اتعقدت ساعدوني بليز

[حواء الكون]

بنات صار لي اكثر من سنتين وادور على خشب السدر او حطب السدر ماني لاقيته وين الاقيه ماعندي احد من السعوديه اييب لي منه

وايد سألت يقولون لازم عندج سدره زين اشلون انا ماعندي رفيجتي عندها بس استحي اطلب منها ومستحيييل اطلب منها مو من حقي اصلا

يعني انا عرفت ناس حصلوها بدون ما تكون عندهم شجرة السدر

دلوني لو تعرفون وشكرا لكم

 

[الكشخه]

روحي المشاتل واشتري سدره وازرعيها في بيتكم

 

[حواء الكون]

ما الاقي عندهم سدره شوي تكون كبيره ؟؟

 

[مايكبرني لقب(الشمرية)]

ليش تبينها ؟
مافهمت

 

[حواء الكون]

عرفت ان لها طريقة تضعف الجسم وتشده بشكل كبير

ومطهره للجسم ... فابي احصلهااااااااااااااااااااااا

 

[أم جوري]

السلام عليكم ورحمة الله وبركاته

تقصدين قشور جذع السدرة صح ؟

اذا تبين بيت اهلي فيه اكبر سدرة بالكويت

بس علمينا الطريقة بالاول ( نحاسة )

جد جد اذا تبين قولي لي

 

[حواء الكون]

السلام عليكم ورحمة الله وبركاته

تقصدين قشور جذع السدرة صح ؟

اذا تبين بيت اهلي فيه اكبر سدرة بالكويت

بس علمينا الطريقة بالاول ( نحاسة )

جد جد اذا تبين قولي لي

يمكن تكون قشور الجذع او كسرات من حطب السدر يعني جذوعها الظاهر !

السودانيات خبره فيها

حبيبتي والله ياريت احصل :eh_s(6): بس باذيكم كل شهر قاطعه جذع خخخخ ما انعطا ويه بس ما ادري الاهل من وين يابوا السدره خاطري ازرع وحده وتكون وسط مو وايد صغيره على ما انطرها اكون نسيت الموضوع

واذا عالطريقه اكتبها لج حرفيا ولايهمج :eh_s(6): وانا واثقه من نتيجتها لان السدره شجره مباركه

اهي طريقتها باختصار تتبخرين في الحطب هذا وتشربين بعدها عصير ليمون فريش ينقي السموم من جسمج

وطبعا الطريقه عندي بالتفصيل الممل

واهي على فكره ممتازه جدا للمتزوجات ..... وتضعف وتزيل الكرش مع الاستمرار فيها

ولها فوائد اخرى خاصه بالمرأه

 

[العـذوب]

يا حبيبتي موب القشور .. الله يهديج القشور ما منها فايدة .. هي تقصد ورق السدر ..


شوفي حبوبة .. هذي الشغلة جايدة وتبيلها قلب ..


بالأول اتيبين مزارع يقطع لج غصون من السدر ( اللي هي الكنار عندكم بالكويت) ..

ولو حوشكم عود انصحج افرشي جم كيس زبالة ( عزج الله) وحطي الغصون فوقها .. وحاولي تثبتينهم بشيء .. خلي المزارع يلفهم بحبل ..

بعد عشر أيام تقريبا بتلاحظين الغصون والورق جفوا ..

قومي ( اعسفي ) الغصون يعني اضربيهم بطريقة يطيح منهم الورق على خيشة كبيرة ..


بحيث يطيح الورق الجاف على الخيشة .. وهو المكطلوب الورق الجاف ...


المهم بعد ما تتأكدين إن الورق الجاف طاح كله على الخيشة حاولي تحطينه في صحن وتنقين قطع الخشبي الكبيرة ..
بععدين اضربيهم في الهاون شوي .. وحطي الناتج في سلطانية عوده وهزي السلطانية بتلاقين الخشب الصغيريتجمع فوق ..


ارمي الخشب والقشور الصغيرة قد ما تقدرين حاولي يكون الورق النظيف هو اللي باقي ..


بعدين اطحنيهم إذا عندج طحانة أو وديهم مطحنة وخليه يطحنهم بس احسبي احسابج ان الكمية بتطلق قليقة .. كل ما كثرتي الأغصان والورق كل ما زادت الكمية ..


المهم الناتج من الورق هو المطلوب .. هذا تقدرين تخلطينه بالماي ( مقدار صغير منه) وتحطينه على الجسم قناع لحد ما ينشف بعدين تتشطفين بالماي يشد الجسم ويعطيج ليونه .. ووايد رهيب للشعر سويه مثل حمام الزيت وخليه كم ساعة .. بتلاقين شعرج تغير ..



أعتقد بتلاقينه جاهز عند العطارين .. نحن موجود عندنا جاهز انيبه من عمان .. بس ما أدري في الكويت كيف وضعه ..

 

[كتكوته كويتيه]

أوراق السدر موجوده عند الحواج