اتمنى تفيدوني بالروايات ^^

[••SôFt G!rL‏‏ღ]

السلام عليكم ..
شلونكم بنات شخباركم ..

بنات بعد شوي ان شاءالله بروح المكتبة من زمااااااان موقارية كتب

ابي روايات انجليزية مترجمة للعربي مثل البؤساء وجين اير
رواية ب٦٠٠ صفحة لوووول

بس مابي واحد حب وحدة وهالخرابيط
ابي شي اكشن اثارة شي يحمممس يعني .. فهمتو علي

 

[Miss Basma ..}]

عاملة المنزل . كاثرين ستوكيت
الهارب . ستيفن كينغ
بؤس . ستيفن كينغ
اللحظة الأخيرة . ستيفن كينغ

 

[نبض الجود]

شوفي روايات اجاثا كريستي
دان براون
دانيال ستيل

​

 

[blue ocean]

وعليكم السلام هلا حبيبتي ...​

اقري لـ نيكولاس سباركس رواياته مكسره الدنيا والكل يمدحها​

عن نفسي قريتله روايه وكانت حيل قويه مع ان اللي اعرفه ان اغلب قصصه حب ..​

شوفي اذا ماتبين حب اقري شفرة دافنشي اكشن وكسرت الدنيا لدان براون​

ودوري بعد على رواياته الثانيه اتوقع بعد تعجبج ..​

 

[**BESTGIRL**]

اغاثا كريستي حلووه
وكلها بوليسيه

 

[amami al-kuwai]

دان براون رواياته عجيبه

عندج كاولو بويلو حلوه انا قريت له بس الخيميائي فيها رومانسيه وحب بس مو هذا اساس الروايه

 

[Tom ♥ Jerry]

,


اجآثآ كريستي ♥

 

[احلامى بريئة]

أجاثا كريستى :eh_s(15)::eh_s(15):

 

[ابداع فتاة]

إذا تبين رواية أكشن و جريمة و هالسوالف عند سيدني شيلدون رواياته حدها عجيبة تقريبا أقل من 400 صفحة مثل رواية ذكريات منتصف الليل و رواية هل أنت خائف من الظلام ؟

و في رواية حدها عجيبة لدرجة إن المجرم مستحيييل تتوقعينه رواية :لقد سمعت هذه الأغنية من قبل حق ماري هيجنيز كلارك

أما أجاثا كرستي قريت 3 روايات و إن شاء الله أقرا رواياتها الثانية قريت :
1- خداع المرايا - حلوة و خفيفة
2- لغز الكاريبي - عجيييييبة أكثر وحده حبيتها , ما قدرت أتوقع المجرم , تخيلي طلع المجرم الشخص اللي أنا مستبعدته و اللي أقول عنه إنه بريء و طيب <<< ما أصلح محققه لوول
3- الموعد الدامي - خربطتني الأحداث و ما حبيتها كثر لغز الكاريبي و خداع المرايا​

 

[البارونـه]

دام اعجبوج البؤساء وجين اير معناته ذوقج نفس ذوقي
انصحج ب رواية الاخوه الاعداء لـ جيفري ارتشر من اروووع الروايات الي قريتها , اخذي النسخه الزرقا الكبيره
اطفال الحرية لـ مارك ليفي بعد روووعه
يلا اقريهم وحطي لنا review

 

[البارونـه]

روايات اغاثا كريستي حلوه قريت لها حوالي 7 روايات ماينمل منها
عيبها ان كل الرواية عن جريمه وحده وفيها تشغلين مخج وتتحمسين بس تبين تعرفين من المجرم وشلون صارت الجريمه
عكس الروايات الثانيه الي من النوع الي ذكرتيه، تعيشين باجواها ومع شخصياتها ويكون فيها اكثر من قصه

 

[زوجة ولكن!]

ودي ارد اقرى مره ثانيه

توقفت حياتي عقب الزواج

القراءه و الاشغال اليدويه

 

[كويتية بنفسجية]

روايات اجتماعية .. أنصحج للكاتبة المبدعة ( علياء الكاظمي )

روايات عالم الغموض و الجريمة .. أنصحج للكاتبة المتألقة ( أجاثا كريستي )

روايات عالم ما وراء الطبيعة و عالم الاثارة و التشويق .. أنصحج للكاتب الناجح ( عبد الوهاب السيد )

و بالتوفيق ؛