احترت واحتار دليلي في بيبنانغ

[Dancing^Queen]

مرحبا يابنات

شلونكم؟؟


صج محتاجه مساعده دخت بالفنادق مالت بيبنانغ

مع نصايحكم خلاص قررت اني احجز بفندق شنقرلا قولدن ساندس بيبينانغ Golden Sands Resort, Penang, Malaysia

بس وانا احجز الغرف مافيها اوبشن يعني انا بروح مع زوجي وعيالي اثنين عمرهم 5 ونص

الغرفه اكبر وحده معروضه عندهم اهي Executive Seaview الفاملي روم راح تكون هيل فيو مابي حرام

خايفه ماتكفينا
بنات احد راح وسكن بهالغرفه وشاف مساحتها؟ تكفي يهال والا لأ؟


انزين اذا مو هالفندق وين اسكن؟؟؟؟:tek:
لاتقوليلي هوليداي ولا فندق باي فيووو


انا وياي يهال وزوجي ابي فندق علي البيتش علي طول وفيه شي لليهال

 

[د.شريفة]

كوينه ليش ماتسألين سفريات يمكن ايفيدونج اكثر؟؟؟ يعني يعرفون مساحات الغرف وماشابه ذلك

 

[ام عفاف الكويت]

ماتبين اروح معاكم
<< حاشره نفسها ههههههههههههه
ان شاء الله البنات يفيدونج

 

[أساور]

ترى اغلب الفنادق على البحر والريوق بالهواء الطلق
انا رحت من 5سنين ماذكر فندقنا والا جان فدتج بس اللي اذكره كان شعارة الوردة اللي ينقالها طير الجنة
بس كان 4 نجوم

 

[Dancing^Queen]

دكتوره شريقه والله بعد قلبي انتي تبردين الجبد قود دكتور فري قود وستار بعد
بدق علي سفريات قود فكره

ومساحه الغرفه طلعتها من السايت

30sqm/323sqft



مادري والله االامور مش واضحه

 

[Dancing^Queen]

ام فوفه
يامرحيا يامرحبا نورك غطا علي الكهربا حللتي اهلا ونزلتي سهلا
افا عليج بالجنطه بس الجبس بره

 

[Dancing^Queen]

أساور
مو وقته تنسين حبيبتي الله يهديج تذكري سالي اهلج المووضوووووووووووووع مهم مهم

 

[كلي تفاؤل]

انا سكنت فيه حلو ومرتب ..بس سكنت بغرفة عادية ويمها غرفة العيال الى بينهم باب ..

لالالايطوفج عشاهم بالهواء الطلق صراحة احلى مطعم ذقته ..روعه الكباب عندهم شغل عدل كان بوفيه مفتوووح ولاتنسين القعده تحت النخيييل على الشاطئ بالليل ...حييل روومنسية ..واحذفي عيالج بالبحر لووول

 

[Dancing^Queen]

جهراويه شلون ضمنتو كونكتد روم؟؟
بعدين حرام عيالي صغار وبنتي العوده مو فضوليه الا اكثر تذكرون رسوم اسئلو لبيبه قبل؟ بنتي جذي
كل شي نسئل عنه وماعندها ماننع تطب بالبحر تشوف فيه لتل ميرميد والا لأ؟ واي احد يقولها تعالي ماعندها مانع تسكن عنده سنتين
ما اثق اخليها بغرفه بروخها لو شنو ابيها عندي ويالله

 

[أساور]

دانسنغ عصرت مخي اسمه فيه برادايس عطيني سايت الفنادق يمكن اعرفه لي شفت الفنادق في بيننغ

 

[أم حسون]

انشالله البنات يفيدونج كوين انا كنت بفندق هايدرو ماجستك حده عجيب ويهبل عالبحر وحمام سباحه داخل وبوفيهم روعه

 

[كلي تفاؤل]

جهراويه شلون ضمنتو كونكتد روم؟؟
بعدين حرام عيالي صغار وبنتي العوده مو فضوليه الا اكثر تذكرون رسوم اسئلو لبيبه قبل؟ بنتي جذي
كل شي نسئل عنه وماعندها ماننع تطب بالبحر تشوف فيه لتل ميرميد والا لأ؟ واي احد يقولها تعالي ماعندها مانع تسكن عنده سنتين
ما اثق اخليها بغرفه بروخها لو شنو ابيها عندي ويالله

هلا حبيبتي ...احنا حاجزين امبجررررر عشان جذي حصلنا ...

لووول الله يحفظ بنتج واحرصي عليها ...صراحة انا بننغ ما اعجبتني كثر لنقاوي ..بس بننق تتميز باسواقها الروعه طبعا جواتي عزج الله وجناط ..وبالليل بس تطلعين من بوابة الفندق الرئيسية على يمينج السوق الليلي شرينا منهم ساعات ..بس ردينا الكويت اختربوا لوول بس لقيت عندهم شغلات غريبة مثل وحده متفنتقة بالليتات الصغار ..مسويه على ابجورات ..وحاقات تتعلق ع السرير ...وهم لقيت بنات يشترون ملافع فندي وربعها يوووم هبوووو بالماركات بس خلصوووهم طبعا ...

ودييييييييييييري بالج وحطيها حلاء في ودنج ديري بالج تكاسرين ولما يوصل لسعر معقول تمشين وتخلينهم ترى يكوفنونج لووول قطع هالصينيين ..واي سواعال انا حاضرة ..

امبيه قرقت وايد

 

[الكبر لله]

شكرًا

 

[لوكريسيا]

كوين .. حجزنا في فندق اسمه ان ما خاب ظني بارادايس


اهلي كانوا ساكنين فيه قبل سنتين و يمدحونه

و يقولون الغرفة الوحدة العادية كبيرة و معاها صالة يعني فيري قود <------- على قولتج ههههه

 

[د-سوسه]

كوينه بليز بسالج سؤال..
ليش ماتبين الباي فيو بيج ؟؟؟ سمعتي شي او انه موزين؟؟ لان انا حجزت فيه!!!

 

[dalprincess]

انا كنت قاعده بفندق باي فيو بيج واشوه امج ماحجزتي فيه ... وليش ماتحجزين من مكتب سفريات ترى اسعارهم نفس الموقع تقريبا واحسن اهم حجزهم مضبووط 100% والموقع مايحطلج كل انواع الغرف الموجوده بالفندق ....

 

[سلمى الخير]

بس بي فيو ع البيتش !!

بس اهو اخررررررررررر شارع العرب

ورخيص وشرح وفيه مسابح ونشاطات اكثر من الفنادق الثانيه

 

[الكادي 1981]

انا كنت قاعده بفندق باي فيو بيج واشوه امج ماحجزتي فيه ... وليش ماتحجزين من مكتب سفريات ترى اسعارهم نفس الموقع تقريبا واحسن اهم حجزهم مضبووط 100% والموقع مايحطلج كل انواع الغرف الموجوده بالفندق ....

ليش أش فية آنــا حاجزه فيه ؟؟؟؟؟؟؟ شنو عيبه ؟؟؟؟؟؟ :0bee2e8d89:

 

[Dancing^Queen]

باي فيو بيتش 3 ستار
اثاثه قديم
بس نظيف وزين وغرفهم كبار اذا ماعندي خيار الا اهو باخذه

وبارك رويال حلو و غرفه حلوه و 5 ستار
وحيث اني مع عيالي وبستخف بييين وبعصب حدي
علي الاقل ابي غرفه حلوه تريحني

لوكريسيا

عاد توني مكتشفه هالفندق وقاعده اقرا عنه واشوف جان فيه كدز كلوب والا لا واشوف الغرف عندهم



dalprincess
النت يفرق وايد مو شويه
يعني انا خذيت الاستيديو العائلي بسعر غرفه ببعض الفنادق
ومرات يفرق 20 دينار بالليله
والكومفرميشن يتطرشلج اييميل ودقي عليهم وجيكي صح والا لأ

 

[toot^o^mishmish]

لاتحاتين بنتج بالكونكت روم ولا شي ....
انا اسكر الباب الي اطل عالممر من غرفتها واحط الجناط كلهم عند هالباب ...
واخلي طلعتنا ودخلتنا من باب غرفتي .....
وخلي الباب الي بينكم على طول مفتووووووووووووووووووووووح
وبس ترى ما فيها شي اخرع
وموفقة يااااااااااارب