اثار الغرز الجراحيه

[(سلام)]

مراحب بنات
مشكلتي انه كان عند خرم الادن واسع وسويت عمليه جراحيه والحين صار لي تقريبا 10 ايام من شلت خيوط الغرز ووصف الدكتور ميبو سكار يختلف عن ميبو العادي بس لسه ماخف راجعته قال استخدميه كمان اسبوع وخلص الاسبوع وللحين ماخف الاثر:eh_s(2):
لو اروح لدكتوره جلديه تتوقعوا توصف لي شي؟

 

[يجازيك بحبك]

والله ما عندي فكرة وأنا أعاني نفسج من الغرز
ما حبيت اطلع ولا ارد عليج
ماتشوفين شر
وأب أب لعيونج

 

[مييريآ]

انا مسويه عمليه للانف واستخدم ديرماتيكس

الاثر خف شوي بس ماراح ، صار لي 3 شهور

بس يمكن اثر عن اثر يختلف

 

[عيون القلب]

انا سمعت ناس مجربين زيت بايو اويل
يقولون خفف لهم اثار الحروق و الجروح و السترتش مارك
و فيه ناس شال لهم الاثار بدون اي اثر

 

[(سلام)]

مشكورين يابنات اتمنى افاده اكثر
سمعت عن زيت زهره الربيع المسائيه بس اني حامل واخاف اضر الجنين
راح احاول امر الصيدلي واشوف وش يقول
والله كنت فراحانه اني سويت هالعمليه بس ماتوقعت هالاثر كدا جيت بكحلها عميتها

 

[مييريآ]

^^

في وايد ادويه وكريمات ، بس تاخذ وقت ، مشكلتنا نبي كل شي بسرعه هههههههههه وانا وحدة من هالناس

نستخدم الشي اسبوع اسبوعين ونقول ما فاد ، وغالبيه كريمات الاثار يبيلها من شهرين ل 3

استمري على ميبو اعتقد بينفع

 

[(سلام)]

مشكورين بنات
رحت اليوم الى دكتور جراحه دكتور ثاني شف الجرح قال ملتهب شوي وصف لي فيوسيدين لمدة اسبوع وبعدها ارجع الى الميبو

 

[منيره kkk]

ميبو سكار استخده حلوووووو حق الخياط

 

[(سلام)]

ميبو سكار استخده حلوووووو حق الخياط

يمكن الجرح ملتهب عالساس كدا مااستفدت منه:eh_s(10):

 

[(سلام)]

امس مريت الصيدليه وشفت اعلان الى كريم اسمه ديرماتكس وتجرات وسالت الصيدلي عن حالتي قال استني يجف الجرح واوصف لج مرهم او جل ارخص منه وافضل لانه قال الجل هدا غالي شوي ورجعت البيت سويت بحث عن هالمنتج مافيه مدح عليه

 

[Lala]

شووو أسبووووع
حبيبتي ما أقل عن 3 شهور لازم تستمري والنتيجة القصوى بتطلع بعد 6 أشهر

 

[(سلام)]

شووو أسبووووع
حبيبتي ما أقل عن 3 شهور لازم تستمري والنتيجة القصوى بتطلع بعد 6 أشهر

:eh_s(2):هااااااا 3 شهور و6 شهور وايد حطمتيني
صار لي 22 يووووم
والميبو سكار ريحته تلوع الجبد
والميبو العادي اهون منه
الله يستر جان الصيدلي مايعطني نفسهم

 

[غاده بنت وليد]

.~

اللي اعرفه لزقات السيلوكون توخر الاثار..

~​

 

[(سلام)]

.~​

اللي اعرفه لزقات السيلوكون توخر الاثار..​

~​

هلا اختي
ماسمعت انها موجوده بالسعوديه
قريت بعد انه فيه كريم

 

[كويتيه شماليه]

احترقت رجل اولدي وصار له أثر قوي يخرع اوصفوله البابطين ميبو فقطططط ووخر آثار الحرق ولله الحمد ٩٥٪ الحين الحمدلله خفيف
داومي على الميبو ممتاز يبيله فتره والله يعينج ويشافيج

 

[(سلام)]

احترقت رجل اولدي وصار له أثر قوي يخرع اوصفوله البابطين ميبو فقطططط ووخر آثار الحرق ولله الحمد ٩٥٪ الحين الحمدلله خفيف
داومي على الميبو ممتاز يبيله فتره والله يعينج ويشافيج

الحمدلله على سلامته
حاليا رجعت الى ميبو تصدقي انه فيني اثر خرم كلما له يختفي بس اثر الجراحه تغير اللون يمكن بداية الترميم
الليله ان شاء الله بمر الصيدليه وبشوف وش راح يعطيني

 

[(سلام)]

اول امس رت الى الصيدلي وصف لي جل كونترا
بديت استخدمه