احبهم كلهم او اكرهم كلهم

[@mr.nadrh@]

السلام عليكم ♡♡
.
بدش بالموضوع .
عمتي مطلقه وعايشه معانا بالبيت للعلم انا عمري ماضايقتها
بالعكس اسهر وياها واقعد ونسولف واسعدها بكل شي .
بس بينها وبين امي مشاكل يكرهون بعض بالاصح واحسها تعاملني غير
يعني بنات خواتها تعاملهم احسسن مني كله مقدرتهم
انا ما انكر انها تحبني ايه تحبني بس ساعات تتعامل معاي بطريقه
غريبه ، تدش تفتش فوني وكذا مره احط فوني على الشاحن واروح المطبخ مثلا
وارد القاها تفتش تويتر وتسالني شنو هذا وهذا ليش وتروح تحذف الاكاونت
.
واذا بنات اختها سوو شي غلط تقولي انتي مخربتهم اهم مايعرفون هالشغلات
والله يا بنات كل شييي هذا عذرها انا مخربتهم وربي ما ابالغ ! احسها تتعمد تغثني واتعذر اقول
اكيد خايفه علي بس لا تصرفاتها ماتبين جذي
وبعدين دشيت بسالفة ابوي كان داش البيبي ام مالي وهو مانعني عنه
وقعد يفتش قدامي انا واثقه من اخلاقي بس صدمني لما شاف وحده من بنات عمتي
حاطه صورت ممثل عرض قالي هذا الولد منو :| انصدمت قلتله يبا هذي بنت وحذف البرنامج
وبعدها نظراته وتعامله معاي تغيير والله بنت ورب الكعبه بنت قالي شدراج انها بنت انا مابي اقوله بنت
عمتي وابوها يلعن خيرها وللله ماعلمت عليها سكت واخوي بعد شاف رفيجتي دازه لقروبنا بالواتس
صورت اخوها وقالي هذا منو وحلفت له اني ماعرفه وكلهههم يششكون فيني تعبت تصرفاتهم
تذبحح انا صغغيره حييل على هالسوالف عمري 17 حسيت اني عجوز من كثر ما افكر
اللحين حاذفه كل البرامج عندي انستقرام وشكله بينحذف
.

وامي من صوب تدرون !!! امي قالتلي انا اكرهج والله يومها بجيييت دم وللحين ما انساهاا
تقولي لا تكلمين عماتج ولا تقعدين معاهم وجدتي تعصب علي اذا رحت لبنات عمي طبعا بنات
عمي اذا تعاملت معاهم اججججرااام بالنسبه لعماتي وجدتي ... اذا بحب اهلي بحبهم كلهم
واذا بكره احد اكرهم كلهم اختروا يا اهلي شتبون؟ يوووو والله لو اتكلم ماراح اخلص

ابييي افههم انا شسوووي شنووو هذااا كل بيت فيه مشاكل بس ماعتقد فيه اهل يحثون عيالهم
ويعاملونهم بهالشكل .! تدرون اللحين انا معاهم بالبيت بس مايشوفوني انعززززلت. لا يدخلوني بمشاكلهم
خلااص المدرسه بصوب والبيت بصوب ويعايروني اذا سقطت يااهلييي بسس
والله مايحقلي اححزن وابجي اذا ربي كاتبلي هالشي .
ازعجتكم #مجرد فضفضه #شكراً_عائلتي

 

[بوليودية]

يمكن تتضايقيين من رمستي بس هالصج ... عمتج ما تحبج بسبب مشاكلها ويا امج فطلع حرتها فيج و تتبلي عليج بأشياء إنتي ما سويتيها و إنتي مب مضطرة تتحملين قسوة كلامها ، جوفي عمتج ع العين و الراس بس لا تعطينها ويه زود عشان ما تطلع فوق راسج ، و بعدين سمعي كلام امج هي تعرف مصلحتج:rerrerek: وقفي وياها اذا قالتلج لا تكلمين عمتج لا تكلمينها لأن مب معناته انه عمتج تسولف وياج و تضحك وياج يعني تحبج فرق بيبي بين هالشيئين و بعدي عن عمتج حتى لو وياج فنفس البيت ولا تضايقيين نفسج عشانها مولياً محد يستاهل ، السالفة الثانية انتي ليش تسكتين عن بنت عمج؟ جي ضريتي نفسج سمحيلي هاي سذاجة ولا جي بتضرين نفسج روحي عند ابوج قوليله ان هاي بنت عمتي ، و بعدين ليش اخوج يفتش فونج مب من حقه ، انتي لازم تكلمين ابوج ولا امج فيوم من الايام و تقعدين وياهم و تفهمينهم ان 17 عودة و كبيرة و تقدرين تحافظين ع سمعة اهلج بدون ما يراقبونج

 

[@mr.nadrh@]

يمكن تتضايقيين من رمستي بس هالصج ... عمتج ما تحبج بسبب مشاكلها ويا امج فطلع حرتها فيج و تتبلي عليج بأشياء إنتي ما سويتيها و إنتي مب مضطرة تتحملين قسوة كلامها ، جوفي عمتج ع العين و الراس بس لا تعطينها ويه زود عشان ما تطلع فوق راسج ، و بعدين سمعي كلام امج هي تعرف مصلحتج:rerrerek: وقفي وياها اذا قالتلج لا تكلمين عمتج لا تكلمينها لأن مب معناته انه عمتج تسولف وياج و تضحك وياج يعني تحبج فرق بيبي بين هالشيئين و بعدي عن عمتج حتى لو وياج فنفس البيت ولا تضايقيين نفسج عشانها مولياً محد يستاهل ، السالفة الثانية انتي ليش تسكتين عن بنت عمج؟ جي ضريتي نفسج سمحيلي هاي سذاجة ولا جي بتضرين نفسج روحي عند ابوج قوليله ان هاي بنت عمتي ، و بعدين ليش اخوج يفتش فونج مب من حقه ، انتي لازم تكلمين ابوج ولا امج فيوم من الايام و تقعدين وياهم و تفهمينهم ان 17 عودة و كبيرة و تقدرين تحافظين ع سمعة اهلج بدون ما يراقبونج

اممم ما اقنعتيني اهلي هذيل لازم احترم كل فردد في نظري انه انا
ماراح اسوي شي يغضب ربي واللي بيفتش اي شي عندي انا واثقه
انا ماراح يلقى زله علي واؤمن انه سوو جذي لمصلحتي بس كنت ابي
وحده تقولي كلام تقويني فيه لا اكثر ولا عمتي مأجوره فيها ان شاء الله

 

[qoot]

ماشاءلله علييييج مع انج صغيره بس قويه وعاااقله ونصيحه فكري بدراسسستج وبس ولاتغيرين طبعج والله يوفقج

 

[تحت ظلك]

مشكلة بعض الأهل هذي طريقتهم بالتربية والمبالغة بالخوف وأسلوب ماعندهم
فوضي أمرك لله وأكسبي ثقة أهلك بالأسلوب العقلاني
وأنتي واضح تبارك الرحمن انك عاقلة وهذا شئ حلو مثل جلوسك مع عمتك وعدم تراجعك عن مبدأك رغم الي يصير
أنا أقول بنت بمثل هالعقل تبارك ربي قادرة على أنها تعرف الصح من الخطأ وتحل مشكلتها بطريقة صحيحة.

بالتوفيق.

 

[بوليودية]

اممم ما اقنعتيني اهلي هذيل لازم احترم كل فردد في نظري انه انا
ماراح اسوي شي يغضب ربي واللي بيفتش اي شي عندي انا واثقه
انا ماراح يلقى زله علي واؤمن انه سوو جذي لمصلحتي بس كنت ابي
وحده تقولي كلام تقويني فيه لا اكثر ولا عمتي مأجوره فيها ان شاء الله

حبيبتي اقري ردي مرة و مرتين و ثلاثة ، أنا ما قلت لا تحترمينهم ، قلت عمتج مب لازم تعطينها ويه لأن في عمات يكونون جذي هذي ما تبي مصلحتج غير ان امج ما تطيقها ،و قلتلج احترمي امج و امشي ع شورها ، و قلت بعد قولي لأبوج و امج إن ماله داعي التفتيش و انج كبيرة ، عجيب امرج تقولين ان مليتي من كثر ما يفتشون و يضايقج و الحين تقولين انا واثقة ان محد بيلقى الزلة ! طيب حبيبتي درينا ان محد بيلقى الزلة بس الحركة من الأساس مب حلوة الوحيد اللي يفتش المفروض امج و ابوج مب اخوج !!!

 

[@mr.nadrh@]

حبيبتي اقري ردي مرة و مرتين و ثلاثة ، أنا ما قلت لا تحترمينهم ، قلت عمتج مب لازم تعطينها ويه لأن في عمات يكونون جذي هذي ما تبي مصلحتج غير ان امج ما تطيقها ،و قلتلج احترمي امج و امشي ع شورها ، و قلت بعد قولي لأبوج و امج إن ماله داعي التفتيش و انج كبيرة ، عجيب امرج تقولين ان مليتي من كثر ما يفتشون و يضايقج و الحين تقولين انا واثقة ان محد بيلقى الزلة ! طيب حبيبتي درينا ان محد بيلقى الزلة بس الحركة من الأساس مب حلوة الوحيد اللي يفتش المفروض امج و ابوج مب اخوج !!!

مشكووره يا روحي كلامج):
والله موضوع يحير

 

[ياهم لدي رب]

حبوبه من ناحية التفتيش عادي اغلب الاسر جذي انتي مبدئياً لا تحطين برامج الى ان يثقون فيج خليج واتساب عادي بعدين ترا غلط رفيجتج دازه صورة اخوها ماينلام اخوج اذا خاف عليج هالسوالف بعدي عنها ومسحي الصور اول باول وقولي لرفيجتج لاتدزين صور مثل جذي

بعدين علاقاتج مع بنات عمج وخالج لاتصرحين فيها يعني لحد يدري ان علاقتج فيهم قووويه خليج داهيه وذكيه واكسبي كل الاطراف وصيري احسن وحده محبوبه من الجميع وترا هذا ذكاء اجتماعي..

امج اذا قالت اكرهج والله والله والله ماتقصد وهذا انا حلفت وانا ما ادري عمر الام ماتكره بنتها بس مقهوره >>اهم شي امج حبيبتج ترا كلهم مايحبونج كثرها دوري رضاها هي

بعدين من عمرج انتي اخر سنه ثانوي انتبهي لدراستج ومستقبلج وهالسنه كبي الفون ورا الشمس منها تفتكين منهم ومنها تدخلين تنتبهين لدراستج وتدشين الجامعه واذا دخلتي الجامعه يكون لج مركز اجتماعي والكل يحترمج طبعا انتي افرضي شخصيتج بالصمت ولاتسولفين وايد وحاولي اتصرين في منطقج اكبر من عمرج جذي مايشوفونج اصغيره ويفجون عنج


وع فكره انا اعجبتج فيج جدا انج متقبله انهم يفتشون فونج ويمسحون وماسويتي سالفه اخلاقج حلوه

 

[@mr.nadrh@]

حبوبه من ناحية التفتيش عادي اغلب الاسر جذي انتي مبدئياً لا تحطين برامج الى ان يثقون فيج خليج واتساب عادي بعدين ترا غلط رفيجتج دازه صورة اخوها ماينلام اخوج اذا خاف عليج هالسوالف بعدي عنها ومسحي الصور اول باول وقولي لرفيجتج لاتدزين صور مثل جذي

بعدين علاقاتج مع بنات عمج وخالج لاتصرحين فيها يعني لحد يدري ان علاقتج فيهم قووويه خليج داهيه وذكيه واكسبي كل الاطراف وصيري احسن وحده محبوبه من الجميع وترا هذا ذكاء اجتماعي..

امج اذا قالت اكرهج والله والله والله ماتقصد وهذا انا حلفت وانا ما ادري عمر الام ماتكره بنتها بس مقهوره >>اهم شي امج حبيبتج ترا كلهم مايحبونج كثرها دوري رضاها هي

بعدين من عمرج انتي اخر سنه ثانوي انتبهي لدراستج ومستقبلج وهالسنه كبي الفون ورا الشمس منها تفتكين منهم ومنها تدخلين تنتبهين لدراستج وتدشين الجامعه واذا دخلتي الجامعه يكون لج مركز اجتماعي والكل يحترمج طبعا انتي افرضي شخصيتج بالصمت ولاتسولفين وايد وحاولي اتصرين في منطقج اكبر من عمرج جذي مايشوفونج اصغيره ويفجون عنج


وع فكره انا اعجبتج فيج جدا انج متقبله انهم يفتشون فونج ويمسحون وماسويتي سالفه اخلاقج حلوه

كلاممج حييل ريحني تسلمين وربي يسعج ويوفقج ويرزقج كل خيييييير
بحاول اني مابين علاقتي مع بنات عمي