احد صار له مثلي

[سمات 2010]

بنات تكفون سويت تجميل لخشمي من ثلاث ايام وندمانه كثر شعر راسي حاسه مو انا وحده غير وصاير مرتفع حيل بينزل تهقون ولا لأ

 

[سمات 2010]

عفيه بنات لا طنشوني

 

[كلـــــي غنج]

الحمدلله على سلامتج ..

والله ماعندي فكرة ,,

الله يشفيج ويعدي عليج هالمرحلةة وتفرحين بأحلا النتايج ,,

موفقةة خير

 

[سمات 2010]

مشكوره حبيبتي

 

[سمات 2010]

والله بنات بموت من القهر ردوا علي خلاص مو متحمله شكلي

 

[رقـة الاحسـآس]

الحمدلله ع السلامه
والله ما عندي فكره
بس اللي اعرفه من اللي نقراه انه الخشم يباله سنه لين يبين شكله النهائي عقب العمليه
ع مر الوقت بتشوفينه يتغير

جوفي تجمع الخشوم و اكيد بيفيدونج

 

[$نرجس$]

مع الوقت رااح ينزل لاا اتحاتيين

 

[freethinker]

ماعندي فكره بس انشالله ينزل
وهمن سمعت انه ياخذله فتره عشان يفش ويبين شكله لاتحاتين

 

[خيال دبي]

ليش ماقلتلي للدكتور من البدايه انج ماتبين الخشم مرفووع وانشاااء الله ينزل

 

[rwn 92]

ايييييييييي صح ليش ما قلتي حق الدكتور عن اللي تبيه بالضبط؟؟

هذا ويه مو لعبه...

حبيبتي روحي راجعي دكتورج

ما راح يفيدونج البنات كثر الدكتور

بس لا تحاتين.. يمكن انتي مستغربه شكلج لانج تغيرتي عن اول.. لا تخافين.. ميخالف حبوووبه.. بس ظروري راجعي الدكتور

 

[Judy . abbot]

كل الي يسون تجميل خشم ما يتقبلون ويههم وخشمهم بالذات اول الايام
لازم يكون رافع ومع الايام ينزل
النتيجه ماتبين الا ورى ٣ اشهر يعني تبدين اتقبلينه والنتيجه النهائيه بعد ٦ شهور او سنه

 

[Dreamy G!rl]

انا طلبت من الدكتور ما يرفع خشمي حددت له طلبي
جان قلتيله من البداية انج ما تبينه مرفوع بس ما ينفع الحين
شوفي حبيبتي الارنبة تنزل مع الايام بس طبعا مو مثل شكلها الاولي
اذا اهوا رافعلج الارنبة راح تنزل بس مو وايد اما اذا مو رافعها راح تنزل ١٠٠٪
و بعدين لا تحكمين تو الناس توج ثالث يوم *

 

[انوثتي غير وياك]

عند منو مسويته ؟؟

يمكن لانه ورام تشوفينه مرفوع

يبيلج تعطيني نفسج طولت بااااال على نتيجه

3 تيام ولا شي حق الخشم !!!

نطري 6 شهور على الأقل

 

[reem alflla]

ألف لاالحمدالله على سلامتج خيتووو

وعلى البركه الخشم اليديد

اكييييد بالبدايه ما راح تتقبلين شكلج بس بعد فتره ليمه يفش ويهج الوارم وخشمج يفش راح تتقبلينه وراح تجابلين المنظره صدقيييني

واذا خشمج مرفوع شي طبيعي ترا كل الي يسون خشومهم بالبدايه يكوون مرفوووع ومرفوع وايد بعد


بس الصبررررر نطري كلش ما راح يبين الحين النتيجه مو اقل من 6 شهووور يالله الخشم ينزل ويرد وضعه الطبيعي وراح يصيررر حده حلو صدقيني



انا بنت خالتي والله خشمها من الله اينن بس الطمع الي فينا ما يهدنا راحت سوته وامبييييه رفعته بشكل الي انا يوم شفتها خنقتني العبره عليهااا

بس بعد 6 شهور صااار اينننننننننننننننننننننننننن احلى خشم تجميل شفتها بحياتي ويوم اقولج مرفوع يعني صج صج مرفوووع الي جنها ما يكل جاكسون جنها خنزززير كان شكلها ×××××××



بس الحين الكل يشررررق بخشمهااا والله


بس انتي صبررري ولا تحاتين ولا تعبين نفسيتج بس لازم تنطرين


وان شالله اكون ريحتج

 

[Om kalthom q8]

راح ينزل لا تحاتين:eh_s(7):

والورم يبيله فتره عشان يروح

 

[جمال الورد]

حبيبتي لا تحكمين على شكلج من الحين شلون تحكمين وأنتي عليج الجبس ما يبين ترى راح ينزل لا تحاتين أنا مثلج كان مرفوع حيل بس نزل الحين وصار يهبل

 

[حرم الحوت]

لا تحاتين طبيعي هذا وتوج على النتيجه بس لاتحاتين

 

[أحلى همبه كويتية]

الف حمد لله على سلامتك

حبيبتي نطري تو الناس اللي تشوفينه الحين مو خشمك الجديد
كل يوم بيصير شكل بس عاد مو اختلاف جذري

وراح ينزل لا تحاتين

خواتي 6 شهور يالله ثبت الشكل الجديد

وديري بالج تضغطين عليه او اتحركينه تراه طري

ان شاء الله يطلع احلى خشم بالدنيا


عاد تدرين
لما شفت خواتي واللي صار فيهم
قلت لو خشمي يصير من هالخد ليما الخد الثاني ما سويته
ما أتحمل هالعذاب

 

[عسل سل]

الخشم بعد جم يوم من العمليه تقدرين تشكلينه باييدج تمطينه لي تحت تنزلينه سبحان الله تلقينه مع الوقت ينززل

 

[خيال دبي]

ليش فديتج ماقلتيله ماينزله لج