اجهاض بدون نزيف :(

[فلة الحلوة]

سلام عليكم بنات


شلونكم عساكم مرتاحين ..


بنات انا قبل اسبوع سويت تحليل هرمونات و طلعت النسبه 480 و قبل ٣ ايام سويت تحليل مره ثانيه قلت النسبه قالتلي الدكتوره اجهاض بس شلون اجهاض وانا مو قاعد ينزل علي دم ؟!!!

بليز بنات ساعدوني هذي ثاني مره احمل ويطيح البيبي .. حتى ليلحين ماكملت شهري الاول .. قولولي شلون الحين اشرب اشياء تخلي الدم ينزل علي ولا شسوي ؟ قوليلي شراح يسوولي بالطبيب حدي خايفه امي مو يمي

 

[ام سليمان 2008]

ماتشوفين شر حبيبتي واللهى ماادري ان شاء الله البنات يفيدونج :bbbiu:

 

[فلة الحلوة]

مشكوره حبيبتي عالرد ماقصرتي

 

[فـراوله]

رد : اجهاض بدون نزيف

أنا أقول لا تستعجلين عيدي التحليل مره ثانيه

عند دكتوره غير

وشوفي شيصير ولا تضايقين اذا اجهاض

خيره لج ان شاءالله


والله يكتب لج الحمل السليم




​

 

[فلة الحلوة]

حبيبتي فراوله .. انا سويت اكثر من تحليل وباكثر من مكان بعد .. وسويت سونار قالولي ان البيبي مو بالرحم واحتمال ان بقناة فالوب احتمال وهالشي خطر علي و جذي الحمدلله على كل حال ..

انا قمت اكل اناناس وكيوي عشان ينزل الدم مابي اسوي تنظيفات اخاف ابي امي

 

[الريشة]

لا تاكلين شيء إلا إذا شفتي نزل عليج دم
إذا بدا ينزل الدم عليج شربي زعتر و دارسين و اكلي حسو و تمر و شربي حلبة
و اكلي لحم و دياي عشان تعوضين الدم اللي تفقدينه
و ترى لازم البيبي ما راح يبين بالسونار لأنه توه متكون و تحليل الهرمون نسبته 480
و عشان تشوفينه بالسونار لازم تكون النسبة 1000
و هذا معناه إن البويضة تلقحت و دخلت الرحم و توقف نموها
لا تحاتين بس ممكن يعورك أكثر من الدورة شوي و دفي نفسك

 

[فلة الحلوة]

حبيبتي الريشه ماقصرتي والله .. مشكووووره عالرد فديتج

 

[الريشة]

العفو أختي
ديري بالك على نفسك
الله يعوضك إن شاءالله بطفل سليم معافى تفرحين فيه و يعوض كل وحدة أجهضت آمين :yaaaaaarb:
بس نصيحة اقري الرقية الشرعية كل يوم مع الاستغفار و صلي ركعتين بالليل و ادعي قبل لا تنامين
و الصدقة مفعولها عجيب

 

[زينة الزين]

لا تستعجلين ومثل ما قالت أختي الريشة ساعات البيبي ما يبين بالسونار لأنه صغير وايد

ما تدرين شالخيرة فيه آنا أقول لا تسوين شي ونطري
سوات الله أبرك

 

[أم عبود 2011]

رد : اجهاض بدون نزيف

لا تستعجلين نطري وااااااااااااااااااااايد حالات حمل ما بين البيبي بسرعة وطالما ماكو دم نطري شوي وربي يعوضج خييييييييييييييييييييير

 

[noo7a]

لا تستعيلين يمكن تبويضج متاخر
دام ما نزل عليج شي انشالله خير

 

[شيــوخه]

لا تستعيلين نطري اشوي

لين ماتشوفين دم نزل عليييييييج

الحين مافي شي يضمن انه البي بي نزل ماو شي يثبت صبري ولا تستعيلين

واستغفري وايد وعليج بصدقه حبيبتي
وان شاء الله اتشوفين بيبيج ابحضنج