حساسه زيادة عن الللزووووم 24 ساعه العبره بعيني​

حتى وانا اكتب الموضوع احس فيني خنقه ودي ابجي​

مادري شسوي بنات والله ماودي اضايق اللي حولي وبالذات امي مابيها تشوفني بهالحاله ​

مابي ازهقهم وامللهم بس والله والله موبيدييييي ودي اطلع من هالدوامه ماني قادره​

وفيني بعد عيب اللي اهوة اقعد اتذكر المشاكل والاشياء السلبيه اللي صارت بحياتي وهالشي قاعد يقلب حياتي فوق تحت ​

وايد صايره عصبيه وبسرعه اتنرفز وما اعرف اتفاهم والدمعه خوووو على طريف:eh_s(11):​

بلييييييز بنات شورو علي شسوي واشلون اطلع من الحاله هذي​

فديييييييييييييييييييييييييتكم ادري ماتقصرون​

 

[بتبوتااا]

حياتي سارونه شلونج ولج فتره مو مبينه

والف مبروك ياقلبي عالنونو

شوفي هالحاله صارت معاي مع بجري بس فتره وتعدي يسمونها اكتأب الولاده وما بعد الولاده بس انتي حاولي تتغلبين على هالشي ولا تخلينه يتغلب عليج ولا راح تتصعب امورج حياتي ,

 

[ماني من الناس]

زوجه اخوي حاشها اكتئاب بعد الولاده تراه خطير يعني لازم الوحده تنتبه انه بسبب هرمونات لا اكثر وما تسوي دراما

 

[ابدا يالغالي مانساك]

حبيبتي عليج بالاذكاااااااااااار والادعيه

والاستغعااااااااااارات

وان جتج الضيقه حاااوللي تتذكرين شي يسعدج
ولاتضايقين رووحج

وسولفي وضحكي عشاااااان لاتيجج الضيقه

 

[فوفو الدلوعه]

الله يكون بعونك ويفرج همك ويسعدك يارب
ومبرووووووووووك البيبي

 

[{الجارحه}]

تجيني هالحاله اذا ولدت وبذات في بكري كنت بس ابجي ابي زوجي وابي بيتي وكنت اتخيل اني ماراح اشوف بيتي يعني حاله مايعلم فيها الا الله الله لايعيدهاا

واكثر البنات اللي اعرفهم تجيهم

 

[برين سات]

حبيبتي انا دارسه عن الامراض النفسيه بالجامعه عادي لاتخافين

هذا مرض اكتئــــــــاب النفاس شي طبيعي خصوصا اذا كان اول بيبي لك

اسبابه : الخوف من المسؤؤليه وانك صرتي ام وشلون راح تربين هالطفل وخوفك على الطفل وخصوصا اذا جسمك تغير راح تتضايقن شلون راح يرجع مثل قبل

علاجه : راح يخف الاكتئـــــــاب ان شاء الله بعد الاربعين

 

[*ريما*]

الله يشفيك

 

[تعبت اداري...~]

مبروك على النونو عسى الله يجعله ذريه صالحه باره حافظ لكتاب الله ان شاء الله
هوبآآآآآ انا طموشه

 

[زوجة عزيز]

الف الحمدلله على سلامتج واسم الله عليج من الاكتئاب الله يشفيج ويشرح صدرج ان شاء الله سمعي قران اختي نصيحه والله

 

[روحي زوجي]

الله يعينج

صدقيني هي فتره وتعدي وحاولي كثر ماتقدرين تتخلصين من هالحاله مبجر

كلنا مرينا بهالشي اقري قران واستغفري دايم تلقينها تخف بالتدريج او من غير ماتدرين عن نفسج

 

[* ملكني الخوف *]

الله يهون عليج يارب طلعي غيري جو صدقيني من البيت كله قاعده فيه مهما يكون الواحد لازم يطلع يشوف الناس ويستانس روحي قعدي ع البحر انتي وريلج انا سويتها وارتحت كنت كله ابجي وطلعت وارتحت نفسياً عسى الله يشرح صدرج ويفرحج

 

[brettey]

بعد عكري سارونه الحمدلله على سلامتج ترى انا صار لي جذي باخر ولاده بس لاني اعاني من مصيبه كبيره وهم وغم والله اني نزلت 20 كيلو ماتنفست عدل
يا قلبي عليج بالدعاء والاستغفار يمكن تخف عنج ضيتج
مع اني واظبت عليهم بس للاسف ماشفت اي نتيجه لازلت اعاني من الهموم
تعبت
يمكن انتي يتغير وضعج
عسى الله يفرج همج ويفتحها بويهج ويشرح صدرج اقري سوره الشرح وشغلي سوره البقره

 

[تبطي عظم!]

ياحياتي هالحاله كنت اتذكرها بأمي بكل ولاداتها يصير معاها جذي ~

ومن تطلع من النفاس تخف تدريجيا لين تختفي ~

 

[++The DuchesS++]

ترا مو شرط تصير بس بالبجر
انا صارتلي بثاني ولاده
من يصير الليل انقلب فوق تحت
ما ودي اللي حولي ينامون ابجي تخيلي
شغلي قرأن دايما واذا فيج بجيه طلعيها لا تقمتينها
حاولي تطلعين تغيرين جو شوي
والله يهون عليج

 

[عسل سل]

دشي المنتدى اهني اضحكي استاانسي والااااف نفس حاالتج فتره مابعد الولااده وترووووووح مع الاياام اعفر وااجد مثل حالتج فتره وعدت

 

[لامار الكويت]

كانج تتكلمين عني مع ان كان عندي ظروف بس تفكيري وظيقتي بصوب وظروفي بصوب

ضيييييييييييييييييييقه مو طبيعيه

قريت كتاب أذكار لقيته صدفه قلت بجرب

كم يوم شيً انزاح من صدري ياسبحان الله

لا وبعد تحسين شي شاغلج ماتدرين شنو وحيييييييل بالج مشغول


جربي اقري اقري اقري وأدعي وانشالله ماتشوفين الا العافيه



والف مبروك النونو

 

[عويتقة]

يااااااااااااربي يفرج همك وهمي وهم كل مسلم ومسلمة يااااااااااااارب

 

[۩۩ الجـــــود ۩۩]

اكتئاب ولاده فتره ويعدى جاتنى بولدى الكبير

ما تشوفين شر

 

[سارونهh_a_z]

حياتي سارونه شلونج ولج فتره مو مبينه

والف مبروك ياقلبي عالنونو

شوفي هالحاله صارت معاي مع بجري بس فتره وتعدي يسمونها اكتأب الولاده وما بعد الولاده بس انتي حاولي تتغلبين على هالشي ولا تخلينه يتغلب عليج ولا راح تتصعب امورج حياتي ,

حبيبتي بتبووووووت لج وحشه ياعسلللللللللللل

يبارك بحياتج ياقلبي
وان شاء الله قلبو اطبق اللي قلتيه

زوجه اخوي حاشها اكتئاب بعد الولاده تراه خطير يعني لازم الوحده تنتبه انه بسبب هرمونات لا اكثر وما تسوي دراما

خرعتيني ليش خطير

حبيبتي عليج بالاذكاااااااااااار والادعيه

والاستغعااااااااااارات

وان جتج الضيقه حاااوللي تتذكرين شي يسعدج
ولاتضايقين رووحج

وسولفي وضحكي عشاااااان لاتيجج الضيقه

هذا اللي قاعد اسويه مشكوره قلبووو