اجازة مرافقة مريض (عفية ردوا علي )

[Righterette]

السلام عليكم بنات ...
عندي سؤال مهم ... :eh_s(11):

اذا الوحدة مدرسة .. وطالعة مرافقة لمريض علاج بالخارج ..
عادي يعطونها اجازة لو بنص الكورس صارت السفرة ؟

وهل ينصرف الراتب كامل ؟ ولمدة شكثر ؟

قالوا لي ان القانون اول يعطون اجازة 6 اشهر ... بس الحين تغير ..
عفية الل يعندها معلومات تقول لي باقرب وقت

شكرا

 

[Righterette]

شدعوه

 

[الأميرة جوري]

لرفع

 

[قمرية الفيس]

حبيبتي اخذي الخبر الأكيد مني أنا
إجازة المرافق تبدأ من سفرة المريض وتنتهي من رجعته يعني الإجازة مفتوحة ليييييين مايرجع المريض وتبدأ من روحته سواء اول السنه اخره مالها شغل الوزارة بس يوافقون عليج تسافرين لو مافي مدرسات بالمدرسة مالهم شغل بضروف المدرسة
اما باللنسبة للراتب فانا اقولها لج اللله يعينج على الخصم

 

[قمرية الفيس]

حبيبتي إخذي الخبر الأكيد مني أنا
إجازة مرافق المريض تبدأ من سفرة المريض سواء أول السنة أو آخرها وتنتهي برجعه المريض يعني بتظل مفتوحة إلى أن يرجع
أما باللنسبة للراتب فأقولها لج الله يعينج على الخصم

 

[Righterette]

قمرية الفيس
مشكووورة يا بعد قلبي على الرد .. واله كنت قاعدة على أعصابي .. روحي الله يبارك لج ويسعدج ..

قالوا لي يخصمون بس ما عرفت شكثر ...
هل يعطوني الاساسي بس ؟ ولا يخصمون العلاوات المتعلقة بالتدريس ويخلون الباجي ؟

والاجراءات حبيبتي شكثر تاخذ؟ يوافقون على طول ولا ايام ولا أسابيع ولا شنو الوضع ؟

وشكرااااا من قلبي .. :eh_s(7): :eh_s(7): :eh_s(7):

 

[ميونة الحلوة]

شوفي انا الحين مسافرة نفس حالتج مرافقة مريض الوالد الله يحفظه

بس اخوي الله يعافيه سوالي شغلي في ادارة العلاج بالخارج راح يطلبون منج طلبات تجيبينها لهم

بعدين لازم تسوين الفيزا حق جواز السفر و تاخذون موعد من الطبيب الي بتعالجون عنده كاثبات

و عقب ما تخلصين هذا كله تاخذين ورقه من المدرسه اجازة انتي قوليلهم مرافقة مريض و بيعطونج اياها توقعها الناظرة و عقبها تروح المنطقه

و ماله شغل مثل ما قالت قمريه الفيس اول السنه اخر السنه محد له شغل فيج هذي حاله طارئه محد يتدخل فيها

اما المعاش نزلي كامل ما انخصم منه شي بس بصراحه ما ادري هل راح يخصمون بعدين بصراحه ما عندي فكرة

و الله يشافي مريضكم و يشفي جميع مرضى المسلمين

ادعيلي نرجع الديرة بالسلامه ان شاء الله

 

[Righterette]

ميونة الحلوة
مشكووووورة :eh_s(7)::eh_s(7)::eh_s(7):

والله يشفي الوالد ويطول لكم بعمره ..


والله أنا اللي بسوي الاجراءات كلها بالعلاج بالخارج .. الله يعينني والله يسهل إن شاء الله قولوا آمين ..

متذكرة شنو الاوراق اللي راح يطلبونها مني ؟
غير المدنية والجواز ...؟
هل مثلا اجيب ورقة من دوامي اني اشتغل بالمكان الفلاني علشان يخاطبونهم ؟ ولا شنو؟


وبعد قلبي .. السالفة شكثر خذت منكم وقت ؟ يعني من يوم بديتوا بالاجراءات ليمن سافرتوا .. شكثر؟ شهر ،، شهرين،، أكثر ؟؟


والله يردكم الديرة بالسلامة .. ويشفي الوالد ويعافيه وكل غالي عليكم ..
:eh_s(7):