احتاج دعواتكم

[JuJu]

السلام عليكم بنات ..
بصراحة بنات انا وايد متضايقة و ابي دعواتكم ...
المشكلة انه زوجي حيواناتة المنوية مو وايد و السرعة ضعيفة و انا تعبت و سوييت كل شي من ناحيتي , ثلاث مرات سويت تلقيح صناعي و لله الحمد مرتيين نجح بس ما الله كتب يتم الحمل و اخر مرة ما نجح ..
المشكلة الحين الدكتورة اتقول لازم يتعالج زوجج لان المنشطات مع الوقت راح اتأثر عليج و انا ودي اشوف عيالي شسوي بنات حقي و حق ريلي عشان الله يرزقنه بالذرية انشالله و يفرح قلبنا ...



(ربي لا تذرني فردا و انت خير الوارثيين يا رحيم يا رحيم يا رحيم )

 

[محاميه الغد]

juju
الله يرزقج بالذريه الصالحه قريبا انشالله و تفرحين انتي و ريلج بشوفه عيالكم
و الحمدلله ان التلقيح الصناعي نجح معاج مرتين حتى لو الله ما اراد للحمل ان يكتمل
بس مجرد الحمل من قبل يعطي امل كبير
ليش ما تسمعين للدكتوره و تخلين زوجج يعالج و اكيد مع العلاج بيكون في تحسن كبير للعدد و الحركه
و الحمدلله كل محاولات المساعده على الانجاب( التلقيح الصناعي - الحقن المجهري - طفل الانابيب) تساعد على الحمل حتى لو كان العدد قليل جدا
و لا تنسين الدعااااااء و الاستغفار
و الله يوفقج يارب و تحملين بدون علاج انشالله

 

[بمبرة]

:tek:حياتي جوجو
عسى الله يرزقج الذرية الصالحة عاجلا غير آجلا يارب العالمين
وخلي زوجج ياكل عسل مع حبوب اللقاح وفي حبوب الصيدليات تنفع حق ريلج اتوقع انها تحتوي على فيتامين هـ (E)

 

[Swan]

الله يرزقج بالذرية الصالحه ويرزقنا
وخل يجرب العسل مثل ما قالت الاخت بمبره
ترى وايد زين

 

[$غــ(ز)ــل$]

الله يشفي زوجج ان شااءالله ويرزقج الذريه الصالحه عاجلا غير آجل

حبيبتي لاتخلين اليأس يدخل قلبج بالعكس كوني متفائله وصدقيني ربي ماراح ينساج
خليج قريبه من ربج ادعي واستغفري وصلي بنية الانجاب وتصدقي
وفي خلطات كثيره بالمنتديات دوري اللي يصلح حق زجج واستخدميه بس لاتهملين الطبيب راجعي ولاتضيعين وقت
وراح تضربين عصفوين بحجر واحد على قولتهم ولازم تسعين الله سبحانه يبيج تسعين.. اسعى ياعبدي وانا اسعى معاك

انا حالة زوجي صعبه تحليله صفر والحمدلله مايأست قاعده احاول وواثقه ان ربي بيرزقني عاجلا غير آجل
والله يسهل امورج ان شاءالله ويرزقج

 

[ام الزين كله]

حبيبتي الله يرزقج و يفرح قلبج بالضنا الصالح عن قريب ان شاء الله
بالاول لازم تكلمين زوجج عدل و تفهمينه انه انتي معاه بالعلاج مو بروحه عشان ما يكش و بعدين لازم يغير لبسة اذا كان يلبس داخلية ضيقة يلبس وسيع مثل المكسر ولا يلبس الجييييينز لان البلا منه و اذا كان يروح النادي لازم مايلبس نايلون خل يلبس قطن عشان هالمنطقة تحتاج تهوية و تبريد لانه اذا تم يلبس الجينز والنايلون و الضيق راح يقمت المنطقة ويرفع حرارتها و يسبب موت الحيوانات وضعفهم.
ثانيا لازم يغير اكله و يبدي ياكل صح ، و يقطع الفاست فوود و و بيبسي و الخرابيط و ينزل من وزنه اذا كان سمين، و ياكل العسل و الربيان و الجرجييييير ( بعديييييي عن الزنجبيل و الدارسين لانهم حارين يرفعون حرارة الجسم وتعرقين ) الموز فجل سمك ... و كل ما يقوي الريال و سالي امج تعلمج عن الاكل المفيد ،،، و اقراحي اهو انه يروح لارض الطبيعة و يقولهم ان بيغير نظام اكلة و يبي شي يقوي الريال و اهم ما يقصرون يساعدون ويعطون الي يفيد و يعلمزنج شنو تاكلين و كل شي ....

 

[bedour18]

الله يرزقج الولد الصالح انشالله

اتبعي كلام الدكتورة بالحرف

و انصحج بالصبر و الصلاة و الدعاء و الله ينولج اللي ببالج انشالله و تبشرينا

 

[هندااا]

الله يرزقج الولد الصالح انشالله

 

[أمونة الحلوة]

ربي يرزقج ان شاء الله بالذرية الصالحه

عليج بالاستغفار وقراة سورة البقرة وسورة مريم كل يوم

 

[كويتيه مذهله 87]

الله يرزقج انشالله
والارزاق بيد الله
والله يشافي زوووجج يارب

ليش ما تتجهين حق اطفال الانابيب؟؟!

 

[زنوبة الحلوة]

الله كريم انشالله يرزقج رب العباد


وخلاص خلي ريلج يبلش علاجة وانشالله في فايدة

والله كريم