اثار الميك اب على الميز تواليت :(

[فطومة الحلوة الجميلة]

السلام عليكم


بناات هيلب مي التسريحه مالتي كلها اثار مكياج مايروح حاولت فيها بكل الطرق ماكو فايده الوان الشدو كلها واثار الكحل وحاله وانا تسريحتي بيج يعني يبين عليها حيل

ساعدوني ابي شي يشيل اثار الميك اب وينظف الميز تواليت بلييييييييييييييييييز

 

[فطومة الحلوة الجميلة]

شدعوه محد رد علي

 

[قمر2009]

حبوبه جربي السبريه مال الشعر وشوفي النتيجه

 

[قمر^خالد]

والله ماادري أن شاء الله البنات مايقصرووون ... بس أذا نظفتيها حطي مفرش ... عشان لاترد أتوصخ

 

[فطومة الحلوة الجميلة]

قمر 2009 ماقصرتي ياقلبي خوش طريقه على طول قمت جبتها نظفت بس البقع والاثار اللي عندي مستعصيه لوووووووووووول



قمر خالد يسلمووو على المرور ياقلبي

 

[poom poom]

انا بعد ابي الحل للمشكله

 

[فطومة الحلوة الجميلة]

اب اب اب

 

[تنايفـ]

انا جربت هالشغلة على الاقمشة ومادري اذا تصلح للخشب
منظف ميك آب العيون من ريميل هذي صورته

اذا كان عندكم جربوه يمكن ينفع
بصراحة شلع اثار دم اسناني من بلوزتي ولا جنه عليها شي
كنت توني طالعه من العيادة وايد انقذني
وهم جربت اشيل اثار الميك اب من شيلتي وروحها
عجيب حده يمكن ينفع مع التسريحة
​

 

[ام هالدنيا]

:stars:جربي كلوركس مع عملاق الاخضر وشوفي ومع شوية فلاش

 

[فطومة الحلوة الجميلة]

خل نجرب ونشوف

 

[عذوق]

حتى انا مثلج

يمكن انتي مثلي تسريحتي صبغتها مو ناعمة يعني مو لامعه فهمتي

انا ناوية اصبغها من جديد ولاااااازم تفصلين فوقها زجاج عشان ما تتوصخ وان توصخ ازجاج عاادي ينظف بسرررعه

هذي الغلطه ان ماكو زجاج ع التسريحه تحميها

 

[Miss-Madry]

انآآ مثلج

قمت مسحتها بمزيل مكياج وفركتها فراك

ورحت جلتدها بجلاد الكتب الي بدون نفشه الي يلمع عشان يسهل التنظيف ..~