اجراءات الاستقاله

[((الجوري))]

السلام عليكم ..


بنات اناا كنت مدرسه رياض اطفال وقدمت استقالتي بشهر 12 وقالتلي الناظره اي شي نبيه منج راح ندق عليج وللحين مادقو عشان اروح اكمل اجراءات الاستقاله

يعني الحين اروح المنطقه التعليميه واذا بالمنطقه وين اي قسم ولا انطر يدقون ولا شنو

 

[emankuwaiti]

روحي راجعي أفضل

 

[Queenleo]

رد : اجراءات الاستقاله

لوووول هذه سيااسه التررربيه الي على غير سنع
رفيجتي قعدوووها 6 اشهر يالله طلعت اجازززتها تدرين ليش لان ينطرووون مراااسل عشان ينقل الوورقه من مكتب لمكتب
والمكتااب مااتبتعد اكثر من 10 خطوووات
وعند كل مكتب تقعد باليوومين والثلاث

انا كنت مدرسه اخذت وورقة الاستقاله بايدي
ووديتهااا حق المدرسه عشان يووقعون براءه الذمه وووديتها المنطقه التعليمه حق الاجاززات وو الشئون القانونيه
ووعلى حظي ماكانت مديره المنطقه موجوده فاقالتلي البنت خليها توقعها ونوديها بعد يومين الوزاااره
ووكنت خايفه لان دوامي اليديد معطيني مهله معينه عشان اييب الاجازه
الله ووكيلج يووم واحد وارووح المنطقه قلت بنشب بلعوومهم جان تقوولي خلاص دززينها
جان ارووح الوزاره قسم الاستقالات وودشيت على البنات الي كانوا ماسكين الثاانوي
وواخذت منهم الوورقه بنفسي ووو600 اللف تووقيع
ماليه وقانووونيه ووالرواااتب ومو عارفه منووو واستماااره
والله فووق 3 ساعات ماغير نازله وصااعده بهالدري
واخر شيء الارشيف ووبعدين التامينااات
بالنهايه خلصتهاا بيومين :d
لان مارضيت اخلي المراسل يووديهااا وورفيجيت قعدوها 6 اشهر
فلاتنطرين روووحي الوزاره دشي على رئيسه قسم نهاية الخدمه واخذي ورقتج بايدج ووسويهااا

 

[أم عبود 2011]

رد : اجراءات الاستقاله

هذا عيب الوزارات بوقت تقديم الاستقالة لوووووووووووووووويه وروتين طويل حده بايخ ومليق ومليون ألف توقيع غير اللي نشوفه بالأفلام هههههههههههههههههههههه