احترت بفنادق بيننغ

[Dancing^Queen]

مرحبا ياجماعه
لاتعصبون:tek:
ادري حنيت وايد بس والله استفدت من نصايحكم
oster_av1:
خواتي الكريمات


الحين كنسلت جينينتغ بدال لا ابيت فيها يومين بدلتها بمكان اخر ،بس الحين بقت عندي بيبنانغ
وين اقعد فيها؟
افتريت واحترت
شرايكم؟؟؟؟
الخيار الاول : بارك رويال
الخيار الثاني : شنغرلا قولدن ساندس
الخيار الثالث : باي فيو هوتيل

ايهني يكون علي البحر سيدا مباشر
ومناسب لليهال ولي
يعني يفضل يكون فيه اكتفتيز حق اليهال او بلاي غراوند
وبنفس الوقت مريح وحلو

همتكم ورايكم يا الربع يزاكم الله خير <<<اشتغلت طراره:eh_s(1):

 

[نفيشه]

الحين اسال جوزو شنو اسم فندقنا وارد لج خبر

 

[نفيشه]

هوليدي ان اللي على البيتش

 

[د.شريفة]

شانغريلا من غير منااااااااااااااااااااااااااااااااااااااااااااااااااااااااااااااااااااااااااااااااااااااااااااافس روعه روعه روعه شويه عليه وناسه والله وناسه ذكرتيني ايااااااااااااام وقتها ركبت الباراشوووات والجتسكي والطراريد حلو والله جوه رومانسي وايد وبالضبط يمه ويعتبر اهو والهوليدي ان ييرااان (جيران)
بس شانغريلا وناسه جوه غير عن الفنادق الباجي

 

[أساور]

شانغريلا

 

[نفيشه]

صح كوكو شانغريلا احلى كان يم الهوليدي ان يشوووووق بس ماجربته الصراحة

 

[dalprincess]

انا رحت باي فيو بيتش .. الصراحه الغرفه مو حلوه كلش يعني 3 نجوم ... بس عالبحر وعندهم سوالف براشوت وجتسكيات وجذي

 

[Dancing^Queen]

اشكر لكم تازركم كلكم يا الربع
وشكر خاص وحار لكل وحده فيكم

واخص نفشفش
ودكتوره شروفه حبيبتي
ماقصرتو

بس بنات شنغرلا فيه مكان لليهال؟ مثل البلاي غراوند
ولاروسا ولا قولدن ساندس؟

 

[Samurai]

شنغرلا قولدن ساندس .. أفضل فندق .. وفيه أماكن لليهال حمام سباحه ونادي .. وعنده ركوب الخيل والبراشوت .. بصراحه مناسب جدا للكل .. بس اذا خذيتي غرفه مطله على البحر ..لا تتأملين انج تشوفين البحر.. لان شجرهم يغطي المنظر .. يمكن بس اطلين على الحمام السباحه ..

 

[أم خالد]

شنغريلا ميزته انه بالوسط قريب على المجمع قيرني بلازا والجمعيات وحلو بس تطلعين منه بالليل تلقين سق الليل المفتوح على طول الشارع المجار للفندق فما يضيق خلقكم بالليل أنا سكنت mutiaraبسويت وكان غالي حلو وكشخة بس كلة سعوديين وعبي ونقابات كأنك داشة سوق الفروانية ومكانه بعيد ما في يمة شي باليل كنت استاحش غير بعد أجرة التكسي علشان يوصلج لسوق الليل تكون مكلفة مع ان كنا بنحجز بشنغاريلا بس زوجي قال لأ الموتيارا أحلى وأكشخ بس تحسفنا وقباله فندق الهوليدي ان بس ما يكون على البحر بس هم حلو وقريب على الأماكن

 

[keeka]

كوكو انتي لي الحين محتاره ): شوفي مثل ما قلت لج اهما يم بعض واللي شفته غولدن ساند لان ودينا اليهال الكلوب حسيته عائلي بس عاد الغرف للامانه ما شفتها

 

[ام بنتها]

احنا رحنا الهولي دي ان الي على البحر ما علامه شي في اثنين احنا الي رحناه كاان عالبحر الثاني يصير بظهره ما يطل عالبحر و فيه البرشوتات و الجتاات وناااسه
بس بوفيه لوووعه
اي وذكرت بالليل الشارع الي فيه الفندق يصير كلا محلااات الاكشااك الجناط التقليد و تحف و ملابس حده الشارع هنااك يونس تروحييله مشي

انشالله تروحون و تردون بالسلامه
بس انتي ليش ما تنوعون قعدوا اسبوع 10 ايام كولالمبور 3 ايام بيننغ و يوم جنتنق و بعدين رجعنا الاسبوع الاخير كولالمبور
اذكر احنا سويناا جذي وكااان حده ونااسه
ذكرتيني بأياام غزي قبل لا اتزووج