اتـمنى تعـطوني رآيكم ؟أقبل من فيهم

[الفراشة 90]

السلام عليك ورحمه الله وبركاته ..

خواتي العزيزاتي بغيت رايكم بموضوع

انا طالبه سنه اولى جامعه عمري 19 سنه .. المهم في شخص انا تعرفت عليه من جات تقريبا من 2009 ووقتها انا كنت في ثاني ثنوي وهو الحين يحبني ويموت فيني بس المشكله ان اناا وياه كله بمشاكل ومشاكلنا كله بسبه طلعاتي مع خواتي او ربعي وهو بهالفتره بدى يغلط على ربعي ويقول انهم ... ومن فتره يهدد يبي يخرب حياه رفيجتي من زوجهاا ان على قولته اهي سبب طلعاتي مع اني ماطلع وياهاا اروح وياها الجامعه وبس اماا حياتي برع الجامعه اهي ماتطلع وياي وقالي مابي وحده نفسج قصده ان وحده تطلع وهلون انا اقوله اللي يبيني يقبل فيني نفس ما انا وانا طلعاتي في الايام العاديه مع خواتي اذا بنروح ناخذ عشى او شي واخر مره تهاوشت وياه يقولي انا شربت بسبتج عقب يغير كلامه لا ماشربت بس افكر او دخنت زقاير
انا وايد تعبت ويااه واحس طول ماانا عرفته اهو ماغير من اسلوبه

الحين بالجامعه من فتره كلمت واحد كنت ابي يقولي شي يخص الدراسه ,, وهالانسان كان محترم وخلوق واايد وانا اكلمه ماكان يحط عينه بعيني
بعدها باسبوع هالشخص كلمني وقالي ان اناا عجبته ويبي يتقدم وان اهو جاد وشاريني ومايبي يكلمني من وراى اهلي قالي انا عندي خوات وخوفي عليج مثل خوفي عليهم مابي احد يتكلم عليج

واانا الحين محتاره شنو اختار هل اتم على الاول او اقبل بالثاني
اتمنى تعطوني رايكم واتمنى من البنات المتزوجين يردون على موضوعي وشنو ينصحوني فيه

 

[ياغفور اغفر لي]

استخيري ربج وتوكلي ع الله
وبعدين مابني ع باطل فهو باطل
وانتي توج باول جامعه اثبتي نفسج بالدراسة شدي حيلج شلج لهالسوالف
الله يهديج حبيبني ويوفقج وينولج ماهو خير لج

 

[غدووو العنزي]

ياحبيبتي اكيدددد اقبلي بالشخص اللي ناوي يتقدملك ولا يبي يكلمك من ورى اهلك



امااا اللي تعرفت عليه بالجات من البدايه بنيتو علاقتكم على حرررام

 

[ޢޢޢإيمانޢޢޢะۣۨ>]

حبيبتي بالنسبه حق الشخص الاول
كان الموضوع من بدايته غلط
ولو صج يحبج ليش ما تقدم لج !!
واذا من الحين يشك فيج ويمنعج من ابسط الاشياء شنو راح يصير بعدين ؟
على الاقل الشخص الثاني جاد من البدايه
قوليله يكلم أهلج وحاولي ما تكثرين معاه بالكلام
وفكري عدل بينج وبين نفسج وصلي استخاره والله يوفقج

​

 

[المرتاحة]

اكيد اللي ناوي يتقدم لج احسن و هذاك الاولي انهي علاقتج معاه

والثاني لا اطولينها معاه خليه يتقدم ولا تاخذين تعطين وياه

وعسى الله يوفقج يا رب

 

[الفراشة 90]

على فكره نسيت اقول شي

انا استخرت اول امس وحلمت ان الشاب الللي معاي بالجامعه تقدم لي وابوي كان واايد مستاانس
واهو في السنه اليديده بيسوي عمليه وبعدها بيتقدم وقال انتي اول بنت بتقدم لهاا

بس انا خايفه من هالموضوع

 

[meme>the best]

اكييييييد الثاني مايبيله كلام يعني الاول علاقتكم حرام وثاني شي يقول اشرب وهالخرابيط استغفرالله بس .. وماقالج بتقدملج واهم شي تعرفينه بالجات يعني مايبيلها سؤال الثاني اكيد باحث عن الأستقرار وياريت تتركين الاول عشان ربج واهلج وعشانج بعد >> مووووفقه^_^*

 

[ام شملاني]

اختي استخيري و اللي فيه خير وصالح لج الله اقدمه ان شاءالله

 

[اميره بعيونه88]

حبيبتي بلاول استخيري

وبعدين اللي معاج بالجاااات امبين عليه موب مضبوط
يقول يشرب وبعدين ينكر شكله راعي خربيط
حاولي تنهين علاقتج فيه عسب لا يسبب لج مشاكل مع اهلج



وصلي صلاة شكر
لانه امبين رب العالمين يبي يبعدج عن الاول

 

[أماني عمري]

واحد ما دخل من الباب و يبي يخرب حياة زميلتج بالجامعة و زميلتج ما لها ذنب بشي و تفكرين تتمين معاه؟ يا بنت الحلال حمدي رب العالمين ما سوى لج مصيبة و طلعيه من حياتج و استخيري بزميلج و شوفي شيصير معاج و ديري بالج من أشكال هالمريض و الله يبعد عنج كل شر

 

[مجنونة هع]

قولي حق الاول ان واحد يبي يتقدم لي وشوفي ردة فعله اذا قال انا احبج قولي تعال تقدم لي واذا قال نطري شوي قولي له خلاص انا بانخطب

 

[غلآ نوآف]

خذيها قاعدة الي يبيج صدق يتقدم لج
وباين الشخص الثاني محترم ومدامه معجب فيج وناوي يتقدم لج
خير وبركة

اما الاولي باين انه غيور ومو واثق فيج
والله يهديج كان المفروض ماتكلمينه
اكيد نظرته لج موحلوة

انهي علاقتج فيه خير شر
واتركييييييييييييه احسن لج

 

[سكوتي بذوقي]

أكيد الثاني

الأول يلعب ياختي

مافيه حب قبل الزواج والعلاقه المحرمه ماتدوم

اللي يبيكِ قال بيطق الباب مو مثل الأول مابادر بأي شي

من نفسك المفروض تعرفين إنه لعاب واقطعي علاقتك فيه

الله يستر عليكِ ويوفقك

 

[اوراق جنجفه]

اول شي بقولج ان الاول اكيد يشرب لانه قال شربت بسبتج وغير كلامه وهو راعى مشاكل اتمنى انج ماطلعتى معاه او صورتى لانه جذى لما تتزوجين بيهددج يا اخذ الي بالى او افضحج وهذى للاسف ضيعت بنات وفيه بنات لا علمو اهلهم وقامو بردعهم
والاهم من هذا كله غيرى تلفونج والرقم واذا عندج ايميل ويعرفه الغيييييه بدون لاتفكرين او تترددين لانه هل شي من مصلحتج ولا تفكرين بيوم من الايام تفتحينه حتى من باب الفضول لان لكل انسان هفوه واحتمال الايميل يكون هو الهفوه
اما بخصوص الثانى من استخارتج هو خير باذن الله وانتى خلاص خليج بين دراستج والبيت وخواتج عادى اطلعى معاهم ومالج شغل بلاخ الي بيفرض عليج فرض الزوج لزوجته وهو اصلا ماله صلاحيه بهل شي ولا تقدم باختصار هذا مايدش مع الباب ينط الدرايش والله يوفقج وين مارحتى يارب ولا يدخل بينج وبين ايا كان عيال حرام قولى امين

 

[الدلـــع كله]

يعني السالفه مايبيلها استشارة بصراحه ..
علاقة حرام وتفكرين تستمرين فيها
وفوق كل هذا الله يبي يستر عليج ودزلج الريال المحترم اللي يايج من الباب ويبي يتقدملج وبعد محتارة ..
بصراحة شي غريب....

استغفري ربج ووافقي على اللي المحترم

 

[sosowaty]

مبين حدة ان الاول قاعد يلعب و شنو بشرب و هسوالف ووويع مبين عليه حده هيلقي
و حرام بالي اتسوينه و اتقي ربج

 

[الفراشة 90]

الف شكر لكم خواتي العزيزات

ردودكم اسعدتني وتواجدكم في صفحتي اسعدني

وانشالله باقبل بالشاب الجامعي

 

[" ام حمود "]

حبيبتي حب من الجات ماكو حجي فاضي
اخذي الثاني والله يوفقج

 

[Only One]

انزين الاول ما تقدم لج عشان تحتارين امبينهم!

بصراحة الامر ما يحير اكيد الثاني

 

[FeShinGoOo]

اختاري الي تحسينه انسب لج