احااااااتي الخيااااط وابي اعفر هذا التجميلي ولا شنو

[دلع×دلع]

السلام

عليكم

ورحمة

الله

وبركاته



خواتي العزيزات


يعطيكم العافيه


في شغله صايره معاي وموعارفه شسالفه


انا حاليا لي 11 يوم من نفاسي

والحمدلله ولدت طبيعي

عند دكتوره ليلى اشكناني


اهي تقول انها سوتلي تجميلي

وانا خيوطي داخليه مو خارجيه

بس الغريب في الموضوع إن الخياط عواره ماطول معاي

يعني الالم استمر جم يوم


صحيح في الم الحين بس خفيف,, يعني اقدر اقعد واقوم وامشي


انا مستغربه من هالشي,, ليش ماكو الم قوي

مع اني سألتها قالتلي زين حلو , انتي شتبين بالالم


بس خاف الخياط موزين

 

[دلع×دلع]

اوووووبس اعفر شنو

قصدي اعرف ههههههههااااااااااااااااي

معليش سوري بنات

..

اي ونسيت اقول ان هذي ولادتي الثانيه

المره الاولى كنت عند ناهده ,, والخيوط كانوا خارجيه,, وكان عوار شديد شديد

بس عدت على خير

 

[miss-winter]

ماله شغل يمكن ايدها خفيفه يمكن الله هون عليج ماتدرين

 

[_Pure_]

حمدي ربج شتبين بالعوار
هذا معناته دكتورتج شاطره

 

[دلع×دلع]

يعطيكم العافيه خواتي عالرد

بس انا احاتي بعد النفاس

خاف اتفشل عند زوجي

اي والغريب بعد بالموضوع إن وانتوا بكرامه

موقاعد ينزل معاي دم كثير مثل ولادي الاولى

اللهم اول 3 ايام


والباجي دم مثل اول يوم من ايام الدوره العاديه


بليز الي فاهمه بهالشغلات خل تقولي


ويعطيكم العافيه

 

[ام غازي الصواغ]

عادي مو شرط ينزل معاج دم واجد انا مثلج بعد بس اهتمي بنفسج علشان تنظفين عدل وترجعين عروس

 

[ستروبريه]

عادي حبيبتي انا 10 ايام وراح الالم كنت والده بالهادي لحمج مشالله قوي والجرح لم بسرعه
بالسلامه انشالله

 

[حرم_طيار]

رد : احااااااتي الخيااااط وابي اعفر هذا التجميلي ولا شنو

الحمدالله على سلامتج

ليلى اصلا روعه و شغلها انظيف و مرتب وحدها شاطرة

ومو شرط ينزل دم وااايد

 

[(أم نونو)]

رد : احااااااتي الخيااااط وابي اعفر هذا التجميلي ولا شنو

ليلي شاطره وانا في ولاتي الاولى الحمدلله خياطها ماعورني والحين انا توني حامل وابي اراجع بعد عندها ما شالله عليها شاطره حيل هل دكتورة

 

[Om_Ksha]

انزين شلونها بالولاده انا اراجع عندها الحين ..
ومادري عن خياطها من كلامج احس زين بس انا شعرفني مادري والله استفيد منكم .. اول بيبي واحاتي

 

[دلع×دلع]

ياعمممممممري كلكم تسلمووووون


بصراحه ليلى تجنن بالولااااااااااااااده

وانا حبيتها وارتحتلها قبل الولاده

وكنت اسمع عن خياطها انه زين

وانا دقيت عليها وسألتها ليش الخياط مايعورني حيل

جان تقعد تضحك وتقولي شتبين بالعوار ههههههههههه

 

[Jinan]

حمدي ربج شتبين بالعوار
هذا معناته دكتورتج شاطره

 

[قلبي تركواز]

اول مرة اسمع بالدكتورة ليلى اشكناني
وين عيادتها؟
اذا هذي ثاني ولادة لا تحاتين حتى لو كنتي مو مسويه تجميلي ماراح تفشلين!!!
الحريم يتفشلون بعد الخامس و السادس مو البكر او الثاني

 

[Om_Ksha]

يالله الحمدالله ريحتوني ..
الله يوفقج ويجملج بعين زوجج