اتمنى تساعدوني

[رسيل]

السلام عليكم
صباح الكادي كيفكم ان شاء الله تمام
ممكن اطلب منكم مساعده و بدش في الموضوع على طول
بنت خالي في الجامعه اهي محترمه وخلوقه تقول عندها دكتور يدرسهم تقول انه محترم وعاقل ​

وعطها ايمله وصفحته في الفيس بوك وقال اختاري واحد منها وتوصلي معاي وقالت له ليش ​

قال انه معجب بشخصيتك وانك بنت محترمه
واهي محتاره وطلبت رائي وانا مدري شنو اقول وانا اعرف ان بنت خالي عاقله مو مال خربيط​

اتمنى تتفاعلون معاي ​

وكل وحده تحط نفسها في مكانها شنو راح تسوي ​

 

[شقرا كويتيه]

هلا حبيبتي بكل بساطه تقوله انا مومال ايميل وفيس بوك تبيني تعال من الباب واطل ايدي من اهلي هذا كلام البنات العاقلين اما ايميل وخرابيط فهذا يبي يلعب معاها نصيحه قوليلها اللي قلتلج واذا صاج بكلامه بيجيها ويطلب ايدها والله يوفقها

 

[Tulips]

اذا صج معجب فيها ايي يخطبها مو يعطيها صفحته بالفيسبوك ولا غيره

حاله حال الترقيم !!

 

[شذى2007]

خلاص اذا مو مال خرابيط ليش تسأل تمسحهم ولا تدخلهم ولا تكلمه هذي بدايه خطوات الشيطان نصيحه خليها تحفط نفسها وتظل البنت العفيفه اللي ماتكلم احد موكل من اعطى رقم او ايميل الوحده تاخذه فيه شي اسمه حياء وخوف من الله وسمعه الله يوفقها

 

[اميره الجوري]

حياتي اهوا يبي يصيد صيده عليها وعق ب. يقولها طلعي معاي بتقول لا اهوا اهني شنو يبي يتصرف يبي يهددها بالمحادثات الي بينهم وبعدين بتكبر السالف فانا اقول لا تعطيه ويه وهيا كيفها حتي لو يبي يخطبها اهوا اكيييييد متزوج وعنده عيال وكبير بالعمر اهيا ترضي تاخذ واحد اكبر منها بوايد وعنده اعيال لا طبعن اهيا شناقصها جمال ودلال ومال وصغيرة وانا نصيحه لوجه الله لا تعطي ويه واهيا كيفها

 

[love-latee]

خل تدير بالها وايد دكاتره يستغلون منصبهم

 

[المستغفرة 74]

الحذر ثم الحذر واذا معجب على قولته يدش من باب البيت حالة حال الناس

 

[تعبني البطى]

لاتاخذ وتعطي معه ..
دايما الشباب كذا يقولون بالبدايه انا معجب بشخصيتك..:eh_s(14):
امنعيهااااااا لاتدخل
الرجاجيل كلهم زي بعض:eh_s(4):

 

[نهى الأحمد]

اذا صج معجب فيها ايي يخطبها مو يعطيها صفحته بالفيسبوك ولا غيره

حاله حال الترقيم !!

صح لسانج

هذا الكلام الصحيح

 

[روانتي 12]

لا تاخذ ولا تعطي لو يبهاا جان تزوجهاا مو من وراء

و على قولت المثل ( من فوق هالله هالله و من تحت يعلم الله ))

يعني مايندرا ان دكتور ناوي على شي فالحذر واآآجـــــــــب

 

[الغلا كله لبوي]

نصيحه لا تراسله اوتكلمه بعدين راح تندم وماراح ينفع الندم اذا يبيها يخطبها من اهلها

 

[أم توتو]

هذا يسمونه الترقيم المطور تقوله انا ماعندي ايميل وتتحجج له لين تشوف شنو مايته يمكن قاعد يختبرها يشوف رده فعلها اهي حق فيس بوك وخرابيط الله يوفقها

 

[رسيل]

مشكورين حبايبي وماقصرتو
ويعطيكم الف عافيه
وكلامكم عين العقل
وراح ابلغها بكلامكم
والله يجزاكم خييير
دمتم بحفظ الباري

 

[om deaj]

هلا حبيبتي بكل بساطه تقوله انا مومال ايميل وفيس بوك تبيني تعال من الباب واطل ايدي من اهلي هذا كلام البنات العاقلين اما ايميل وخرابيط فهذا يبي يلعب معاها نصيحه قوليلها اللي قلتلج واذا صاج بكلامه بيجيها ويطلب ايدها والله يوفقها

:rerrerek::rerrerek::rerrerek:

 

[ذبت اشكره]

والله ما ادري شقولج بس اذا اهو كبير ما ادري يعني مفروض يحترم شيباته وما يقول هالحجي

 

[مس روبنز]

الـــــــــــــــــــــــبــــــــــــعـــــــــــــــــــــــد​

قوليلها تعوذ من الشيطان وما تقرب صوبه لا بالدراسه ولا ايميل ولا بطيخ​

المفروض تكون حاطه حدود بينها وبينه أكثر من جذي ولا تسمح لأحد يكلمها ولا ترد عليه والله يحميها من كل شر​