اتناقش مع ريلي والا اطم حلجي

[اتمنى اصير ام]

السلام عليكم

انا عمري 29 سنه وامشي فيها وريلي قدي بس طبعا زي مانتو عارفين ان المره في هالعمر يعتبرونها الناس اكبيره عكس الريال
متزوجه من سنتين وليلحين ربي مارزقنا بعيال :eh_s(2): يارب يرزقنا في القريب العاجل ان شاءالله :yaaaaaarb:
الحين متوقفين على تحليل ريلي لان عند مشكله في الحيوانات المنويه وعاد التحليل وننطر النتيجه ويارب خير ان شاءالله
نجي للمشكله :eh_s(4): من قرابة شهرين جديه قالي ريلي وهو يمزح انا صرت عيوز خلاص قربت اوصل الثلاثين وانا ليلحين ماعندي عيال بس انا حز في خاطري اقول اذا اهو يقول جديه عيل انا شقول واللي زعلني اكثر حسيته يقول من داخله ويش اللي يخليني اخد وده كبري لاني احس حد قاله ان فرصه الحمل في العشرين اكثر من اللي في الثلاثين
واليوم عاد السالفه بس قالي شنو! قال انتي دشيتي الثلاثين صح قلتله لا انا 29 وامشي فيها لسه ماصكيت الثلاثين فقلتله ليش تسأل فقالي لا بس اسأل جديه لاني مابي ادش الثلاثين مابي اكبر واصير عيوز واموت
قلتله قصدك خايف عشان ماعندنا عيال قالي بلاهباله انا ماقلت جديه بس قلتلج الواد لما يكبر يخاف من الموت
قلتله اشدعوه الموت مايعرف لااصغير ولااكبير والحين اكثر الا يموتو يادافع البلى اصغار في العمر ربي يصبر اهاليهم ان شاءالله
بس داخلي مومرتاحه احس متضايق انه خداني عشان عمري وحتى قلتله انا لين مااوصل الخمسين باضل شباب قالي انا ماقلت شي
قلتله جان عرست وعمرك عشرين سنه قالي في هالعمر انا لسه بالجامعه
طبعا نتكل بهدوء موبهواش اوازعل بس انا حاسه حد قاله روحو كملو علاجكم لان عمر زوجتك يمشي بسرعه
وللحين فيني عله في قلبي ودي افتح معاه الموضوع وفي نفس الوقت متردده اخاف انه يقول بس كلام وانا اكبرها في راسه
شورو علي شسوي انكتم وانطم وتجيني قمته والا اتحجى وشنو اقول ابي اتطمن وارتاح
وسوري اذا كلامي مومرتب

 

[ناتشوو]

اولا
تعوذي من ابليس ولا تتحسسين من كل كلمة

علميا
فرص نجاح اطفال الانابيب
باللي اصغر من ال٤٠
اكثر من نسبة نجاحها
عند الاكبر

يعني محد قال العشرين اسهل بالحمل من الثلاثين
وباختصار طول مالوحدة تجيها الدورة
وهوموناتها سليمة
ممكن تحمل باي عمر

فلا توسوسين سنو قصده ماقصده
عيشي واستمتعي
خير ياطير
سمع او ماسمع
اهم شي يعيش براحة واستقرار
وتكونين دايما متفاءلة القادم احلى
والاهم
راضية بالقدر خيره وشره

وبعدين تفتحين الموضوع شنو تقولين
في اخد قال لك اني كبيره
ومااحمل!

لا للاسف مو كل شي لازم تتناقشين فيه

 

[نـعـومـه]

ولا اللي كبرج شكثره مومتزوجات

ثانيا حلو الوحده اول ماتتزوج ترتاح وتحس انها عروس عقبها تحمل

اللي ناقص ثقه بنفسج انتي حسسي زوجج ثقه بنفسج

قوليله بكل ثقه ويييي حبيبي في رياييل ماخذين حريم اكبر منهم وفي بنات كبري مومتزوجات والياهل رزق من رب العالمين ماله شغل العمر والوحده عندها فرصه الحمل لي 45 وحتى 50 اذا الله كاتب بس فرصه الحمل تقل شوي عقب ال 35 موماكو امل بس تقل شوي

فالحل تهتمين بشكلج وجمالج والحل ثاني لاتحسيين ريلج بعدم ثقه

 

[زوجت الشمري]

اسال الله العلي العظيم ان يرزقج الحمل السليم المعافى مقدر افيدج بشي بس راح اضل ادعيلج من كل قلبي لاتتضايقين وتاكدي هاذي حكمة ربج

 

[شادن33]

حياتي توج صغيره
الحريم حتى الاربعين يحملوووون ماعليج منه
واذا تكلم عن الكبر سكتيه قوليله شنو كبيره انا توني صغيره اللي كبري بعدهم ماتزوجوا ههههه
يسكت وينططططم

 

[M!SS.LOBY]

الله يرزقج بالذرية الصالحة ويفرح قلبج يا سميع يامجيب الدعاء

 

[Pinky -cat]

حبيبتي قصتج قريبة وايد من قصتي بس فرق تبادل الادوار بيني وبينه ، الحل اللي شفته انج تسكتين وما تزيدين بالنقاشات
اللي مالها داعي ، اتخذي الاسباب وزين انه اصلا راضي يحلل في منهم عقلية ما ترضا تحلل والعمر يمشي ، وترا انتي
فكري والهي روحج بشي ثاني ولا تسوين مثلي خليت الناس تحكم بمزاجي بسبت هالموضوع ،

الحل : لااااااااااااااااااااااااااااا تفكرين وايد
انسييييييييييييي وربج فوق

 

[(*ام عهــــد *)]

خلج واثقهمن عمرج وتفاءلي زمازيد ع كلام البنات ماشاءالله ماقصرو

 

[اذوب بكلامه]

ياقلبي خليك واثقه من نفسك ودايم حسسيه انك شايفه نفسك طفله وان العمر مو مهم عندك
ولا تتكلمين معاه بالموضوع لأنه راح يفهم ان العمر نقطه ضعفك
وربي يهدي بالك ويصلحكم ويرزقكم بتوم

 

[عطاء أنثى]

لاتكلمينه لان يمكن اهو مايقصد بس لما تفاتحينه بالموضوع يمكن يحط صج في باله


عشان جذي لاتكلمينه



وان شالله الله يرزقكم ويرزق كل محتاج

 

[نونه المنكوشه]

لازم اتكونين واثقه ان ربي اهوه اللي مقسم وكاتب الارزاق والعمر ابد ماله شغل وبعدين انتي خليج واثقه من نفسج واحب افيدج بشغله انه المرا بعمر الثلاثين جسمها وكل شي فيها يكون جاهز للحمل اكثر من العشرين سبحان الله بهالعمر اتكون بأوج الانوثه وهذي معلومه علميه انا قريتها وبعدين محد طقه ع ايده اهوه البي اختارج ويبيج ف لاتكسرين من مجاديف عمرج اذا فتح هالموضوع قوليله انا شباب والعمر جدامي ومتي ماربي كتب بسير الحمل وخلي ثقتج بالله ثم بنفسج كبيره لانه الحمل يتأثر بنفسيه حيل انتي ريحي مفسج وتوكلي ع ربج وادعي وبإذن الله بيرزقج ربي بذريه واذا افتح الموضوع قولي الناس وصلت القمر وانتوا لي الحين تفكيركم جذي محدود وضحكي وعيشي حياتج طبيعيه والرزق مثل الموت اذا الانسان ماراحله اهوه يدل طريجه فريحي راسج

 

[جذابه بنت ذيابه]

يوميا ادعي وقولي يارب حنن قلبه وابعد عنه هالكلام و ان شا الله ربي بيززقكم ان شا الله

 

[ملوكة الامورة]

الله يعينك ويفرج همك
انتي فكري لو يبي وحده صغيرة كان دورها من الاول
هو جا خطبك وعارف عمرك يعني راضي
وسعي صدرك

 

[queen92]

الله يرزقج بالحمل السليم المعافى عاجلا غير اجلا

 

[زوجة حياتي]

خليج واثقة من نفسج واهتمي بشكلج ولبسج وانتي اصلا توج صغيرة في بنات أكبر منج وللحين ما تزوجو الله يرزقهم يااارب ويرزقج بالذرية الصالحة

 

[song]

حسيته يقول من داخله ويش اللي يخليني اخد وده كبري لاني احس حد قاله ان فرصه الحمل في العشرين اكثر من اللي في الثلاثين

شكو شكو شكو ؟؟؟
حبيبتي حتى لو خذا وحده بالعشرين هالشي بيد ربج
والحمدالله مثل ماقلتي انتي مافيج الى الصحه والعافيه
والحمال بيد ربج وكل شي ربج كاتبه بصير
وبعدين حتى لو خذه وحده بالعشرين اهو الي خسران !!
عمره 29 سنه ولمه اييب ياهل يكون عمره 30 سنه ؟!
يعني ولده عمره 10 سنين اهو 40 سنه؟
ف اهو الخسران لانه ماتزوج وهو صغير
استغفري ربج ولا يلعب بمخج الشيطان
الريال كان يتغشمر وياج
واذا تبين تفاتحينه فاتحيه ماظن فيها شي بس فاتحيه بهدوء
و بعد اهو يه خذاج وهو راضي بعمرج وفيج
اهم شي اهتمي بنفسج واهتمي بريلج وصلاتج ودينج
والله يوفقج

 

[امـ خــزامـى]

الله يرزقك

لس بوضح لك شغله ترى محد قاله عن عمرك

انت اللي وضحتي له من غير ماتحسين ولا تقصدين

ترى الرجل يعرف نقظه ضعف زوجته من غير لاتتكلم


الله يرزقك حبيبتي بالقريب العاجل

 

[نوف الصقعبي]

الله يعين الزوجه اللى زوجها مايداري مشاعرها وموحنون عليها وكل همه يدقرها ويجرحها​

 

[نوف الصقعبي]

هذا موضوع حساس شلون يتكلم في بهالطريقه

اختى التزمى بصلاتج وتقربي من رب العالمين واقري سورة البقره وكثري من الاستغفار​

 

[نوف الصقعبي]

وتصدقي بالمال وان كان قليل بنظرج تصدقي بالسر كل يوم ولو بالقليل​