احبه لكن .... مريض

[احلى ريمة]

السلام عليكم ورحمة الله وبركاته
حبيت اخذ رايكم بشي محتاره فيييه حييل
قصتي اني حبيت وتعلقت بشخص لكن في بداية التعارف ما قال انه مريض وعقب ماقال ما اثر فيني بالعكس حسيت اني تعلقت فيه اكثر يمارس حياته بشكل طبيعي المرض ( الكلى )
ابي اعرف اذا انا غلطت وكملت ؟
هل ممكن انه هالانسان يتزوج ؟:eh_s(16):

 

[مسك الجود]

شنو نوعية المرض اذا التهاب بالكلي مافيها اي شي عادي او التهاب بالمسالك البوليه عادي بالعلاج تروح ماتأثر بس اذا كان فشل كلوي ويحتاج غسيل كل شوي بهذي صعبه / يمكن والله اعلم مايجيب اعيال يعني حالتا تعباته الله يشافيه ويشافيني ويشافي مرضي المسلمين اجمعين / استخيري ربج وماخاب من استخار وربي يوفقج&&

 

[شطانه طفله]

حبيبتي لا تعايرين الانسان بمرضه لا تبعدين منه عشان هالشي لان هذا صار من ربه وقضاء وقدر وربي يوفقج يارب حياتي

 

[دمرت كياني]

يا رب يشفي لج
والله يوفقج
أحسن شي تأكدي أو سألي عنه من طبيب

 

[(*ام عهــــد *)]

الله يشفيه يارب
وأتوقع المرض هذا مايخوف ولايعدي عادي ​

 

[v a n i ll a]

صلي ركعين واستخيري
واطلبي من الله ان يوجهج
تاخذينه ولا ما تاخذينه
وبعدها بتلاقين نفسج تختارين تلقائيا
والله يوفقج

 

[pusy cat]

ياعيني لاتصدقين شكله واهو مسكين باجر ترى تبجين واهوا ولا يدري

اشدراج انه مريض وراج تقرير طبي ؟؟ ترى اغلب الشباب يتمسكنون ويسوي روحه مريض عشان البنت تتعاطف معاه واتعلق فيه زياده

بعدين خل نفرض انه مريض صج اهو شنو علاقته فيج خطيبج ؟؟ والا بس جذي واعدج بالزواج مثل ما وعد عشره غيرج

حبيبتي خلي هالسوالف عنج ونصيحتي لا اتعلقين بأحد خلج فبيتج لين يجيج نصيبج و صدقيني راح تعشقينه وتموتين فيه انشالله

شلج بالحب وعوار القلب آخرتها يا يفضحج يا يكسر قلبج

مادري متى يتعضون هالبنات

 

[شملاكيه]

بعد قلبي والله .. جبتيها عالجرح

هم بعد انا مثلك بس انا اعرف من قبل لا احبه عنده فشل وحبيته وابيه وواثقه فيه وهو بعد نفس الشعور
واذا انتي تحبينه من صج ومن قلبك ارضي فيه بكل عيوبه واختي اللي تقول انه ممكن ما يجيب عيال ماله دخل هالشي
في الكلى .. انا مكانك فكرت فيها بعقل احيانا بس ما اقدر اعيش من دونه مهما كابرت ومتاكده ماراح اكون سعيده الا بس معه لو عندي كل هالدنيا محد بيعوضني عنه ..

طوولت عليك موو بس والله جبتيها عالجرح وكنت بطول بس قلت بس يابنت مصخت هههههههه
فديتك اذا تحبينه من قلبك واذا يحبك من قلبه لا تخلينه وهو ما خبى عنك مرضه الا لانه خايف انه يخسرك
لا تحسسينه انه هو ضعيف وانه ما ينفع بشي انتبهي بالنهايه هو رجال ومايحب يحس بهالشي حسسيه بالامان وانك جنبه مهما كثرت عيوبه واثبتيله هالشي ..

 

[ماني من الناس]

اهو ناوي على زواج؟؟

قط مره كلمج عن الزواج ؟؟

قال بيجي بيتكم وبيدش الباب ؟؟؟

لين جاوبتي على هالاسئله بعدين ارد عليج

 

[فلنتينو]

انشالله البنات يفيدونج

 

[Beauty is Me]

اممممممم انا ضد انه الوحده تكلم فما اقدر اقول راي لان اخاف اجرحج بس بقول شغله بسيطه
((اللي تسوينه غلط))

 

[x.Lina.x]

الله يشفيه بس من قال انه بيتزوجج ؟ متاكده ؟

 

[ام احلى خلودى]

الله يشفيه ياارب بس مااشوف مرضه فيه عيب

 

[AL ANOOD]

بقولج شي وانتي قرري بعدين

انتي ممكن تتزوجين بشخص سلييم 100% وفجأة يقدر عليه الله ويسوي حادث جك بم انشل
طالع المخيم وفجأة احترقت الخيمة وتشوه
انسان صحته ممتازة فجأة ديسك

شنو بتسويين حزتها ؟؟؟ بتهدينه ؟؟؟ شوفي جوابج وعليه ابني قرارج مع هالانسان

واتمنالج التوفيق .. واسفة على التعابير القاسية اللي قلتها .. بس حبيت اوضحلج الصورة

 

[Diva-Q8]

بقولج شي وانتي قرري بعدين

انتي ممكن تتزوجين بشخص سلييم 100% وفجأة يقدر عليه الله ويسوي حادث جك بم انشل
طالع المخيم وفجأة احترقت الخيمة وتشوه
انسان صحته ممتازة فجأة ديسك

شنو بتسويين حزتها ؟؟؟ بتهدينه ؟؟؟ شوفي جوابج وعليه ابني قرارج مع هالانسان

واتمنالج التوفيق .. واسفة على التعابير القاسية اللي قلتها .. بس حبيت اوضحلج الصورة

كلامها منطقي الصراحه

 

[مجنونة بس عاقلة]

اذا قادر يتعالج اخذيه
واذا مرضه ماله علاج لا

 

[*peace*]

انا اشوف ان عادي مافيها شي !!!

 

[زهراء 24]

اذا تحبينه وعندج استعداد تتحملين مرضه تزوجي عادي مافيها شي
بس لازم بالاول تتاكدين اذا قعلا يبي يتزوجج ولا قاعد يتسلى
والله يشفيه ويوفقج​

 

[DaSh^_^teYa]

بنات الحب مو عيب اذا كان حب طاهر ومحترم ،، شوي شوي عليها حتى لو هالشي غلط

الله يشفيه ياربي ويشفي كل مرضى المسلمين ، واذا كان مرضه ما يضرج بشي او يضر حياتكم المستقبليه انا ما اشوف انه فيه مشكله اذا اهو صج يحبج وشاريج وما يتعوض لا تخلين هالشي يوقف بطريجج

لان وايد اكو صاحيين بس مخهم مرض اعوذ بالله
وموفقه يارب

 

[اختكم بالله]

الله يكتب لج اللي فيه الخير