- إنضم
- 19 ديسمبر 2008
- المشاركات
- 3,418
- مستوى التفاعل
- 0
- النقاط
- 0
- الإقامة
- ❤ KSA - RIYATH
- الموقع الالكتروني
- www.q8yat.com
السلام عليكم ورحمة الله وبركاته
اهلين كيفكم ؟
بنات انا بدخل بالموضوع على طول
جد جد جد خلاص يا بنات طفح الكيل بشكل مو طبيعي !!
ابغى اسأل بس إلى متى ؟؟ إلى متى هالمواضيع اللي تسئ لنا ؟؟ :0bee2e8d89:
بنات الكل يعرف إني أعشق شي اسمه الكويت !! و أعشق اهلها بشكل جنوني
وما أرضى عليهم !! واللي يغلط عليهم بكلمه كأنو يغلط علي !! وإنتو اهلي وحبايبي ودنيتي و ناسي
بس بنات لو سمحتو بقولكم شي و خلونا واقعيين ..
وحدا تو منزله موضوع ركب سعوديات وطبعن الفيديو يحوم الكبد و مقرف لأقصى درجه ، أنا بس أبغى أفهم شغله وحدا ايش الحاجه اللي مره حلوه عشان تنزل هذا الموضوع ؟
يعني لو الفيديو فيه شي حلو أو مضحك أو فيه إنجاز بقول اوكي مو مشكله ! بس موضوع زي كذا امانه بالعقل يعني ايش الفائده منه ؟ فتنه ؟ امممم الله أعلم !!
الموشكله نفس العضوه اللي حاطه هالموضوع كانت منزله موضوع إنو سعوديات و كويتيات كلنا خوات .... الخ ، طيب ياقلبي انتي ايش هالتناقض ؟؟ معليش بنات اللي ماترضونه على نفسكم لا ترضونه على غيركم لو سمحتو
يعني لو جت وحدا سعوديه وحطت موضوع ركب كويتيات أمانه ايش بتسوون ؟ طبعن راح تقولون لها انتي شكو اصلن ؟ .... الخ
أكيد معاكم حق لانو مو من حقها تنزل موضوع زي كذا عن بنات الكويت الفاضلات
وتكفون لا تجي وحدا تقول انا مو قصدي أتشمت و انا مو قصدي اتهزا بس للغشمره !! أي غشمره تكفين s; اذا هذي غشمرتك لا تتغشمرين مره ثانيه الله يرضى عليك
وكمان وحدا منزله موضوع إنو بلد النفط وحرمه سعوديه وفقر وبطاله وما اعرف ايش !! اوكي الله يرزقها ويكون في عونها ، بس كلامها بالموضوع كان جدن غير ملائم !
الله يعينكم يالسعوديين ..
الحمدلله الذي عافنا
اقروا التعليقات اللي تكشف عن واقع الشعب السعودي المسكين ..
^ ^
أمانه في أحد يرضى إنو يجي أحد يتكلم عن ديرته كذا ؟ بغض النظر اذا كان الكلام صحيح ولا لا !! اوكي عندنا فقر ، عندنا بطاله !! بس ما جينا يا حياتي نشكي لك الحال !
يعني على بلاطه >> إنتي شكو !! قسم بالله كلامها حسسني إنو احنا بـ افريقيا ;/ طيب ياقلبي انتي كل دول العالم المتقدمه والكبرى فيها فقر وفيها بطاله وغيرها من المشاكل مالله بها عليم
ورب الكعبه يا بنات إنو أنا ما احب شي اسمه مشاكل ، ولا ودي تصير حزازيات بينا و بين بعض ، وإنتو تعرفون قد ايش أحبكم و أعزكم و قد ايش أعشق هذا المنتدى
بس بليز خلونا نراعي شعور بعض ولا نسبب مشاكل احنا بـ غنى عنها :*
بنات انا ما اقصد بكلامي انو لحد يكتب عن الثانيين كلش !! انا ياما كتبت مواضيع تخص الكويت بس كلها مواضيع فيها كلام حلو وبعيده عن التجريح في أحد !! وأصلن ينقطع لساني
اذا قلت شي سيئ عن الكويت !! يعني اوكي انتي سعوديه او كويتيه او اماراتيه او بحرينيه او قطريه وبتكتبين شي عن دوله ثانيه ، موضوع حلو ، خبر ، قصه ، أو أي شي اوكي اكتبي و علقي و ردي
الكل حر أنا معاكم بهالنقطه بس لا تتعدين حدودك وتاخذين راحتك بزياده وتعممين على كل الشعب و يوصل موضوعك للاسائه ويسبب بعدين فتنه و هوشه وبالنهايه يتسكر الموضوع وتصير كل وحدا شايله بقلبها على الثانيه !!
اوكي انا بإمكاني إني أرد على هالمواضيع اللي سائت لنا و بإمكاني اتهاوش و أقدر اطوّل لساني وتجي وحدا تفزع وتجي الثانيه وتدافع وتصير حرب ،،
بس بالأخير إيش بستفيد ؟ ماراح أستفيد ولا حاجه !! غير فتنه ، حقد ، مشاكل
وربي كل مره أكتب رد بعدين أستغفر وأستهدي بالله وأرجع أمسحه لأنو انا عارفه انا ايش وعارفه ايش أخلاقي وبالاخير أصلن كلنا خوات ويجمعنا منتدى واحد والأهم يجمعنا دين واحد
عشان كذا صفو قلوبكم يا بنات وقبل تحطون أي موضوع شوفوه من عدت جوانب ، هل انا معاي حق أحط هالموضوع ولا لا ؟ هل ممكن اذا حطيته راح يزعلون مني ولا لا ؟
هل فيه فتنه او بيسبب مشاكل و هوشه ولا لا ؟ قيسوه من جميع النواحي اذا الجواب ايه خلاص انا بغنى عن هالموضوع والاهم محد يزعل مني ولا وحدا تزعل من الثانيه
إذا الجواب لا اوكي توكلي على الله ونزلي موضوعك !
بنات انا جدن اسفه على الاطاله ، وآسفه ع الكلام لانو مو مرتب ، و أصلن ما كان عندي نيه اكتب زي هالموضوع لأنو في كثير بنات كتبو مثله ، بس والله عورني قلبي من اللي قاعد يصير
و والله وبالله وتالله إني أحبكم جميييييييييييييييييعن سواء سعوديات كويتيات امارتيات قطريات بحرينيات عمانيات
الكل الكل على راسي فديتكم ربي يحفظكم ويسعدكم ويخليكم لعين ترجيكم
