{{اثر خياطه لونه بنفسجي بركبتي}}

[بس لحظه!]

السلااام عليكم

شلوونكم عساااااكم طيبين :eh_s(7):

خواتي صارلي حادث شهر 9 اللي فات وصار اثر خياطه لونه بنفسجي بركبتي مو راضي يروح رحت لطبيب الجلديه قال ماقدر افيدج رحت الخاص عطاني كريمات ع 12 و 9 وعلبتهم صغيره ماتسوى وهم استعملتهم وما فاااد :eh_s(11)::eh_s(11)::eh_s(11):

المشكله عرسي شهر 5 في مجااال تساعدووني بخلطه او بكريم سمعتوا عنه واكون شاكرتلكم

والله يوفقها ويستر حالها ويرزقها ما تتمنى اضعاف اضعافه اللي تساعدني :yaaaaaarb: وهالدعوه من قلب صدقوني :eh_s(2):

 

[بنت حبيبي]

رد: ممكن تساعدوني

انشالله البنات يفيدونج

 

[بس لحظه!]

رد: ممكن تساعدوني

شاكرتلج مروورج

 

[FuNtk]

رد: ممكن تساعدوني

اول شي حمدلله على سلامتج



شوفي حبيبتي في كريم من الصيدليه وااايد زين اسمه contractubex


هذا الكريم معروف عنه يشيل آثار الجروح و الحروق و الخياط


بس مشكلته يبيله مداومه ثلاث شهور


انا عن نفسي جربته كان فيني جرح و استعملته ماذكر المده بالضبط بس ما كملت ثلاث شهور



اهو مثل الجل تحطين كميه بسيطه و تسوين مساج خفيف عالمنطقه لمدة خمس الى عشر دقايق

و تخلينه عالاقل ثلاث ساعات و يفضل قبل النوم احسن



مع الايام راح تحسين المنطقه تتقارص و يتقشر الجلد مثل الخيوط و تطلع لج بشره يديده


بصراحه انا مو متذكره الطريقه بالضبط بس هذا اللي اذكره
دوريه بقوقل و اكيد راح تلقين تجارب تفيدج


اهو حجمه كبر الاصبع تقريبا و سعره دينار و خرده


اتمنى افدتج

 

[بس لحظه!]

رد: ممكن تساعدوني

الله يسلمج يالغلا

ومشكووووره وما تقصرين

 

[ام الدرر]

رد: ممكن تساعدوني

خطاج السو حبوبة
اثار الجروح يبيلها وقت