احد جرب يسوي طفل انبوب في مستشفى رويال حياة على حساب الحكومه ؟؟

[مبحره في ذكرياتي]

السلااام عليكم


يعطيكم العافيه خواتي .. الله يرزقكم الذريه الصالحه يارب .. ابي مساعدتكم ضروري للي تعرف ..انا متزوجه من سنه 95 وفي سنه 2007 جبت اول طفل لي طبعا سويت طفل انبوب في بريطانيا مو بالكويت .. وابي اسوي مره ثانيه ..والعمر يمشي بسرعه ..
وتقريبا من سنه او اقل سمعت ان مستشفى رويال حياة جايبين فريق طبي من بلجيكا حق اطفال الانابيب .. وان وزاره الصحه متساهله مع المواطنين في انهم يقدرون يقدمون اوراقهم عند الوزاره ويوافقون عليها .. بعدين يدزونهم لمستشفى رويال حياة عشان يسون العمليه ..وانا عندي ولد ما ادري هل راح يوافقون علي وزارة الصحه والا لا ؟؟ والمشكله ان انا سامعه ان الي عندها اطفال خلاص مايوافقون على تكاليف علاجها سواء بالكويت او علاج بالخارج .. واذا عادي يوافقون علي هل تنصحوني بمستشفى روياال حياة والا لا ؟؟ الي سامعه هالخبر ومجربه تفيدنا الله يعطيكم العافيه ..

 

[دنيتى زوجي M]

الله يرزقج بالذريه الصالحه اللهم امييييييين

وبخصوص المستشفى والله ماعندي فكره بس حبيت ادعي لج وارفع الموضوع

 

[مبحره في ذكرياتي]

دنيتي زوجي .. مشكوره حبيبتي ما قصرتي والله يسهل عليج ولادتج يارب

 

[ام عفاف الكويت]

حياتي والله ربي يوفقج يارب
ويرزقج بدون علاج يارب
بتوائم متعافين متشافين يركضون ويعوضونج السنين
ويرزق كل محرومه

 

[مبحره في ذكرياتي]

ام عفاف .. مشكوره ياقلبي على هالدعاء وان شاء الله ربي يشفيلج وليدج فهد ويخليه لج يارب

 

[مبحره في ذكرياتي]

Up up up

 

[chanel N22]

اب اب
الله يرزقج ويرزقناااا

 

[مبحره في ذكرياتي]

مشكوره شانيل .. امييييييييييييييييين الله يرزقنا ويرزق الجميع يارب

 

[مبحره في ذكرياتي]

اب اب اب

 

[مبحره في ذكرياتي]

اب اب اب

 

[مشتاقه للعيال]

رد : احد جرب يسوي طفل انبوب في مستشفى رويال حياة على حساب الحكومه ؟؟

حبيبتي الله يسهل امورج ويرزقج بالذرية الصالحه يارب ويفرح قلبج فيهم

انا نفس حالتج عندي ولد والحمد الله عمره 18 سنه الله يحفظه لي

وقدمت اوراقي عندهم وناطره النتيجه يارب يوافقون علينا يارب

رب هب لي من الصالحين
رب هب لي من لدنك ذريه طيبه انك سميع الدعاء
ربنا هب لنا من ازواجنا وذرياتنا قره اعين واجعلنا للمتقين اماما

 

[مبحره في ذكرياتي]

اهلين اختي مشتاقه مشكوره ماقصرتي عالدعاء والله يخليلج وليدج ويرزقج باخوان له يارب .. بس شلون قدمتي اوراقج ؟؟ طولتي وانتي تقدمين اوراقج والا لا ؟ لاني سمعت ان اجراءات التقديم تاخذ اسبوع بس صج هالكلام والا لا ؟؟

 

[مشتاقه للعيال]

رد : احد جرب يسوي طفل انبوب في مستشفى رويال حياة على حساب الحكومه ؟؟

هلا فيج حبيبتي مبحره في ذكرياتي

ماتاخرت بنفس اليوم طلبو البطاقه المدنيه لي ولزوجي وبيان بعدد افراد الاسره من البطاقه المدنية وعقد الزواجوتقرير طبي جديد

وامس على اساس يدخل اللجنه وباجر تطلب الموافقه ادعيلي يوافقون علينا

والله يرزقنا ويرزق كل محرومة يارب بالذرية الصالحه

 

[عروق التوت]

الله يرزقك من حيث لاتحتسبين

انا بعد قدمت اوراقي على حساب وزارة الداخليه
واخترنا مستشفى العرف
صارلنا اسبوع من قدمنا الاوراق
وان شاءالله يوافقون قبل تنزل الدوره
موعدها بداية الشهر
ادعولي الله يجزاكم خييييييييير

 

[كبرت وراحت على]

رد : احد جرب يسوي طفل انبوب في مستشفى رويال حياة على حساب الحكومه ؟؟

زوجك عسكري الاكر سريع مو عسكري دوري واسطة

 

[مبحره في ذكرياتي]

السلام عليكم ..
مشتاقه للعيال .. الله يرزقج وان شاء الله يوافقون عليكم يارب ويرزقنا يارب .

عروق التوت .. حبيبتي الله يرزقج يارب ويسهل عليكم يارب بس شرايج بالعرف احسن من رويال حياة ؟؟ دامني ليلحين ماقدمت ابي اشوف الاحسن الله يرزقنا ويرزقكم كلكم يارب

كبرت .. للاسف انا زوجي مو عسكري ياربي ليش كل شي بالواسطه مافيشي لله فلله يعني يدرون ان احنا محتاجين العلاج ليش يعسرون السالفه

مشكورين وما قصرتوا ياحياتي ..

 

[مبحره في ذكرياتي]

اب اب اب

 

[ترووفه]

المشكله الحين كل شي بالواسطه

انتي جربي وان شاءالله تتسهل اموورج

والله يرزقج بالذريه الصالحه ويرزقنااا

 

[مبحره في ذكرياتي]

تروفه تسلمين ياحياتي ماقصرتي

 

[ام الشوامس]

الله يقر عينج بالذرية الصالحة اللي تترس عليج البيت يارب .. اللي اعرفه ان الحكومه ما تتكفل بمصاريف أطفال الأنابيب للي عندها طفل سليم .. والله ييسر لج أمورج يارب ..*