احبه ولاكن ....

[ليل السفر]

سلااااااام بنات
ببدا بمصيبتي على طول
اول شي بوضح لكم كل شي
الله يسلمكم انا من 3 سنين كنت احب واحد حيل واهو بعد
وفاتح اهله بموضوع انه يخطبني ورفضو وحاول فيهم الين اقتنعو ومن شهرين ملجنا
طبعا السالفه طويله حيل بس هذي باختصار
المهم بتقولون وين المشكله
المشكله ان قبل شهرين ملجنا يعني ويجي بيتنا واروح بيتهم ونطلع مع بض
بس بنات مااحس اني احبه مثل قبل ابدا ابدا
مااحس باي مشاعر اتجاهه الحين بنااااااات انا حيل اتعذب وماادري شالحل ولابينت له اني
مومشتهيته بنات اتمنى انكم فهمتوني بيلز ساعدوني شسوي عشان ارجع مثل قبل
احس اني تغير ميه وثمانين درجه ماافرح لما اشوفه ولما يتصل علي اقفل جوالي واقول له بعدين ان البطاريه خلصت
ساااااااااااااااااااااااااااعدني بنوتات بليز

 

[ms.nona]

يممكن لانج حصلتيه و صار من نصيبج , حسيتي انج ما تحبينه مثل قبل ؟

 

[المرتاحة]

يمكن لانكم 24 ساعه مع بعض علشان جذي مليتي منه

حاولي انج مو كل يوم تكلمينه و مو كل يوم اطلعين معاه علشان تشتاقين له

 

[حبي حيآاآتي ّ]

هذا احساس طبيعي لاتجلسين توسوسين كل بنت تحس هالشئ في البدايه بس انتي حاولي تبعدين عنه شوي يعني لاتطلعون مع بعض لاتشوفون بعض وان شاء الله الامور تنحل

 

[є 3 τ и α q]

تعوذي من ابليس ^^
والله ييسر لك يارب ..
كلها وساوس شيطان
الله يوفقك ..

 

[غلآ نوآف]

اذا هو خوش ريال وطيب وحبوب ويحبك وانتي تدرين انك تحبينه ومقتنعة فيه وتبين يكون نصيبك
لاتسمعي لهذي الوساويس وتعوذي من الشيطان واذكري الله
وحاولي لاتقسين عليه حرام مسكين ش ذنبه يعني
يمكن لانكم مليتوا من بعض او شي ..
من رايي حتى تختبري احساسك والي بقلبك
ابعدوا عن بعض فترة حتى تشتاقوا لبعض
وان حنيتي له معناته مافيكم الا العافية
اهم شي انتي لاتكبرين الموضوع ولاتخلينه يحس

 

[رقي]

عادي اظطرابات نفسيه
لايقص عليج الشيطان
استانسي بملجتج وبحياتج

 

[اللغز الغريب]

شي طبيعي اتحسين فيه

مثل ما قالوا لا تحتكين فيه وايد

+ لا تقعدين معاه لو مالج خلق

 

[أمي قرة عيني]

اولا مبروووووووووووووووووووووووك والله يتمم الزواج على خير

تراه شعور طبيعي شي واايد أبيه لا صاار عندي يصير شي عادي !

تذكري لحظاتكم الحلوووة هبلكم سوالفكم اي شي من هذا بتلاقين نفسج ولهتي عليه

الله يستر عليكم ويهدي سركم ولا تصيرين مثل اللي لافقدوا الشي حبوووه انتبهي

 

[FeShinGoOo]

مادري والله

 

[حبي لله اشد]

حبيتيه لما اهله رفضوا وقعد يكلم اهله
لييين رضوا بعدين حسيتي شي عادي

 

[what's up]

تعوذي من الشيطان و حببي نفسج فيه

 

[dam3at fara7]

شوفي حبيبتي انتي مو ما تحبينه بس سبحان الله كل رفيجاتي والله بس يملجون تصير فيهم حالتج كلهممم ويحسون بضيقه واللي كلا بتتهاوش معاه عشان يهدهاا وسوالف واييد بس عقب العرس يصيرون يضحكون على نفسهم وانتي نفس الشي انشالله بس احساس ان خلاص هذا اهو الانسان اللي بتعيشين معاه انا اقول العني الشيطان واستغفري وكل يوم اقري سورة الفتح وتذكري ان هذا اهو الانسان اللي كنتي تتمنينه طول عمرج وحمدي ربج واشكريه لان لو ما كنتي ماخذته جان قعدتي بعذاب وحسره وقولي انشالله ايامكم اليايه تكون احلى من قبل والله يخليكم حق بعض

 

[Ameera*]

سبحان الله لانكم بديتو بالحرام الله مابارك لكم

الله يعينج حبيبتي

 

[dam3at fara7]

اميره ليش تقولين جذي؟؟ اهما ماكانو يسون شي غلط؟ واهو نيته صافيه معاها كا يا وخطبها صلي عالنبي

 

[بنت النوخذا]

تزوجي وكل
الاوهام تروح ان شاء الله


فكري بالحياة و الاستقرار و الاطفال
و العرسسسسسس

يا الله فرحي بروحج و خلي هالوساوس

​

 

[ليل السفر]

مشكوووووورين بنات والله انكم اعطيتوني الامل وكلامكم مثل العسسسسل على قلبي
اميررا حبيبتي اخصك انتي بالشكر

 

[مولاي الفرج]

حرام .. موكافي واجه اهلج عشانه هذا يزاه

تذكري الايام الحلوة عشان يرد الحب

 

[BLack doll]

تعوذي من الشيطان

وداومي على أذكار الصباح والمساء

والله يوفقج ويبعد عنج الوسواس

 

[امووله المزيونه]

لا يهمك احد اذكري الله وحصني نفسك وتوكلي عليه وشوي شوي بتحبينه وتذكري انه يحبك واقنع اهله وصار كل شي والحمدلله
يعني شاريك ويحبك لاتبيعينه ابدا

والاخت اميرا اقولك يعني اللي يتزوجون تقليدي ونسب الطلاق وش كثر هذولا بعد الله ماباركلهم !!!!!!

شدخل ذي بذي الله يخلف عليج بس