احجاب ..!xxx

[غريبه وعجيبه]

احم سلام عليكم شلونكم ادخل بالموضوع
________________________
بنآت انا عمري 12 (بالغه ) تقريبا من سنه .! بس مو متحجبه بنات (عمي ) اللي تبلغ لازم تحجب استحي اقولهم انا بالغه
اما بنات (خالي) عادي تبلغ مو شرط تتحجب
بسادس ماقلت لاحد اني بالغهه اما سابع صفي كله دره .! وينصحوني اللي بلغت تتحجب وحيييل استحي بالغه ومو متحجبه ،،، اسأل امي تقول هو لازم وانا مااقولج لاتحجين بسس انا عطيتج الراي بسس والله مااقدر ششلون بنات خالي يبلغون ومايتحجبون وانا ليشش اتحجب ..! وانا مشكلتي كلام الناس اخاف يعايروني وكلهم يقولون لي تحجبي بعاشر بس مو الحين توج صغيره ياربي اخاف ابي رايكم واللي ماتحجب واهي بالغه كافره بسس انا اصلي واقرأ قران وكل شيء زين اسوي ويرضي ربي بس بالحجاب مااظن وبليز تدخل موضوعي الثاني وتقرأ وتجاوبني محتاجه لكم وتراني ماني جديده بالمنتدى بس نسيت اسم العضو والرمز ومحتاجتلكم

 

[Tom ♥ Jerry]

,


حبيبتي .. الدين قال المره بس تبلغ تبدا تحاسب على الحجاب ..
يعني قبل البلوغ مآ تتحاسبين على الحجاب دآم عمرج 12 ليلحين صغيرونة
بس الحين دآم بلغتي الله قاعد يحاسبج على كل شعره تطلعينها
فـ آتقي الله في نفسج حياتي و قللي ذنوبج ..
يمكن تشوفينه شي هين لـ " هو عند الله عظيم " ..
تحجبي يا قلبي تحجبي ؛)

 

[ام الدرر]

,


حبيبتي .. الدين قال المره بس تبلغ تبدا تحاسب على الحجاب ..
يعني قبل البلوغ مآ تتحاسبين على الحجاب دآم عمرج 12 ليلحين صغيرونة
بس الحين دآم بلغتي الله قاعد يحاسبج على كل شعره تطلعينها
فـ آتقي الله في نفسج حياتي و قللي ذنوبج ..
يمكن تشوفينه شي هين لـ " هو عند الله عظيم " ..
تحجبي يا قلبي تحجبي ؛)

نفس اللي بقوله

 

[ربي محتاجتك]

يا حياتي والله الحجاب حلو وستر
ودامج بلغتي راح تحاسبين علا كل شعرة تطلع عاد انتي تخيلي جم سيئة بتيمعين باليوم
وما عليج من فلانة اذا تحجبت ولا لا اهم شي ترضين ربج توكلي علا الله وتحجبي وربي يعطيج اجر
وكا الكورس الماني ما بقا عليه شي واتمنا تداومين بحجابج لانه فرض عليج
انتي قعدي بينج وبين نفسج وقلبيها براسج واكيد راح تختارين الحجاب
ترا هم انا نفسج قررت اتحجب بسابع والحمد لله مرتاحة بحجابي
فكري عدل وشوفي

 

[طموح لايتوقف]

حبيبتي ماعليك من بنات خالتك تحجبي أنا بلغت بدري وأناا صغيره وعمري 11 وتغطيت يمكن علشاانك صغيره تستحين بس ولايهمك أحد ععليك بربك أنا مريت بنفس تجربتك بس لما فكرت ماأحد راح ينفعني لما يسألني ربي تغطيت

 

[سمو]

اللهم صل علي محمد وال محمد

حبيبتي ....الي اعرفه ..بالشرع والدين ....ان اللي تبلغ سواء بلغت بعمر ٩ سنين او ١٨ سنه (عادي اكو يبلغون كبار) ...عليها كل ما علي المسلم البالغ ... من واجبات وحقوق تجاه الدين الاسلامي .(صلاه وصوم ) .


ومن هذه الواجبات ستر الجسم عدا الكفين والوجه ..... يعني بالمختصر تتحجب :eh_s(7):

والحجاب مافيه شي بالعكس حلو ....والحين هالايام البنات المتحجبات ملابسهم انيقه وحلوه ...شرايج انا اعرف بنيه عمرها ١٠ سنين متحجبه وتلبس عبايه راس ...باختيارها بدون ضغط من احد ...

ومن اهلنا بنيه تحجبت قبل لا تبلغ ب ٣ ابتدائي بقناعتها ... وحبته ....والحين اسم الله عليها متزوجه وعندها عيال وللحين علي حجابها ولله الحمد (للي يقولون تتعقد او تهد الحجاب علي كبر)


واللي يقولج مو الحين للاسف اذنب ....ويحاسب امام الله .

وان شاءالله تقتنعين بالحجاب .....وتلبسينه :eh_s(15):

 

[دمعة جنون]

نفس خواتي الي فوق دامش بلغتي تحجبي وماعليش من احد ..

كل واحد بتحاسب بذنبه حبيبتي

 

[$ بنت علمي $]

حبيبتي دامج بلغتي لازم تحجبين ؤماعليج من أحد تحجبي حبيبتي

الحجاب ستر وحلو

أساسا الحجاب يزين البنت يخليها روعه

ماعليج من أحد

بعدين حبيبتي مايصير ماتجبين لازم تحجبين

أنا تحجبت كبررررج واحب حجاااااابي حيئييل


ؤالله يصلحج يارب ويطرح فيج الخير والبركه ~

 

[♥ SWeeRa ♥]

انتي ماتبين الحجاب علشان مايعرفون انج بلغتي


قولي كل اللي بعمري تحجبو وانا بتحجب

 

[pinkoosha]

حبيبتي اللي يريحج اذا تبين تتحجبني ولا لأ هذي حرية شخصيه, اذا مو مرتاحه لا تتحجبين الحين نطري لمه تقتنعين فيه 100% """لكن""" الباغه يحاسبها رب العالين على كل شعره ,,وانتي الحين صار عندج علم بهالموضوع,,, ف ا

 

[~ miss NERD ~]

انا تحجبت بعمرج و كنت بالغه
و جدا عادي شكو كلام الناس بالسالفه؟ انتي مو ياهل 12 سنه

 

[إماراتية ملقوفة]

عشان تفكين عمرج من الحيرة

تحجبي حبيبتي انتي بالاخير ترضين ربج مب البنات

 

[دمعة وفاء]

حبيبتي الحجاب يصير واجب على المرأة اذا بلغت سواء كان عمرها 10 او 18 سنة مايفرق عند رب العالمين ,, ومالج شغل بأي أحد ولا باللي يعايرونج ,, وصدقيني حلاة البنيه بحجابها وسترها ,, وانتي تقولين انج الحمدلله تصلين وتصومين والله يثبتج ان شاء الله ,, وهذا الشي اكيد يرضي ربنا بس عشان تكمل رضاته تكملين دينج وتكمل رضاته سبحانه ..

على فكرة انا تحجبت من روحي وانا عمري 10 سنين وماكنت بالغة ولا احد قالي ولا كلمة ولا سيرة , ولا بيوم من حياتي ندمت على هالقرار واصلا ماتصور حياتي بدون حجاب ..

الله يوفقج ويهديج ياارب ) ​

 

[أحلى البشر]

تحجبي انا تحجبت كبرج احلى شي الحجاب وعمري ماتحسفت يكفي ربج راضي عنج

 

[ابـيـض واسـود]

مااعليج من احد لان الحجااب وااااجب

 

[Jumanah sad]

يعايرونج بالحجاب لانهم ما عرفو قيمة هالشي وما يدرون عقاب هالشي عند رب العالمين
اهما ما دروا ان ومثل ما قال رسولنا الحبيب عليه افضل الصلاة والسلام

" كلكم راعٍ وكلكم مسؤول ع رعيته "


انتي بلغتي وبما انج تعرفين هالشي يعني تفرقين بين الحلال والحرام

وتعرفين شنو مطلوب منج


ما شاء الله عنج


قليل البنات اللي يفكرون مثلج


تحجبي حبيبتي


عمر الحجاب ما كان حاجز بين الستايل او الجمال

جمالج بحجابج حبيبتي مو بشعرج اللي جنه فرجة بيصير للي رايح والجاي




ما عليج من حجي الناس ولج بنفسج

 

[عاشقة الاسلام]

حبيبتي تحجبي لا تقولين صغيرانتي بالغتي ولحجاب ستر لح حبيبتي ورضي لربج حبيبتي

 

[MISs.Keke]

مسويه مشكله عشان حجاب
تحجبي الحجاب واجب وستر للبنت ..
ولاتفكرين واجد بهالموضوع بلوغ مادري شنو..
الحجاب واجب حبيبتي لبسيه والله انج بترتاحين يكفي انج طعتي امر ربج ..



بالتوفيق ..



,
,

 

[آتعــبني غـلآآك]

تحجبي وماعليج من احد مادامج بالغه يعني محاسبه
واهم شئ رضا ربج

 

[DALALEY]

اللي يريحج سويه حبوبه : )