احترت و محد رآضي يفيدني من هلي ... يآ بنآت الـشريــعه فيدوني

[m-3atboha]

السلام عليـــكم


بنآت آنآ تخرجت من الثنوية .. و سجلت في البدآية كلية التربية لأن آمي تبيني آصيــر مدرسة و تم قبولي فوري .. بســ آنآ مآ آرتحت و قعدت آبجي و قلبي مقموت .. و قمت و آلغيت الطلب و حكيت شريعه و تم قبولي فوري في كلــية الشريعه .. بنات آنآ الحــين مرتآحه بس الكل يقولي غيري و دشي تربية و تعطلين و مرتآحه و معآش ..(آمي و يدتي و عمتي )آمآ آختي آهيا طالبة بالشــريعه و تقعد تخرعني .. رآح تحفظين البقرة و آل عمرآآن .. و آنآ عآدي عندي بصرآحه يبختي عالأقل لا قابلت ربي يكون في قلبي آيمآن و ذكــر و بصرآحه اختي حيــل تحبطني


يآ بنآت الشريــعه انقذوني الشريعه فآدتكم و لا لأ ..
مرتآحيــن فيهآ و لا لأ
لو حصلــكم تحولون بتحولون
و آذآ تخرجت من الشريــعه و قدمت على وزآرة التربية يقبلوني بســرعه و لآ لأ

 

[Miss McDonald]

• وعليكم السلآلآم والرحمه ,
• مآ عندي فكرة
• هني في تجمع لبنآت الشريعة سأليهم وان شاء الله مآ يقصرون ويآج ,
• موفقه :*

 

[m-3atboha]

مشـــكوره

 

[أحلى البشر]

نصيحه سوي اللي تبينه وتحبينه لاتدشين مجال ماتبينه بعدين تتحسفين
انا نفسج حابه الشريعه واهلي نصحوني برياض الاطفال على اساس العطله وقصر الدوام بس انا عارفه نفسي مالي مقاقه لازعاج اليهال وحابه الشريعه وتقدين تصيرين مدرسة تربيه اسلاميه بالتربيه وتقدرين تصيرين مدرسه بالاوقاف دور القرآن والسراج المنير ومعاشهم نفس مدرسات التربيه
اهم شي انج استخرتي والله يكتبلج المكان اللي فيه خيير لج

 

[مس روبنز]

يا حبيبتي إنتي
أول شي بالمبارك التخرج والقبول ثانيا بكليتنا

وكلامج وتفكيرج جدا سليم ولا تغيرين شي واللي يخوفج قوليله آنا مرتاحه وعاجبني وضعي وأهم شي تكونين مستخيره قبل كل شي ولا تسمعين كلام أحد إذا حابتها كملي فيها أصلا ما تفرق عن التربيه وكلنا كلنا نفسج آنا كانوا يقولون لي إنتي علمي شلون تدخلين شريعه وأصلا صعبه ومعقده وماراح تقدرين تمشين فيها بس آنا كنت مصره على رايي لأني حابتها وكانت هدف من أهدافي والحمد لله وصلت لها وآنا ألحين سنة رابعه وما ودي أتخرج تصدقين لأني حبيت الشريعه من قلب

نصيحه لا تسمعين لكلام المحبطين

الشريعه فادتنا وغيرت أشياء كثيره فحياتنا للأفضل
ومرتاحين فيها ما تحسين إلا إنتي قاعده فبيتج
ودكاترتنا من أفضل ما يكون وتخصصاتنا حلوه

والكل يتمنى يحول لها واللي موجود فيها متمسك فيها والقله اللي يطلعون منها لأن مالهم رغبه فيها أو انجبروا عليها لأي سبب

وبالنسبه للوظيفه تقدرين تصيرين مدرسه ويقبلونج بالتربيه إذا حابه بس الأولويه لخريجات التربيه على حسب علمي وفي غيرها وظايف حلوه ومجالاتها وسيعه

وكفايه إنج تدرسين علم شرعي قال الله وقال الرسول صلى الله عيه وسلم فما بالج بالأجر العظيم اللي تحصلينه وبيفيدج بدنيتج وآخرتج
نصيحه اثبتي على اللي إنتي فيه ولا يصدج الشيطان عنها​

 

[m-3atboha]

^^^

وآي فديـــتج

 

[ياقلب وشفيك !]

لاتحاتين الشريعه حلوه وتحسين براحه نفسيه من تدشين المبنى ^^
سوي اللي تبينـه وماعليج من احد هذا مستقبلج ..

موفقه ياقلبي

 

[ورور92]

حبيبتي .. التدريس و التربية شهادة خاصة ( يعني مالج الا مدرسة ) واذا بتطلعين منها ما راح تنفعج شهادتج التربوية
ويصير معاشج 500 دينار << فرق النص

لا تغرج العطلة .. ترى بالمقابل لو يصير لج ظرف او شي انسي الاجازة ..
تردين بيتج الظهر والساعة 2 شوفي المناوبات ومسؤوولية البنات وايام الامتحانات تقعدين لي بليل

و فوقج رئيسة قسم و وكيلة و ناظرة و موجه و موجه اول .. و برقبتج طالبات و شوفي مزاجهم و تفكيرهم و سلوكهم
وشلون تتعاملين وياهم .. و روكضي وراهم بالتسميع و الواجبات و التسليم .. وشوفي اوليائ امورهم .. كل واحد و تربيته
ليش حطيتي لفلانة جذي وليش لعلانة جذي !
وفوق هذا لو تعطينيها علامة كاملة بالشفوي و مزفته بالامتحان ... يحولونج تحقيق و يقولون لج هذا شي غير منطقي !!!! @@


انا موضد التدريس بتاتا .. ولها مميزاتها .. بس العيوب اكبر
انا بالتربية و داشتها عن رغبتي و كل اهلي ضدي بالرغم انا خالاتي وامي ومدرسات و كل وحدة تخصص و خالي دكتور وبروفيسور بكلية التربية .. مع هذا ضدي بسالفة التدريس


مو بس عشان العيوب اللي ذكرتها ...... لا ... لان التربية شهادة خاااااااااااااااااااااااااااااصة

انا اختي شريعة
وكانت اداب تخصص انجليزي و حولت شريعة

الكل قالها من صجج شريعة .. حفظ قراان و ناس معقدين ودراسة تجويد و مالها مستقبل ( احنا شوي فري عشان جذي كانو ضدها بالبداية )
<< طبعا هالحجي قبل عشر سنين

بس اهيا حييييل مرتاحة و مستانسة من تخصصها
و كل مكان بالكويت يبيها

تقدر تصير باحثة قانونة حالج حال الحقوقيين << دورة تاخذينها شهرين بس او اقل
تقدر تصير مدرسة حالج حال خريجين التربية << واعتقد في قرار لازم تاخذين دورة تربوية في التدريس
تقدر تشتغل ببنك التمويل او بيت الزكاة << حالج حال خريجين الـعلوم الادارية
ادارة الفتوى والتشريع << اقوى من هالمكان ما اتوقع فيه

وكل الوزارت تبييج ... و فوق هذا لاتنسين وزارة الاوقاف و الشئون الاسلامية
مثل ما قالو خواتي فيها سراج المنير + مراكز تحفيظ قران + القاري الصغير ..

< واختي موظفة بالسراج الحمدلله مرتاحة

بدال ما تبتلشين و تشيلين هم التحضير و يصيرون برقبتج البنات و محد يضغط عليج متى تخلصين المنهج
ولو غبتي او مرضتي لا قدر الله تطلع الـ اجازة من خشمج :/


انا تربية و باذن الله بحول هندسة ( باقتناعي التام ) ..

وعسى الله يوفقج .. سامحيني عالاطالة .. ولو تبين اي سؤال انا حاضرة ^_^

 

[مس روبنز]

حبيبتي شنو قررتي

هذا موقع كليتنا إذا حابه تتطلعين عليه ومكتوب لج التخصصات والوظايف والدكاتره وأي استفسار ثاني موجوده بتجمع بنات الشريعه تقدرين تسئلينا هناك

وتفضلي هذا الرابط:
http://sharia.kuniv.edu.kw/

 

[ذكرياتي غير]

أهليييين وسهلييين ما عاتبوهـآ ما ادري ذاكرتني ولالا المهم إني ذاكرتج ^ـ^ أنا كنت معاج بالتجمع

لحسـن الحظ إني سجلت شريعه وبكون معآج بإذن الله

شوفي حبوبه حالتي نفس حالتج بالضبط انا كنت حييل محتاره بين الحقوق والشريعه وكنت مصره والكل يدري اني بدخل

حقوق بس استخرت ارتحت للشريعه معنه لما سجلت انهرت وقعدت ابجي والكل كانوا يقولون لي خلاص غيري بس انا ارتحتلها

ويمكن سر هالبجي الحيره اللي كنت فيييها الكل يقولون لي كيفج ومستقبلج ...

وانتي دام ارتحتيلها خلآص ولا تنسييين حديث الرسول صلى الله عليه وسلم : ( من يرد الله به خير يفقهه بالدين ) ..

وغيييره ان كل الوزارات تقدرين تتوظفين فيها مو مثل التربيه مجالها محدود فقط التدريس توكلي على ربج وصدقيني

ربي بيوفقج وين ما دخلتي ..


وإن شاء الله نكـون صديقات بالشريعه ^ـ^​

 

[قَلبيْ صُويبكْ !]

,



نفس حآلي يوم سجلت ^_^
وإلحين أنآ رآيحه سنه ثآنيه أن شآء لله وحييييييييل حآبه آلكلية

نصيحه مثل مآقآلوآ آلبنآت
أستخيري وهذآ مستقبلج أنتي فـ حددي إلمجآل إللي حآبته وربي ييسرهآ عليج ويوفقج ~

 

[فـــخـــر]

وانا بعد شريعه

كنت محتاره حقوق ولا تربيه لقيت الشريعه تجمعهم + فايدتها دين ودنيا

والله يوفقج ان شالله

 

[al-shyo0o5]

هــآأ م قلتيلنـآأ , شقـــررتي إنشالله...؟؟

 

[أحلى البشر]

اي والله شقررتي؟!