السلام عليكم ورحمة الله ,,
أعتذر لو طولت عليكم لكن من زود الحرة اللي فيني .. وبدخل بالموضوع على طول ..
أنا برغم مشاكلي الكثيرة مع أهل زوجي ومع مرت حماي ومع الناس
اكتشفت متأخر انه مشكلتي الحقيقية مع زوجي وحده !!!
زوجي هو مصدر تعاستي على مدار أربع سنوات كاملة .. ومادري عقب هالسنين أتركه والا أكمل معاه
وأعرض نفسي لمشاكل صححية ونفسية وعصبية .. غير شماتة الشامتين وحقد الحاقدين !!
بحكيلكم بكل صدق وبدون مزايدة عشان تشورون علي .. أنا بنت الله عطاني قدر معين من الجمال ولله الحمد
وهالشي يمكن خلاني محط أنظار الناس وسببلي مشاكل بعد زواجي ,, تزوجت وعمري 17 سنة !!
ودرست الجامعة بعد زواجي وانشغلت بالدراسة بحكم اني متفوقة من صغري + اني تأخرت بالحمل بسبب زوجي
طبعاً حبي لزوجي (بالبداية) خلاني أنسى موضوع الحمال واشغل نفسي بالدراسة ,, واتغاضى عن مشاكل أمه
اللي هي عمتي أخت ابوي !! وانسى مشاكل مرت حماي وانحياز عمتي وحمواتي (الشدييييد ) لها ووقوفهم ضدي بأغلب المواقف
أنا صحيح تفوقت عليهم بالجمال والأناقة والعلم والقبول عند الناس وهذا اللي خلاهم يحاولون يشوهون سمعتي عند الناس
مابقى حد بالدوحة ما شكتله مني دايماً يشيعون عني كلام موب زين ويصوروني بصورة تنفر الناس مني ,,
ويوصلني كلام وتجريح وايد وأتغاضى عنه
مرت حماي ما كملت تعليمها وحمواتي خوات ريلي ما كلموا تعليمهم ووحدة منهم دشت معاي الجامعة وطلعت منها
هالشي خلاني أعذر عمتي يوم تقعد تقولي ع الطالعة والنازلة : ( اللي يشوفج يقول محد درس الا انتي !! وغيرج درس
وجابوا عيال وانتي ماوراج شغل ولا مشغلة غير الجامعة و.. الخ ) وتنغزلي بسالفة العيال والخلفة !!
قلت يمكن لأنه تشوف بناتها محد منهم افلحت بتعليمها وانا ادرس والكل يشهدلي بتتفوقي العلمي , مو مشكلة
لكن توصل انها تزيدها علي كل ما سكت عنها (عشان خاطر زوجي ) وتجرح فيني بكلام كبير ,, لا وتتصل على
اختي الكبيرة تشكيلها مني بكلام اقسم بالله ولا شي منه صحيح .. كذب عيني عينك !!! وتعايرني بموضوع العيال كل شوي
تقول لأختي اني على طول ماده البوز ومخيسة النفسية عليهم بسبة انه فخاطري ولد !! وتقول منين أجيبلها عيال يعني ؟؟
أنا اللي عمري ماجبت طاري العيال قدامها بالعكس عيال حماي أحبهم والاعبهم جدامها ,, وطول الوقت ابتسامتي ما تفارقني
اعاملهم بكل احترام واسمع منها كلام يحرق الدم وما أرد بكلمة حتى عمري ماحسستهم بضيقتي أو زعلي لو كنت متضايقة بعكس مرت حماي اللي يموتون فيها لأنها أم الولد
على طول بوزها شبرين ومعصبة بسبب وبدون سبب واشوفها تتهاوش مع الكل لدرجه مره طقت أخت زوجي بالنعال الله يكرمكم !!!
بالنسبة لعمتي المشكلة انها تدري ان العلة من ولدها وانه مايجيب عيال ومع ذلك قالتلي مرة ( الريال لو ما جاب عيال من مرته بيجيبهم من غيرها!! )
والله يابنات لو أحكي من اليوم لين بكرة عن سوالفها وسوالف بناتها ومرت ولدها معاي ماراح أخلص ....
الحين المشكلة الكبيرة من كل هذا هو زوجي !!
ايه نعم زوجي اللي برغم صبري عن مشكلته في عدم الانجاب وتهاونه في العلاج (ما يستمر على علاج ولا همه أصلاً يجيب مني عيال)
غير اهماله لي وسلبيته في حل مشاكلي مع أهله كنت اشوفه دايم يسكت ,, واذا تدخل يتدخل بطريقة غبية !!
أحسه متعمد يزيد الموضوع سوء ,, غير انه يتجنب يدللني أو يعاملني زين قدام اهله مادري يتفشل منهم والا يخاف يزعلهم
يدري ان سعادتي مصدر ضيق لهم ومع ذلك للحين يراعيهم !! أي أهل ذيلا اللي مايحبون يشوفون ولدهم مستانس مع مرته !!
وموضوع الفلس حدث ولا حرج .. كل ماطلبته شي يقولي مفلس راتبه يخلص من أول اسبوع مع العلم انه مسكني عند أهله
وماعنده أي مسؤوليات او شي يصرف عليه .. يعني راسي وراسه وراتبه 18 ألف ريال يعطيني منهم أول الشهر مبلغ بسيط
مايتعدى ألفين او 3 الاف وبعد اسبوع يبتدي يسترجعهم بالتدريج ,, مرة ماعندي فلوس مرة كنت مديون لفلان ورجعتله فلوسه
مرة ضيعت الفلوس ...الخ واصير أنا اللي اصرف عليه واتدين من اختي بعد !!!!!
انسان ماعنده حس بالمسؤولية أحس اني متزوجة بزر مع انه بالـ 28 سنة !! لكن اسلوب حياته مايعطي انه رجال ناضج
آخر موقف اللي فجرني صح هو مع أمه في آخر مشكلة بيني وبينها قالت عني كلام جارح يخص موضوع العيال
طلعتني حقودة ومعقدة ومريضة نفسياً وخاطري فولد ,, وتقول اني مضيقة على عمري وعلى ولدها المسكين
بسبت حرماني من العيال وقالت لاختي "ما عليه نسويلها أنابيب اذا تبي بس تخف على نفسها وعلى ولدي" >> كلش عاد
علطول تبي تحسسنا انه موقفي ضعيف مع ان الكل يدري ان فحوصاتي كلها سليمة وشافتها بنفسها
المهم اللي ضايقني يوم قالت لاختي انه حتى ريلي يقول (يمه خليها بحالها هي بروحها مضغوطة وتعبانة نفسياً تبي ياهل ) !!
أنا فعلاً ودي أجيب عيال واكون أسرة لكن أنا متفقة معاه اني ما أبين هالموضوع ودايما اقول جدام اهله
انه احنا مأجلين سالفة العيال لين اخلص دراستي وانه توني صغيرة ,, وفعلاً أنا عمري ماتعدى الـ 20 سنة !!
قلت له مليون مرة انهم دايم يتشمتون فيني ويقطون نغزات فما نبي نبين لهم انحنا مستعجلين ع الخلفة وطبعاً وافق
لأن هالشي من صالحه .. وحده غيري كانت فضحته قدام اهلها من أول مشكلة وقالت انه مو مال مسؤولية وما يبي يتعالج حتى .. الخ
الحين هو نفسه يكذب علي ويقول حق أمه كلام يضرني ويخليها تتصور اني احسد واحقد عليها وعلى مرت حماي
وتبني كل تصرفاتي على اوهامها اللي سببها ولدها !! مع انه للحين يحلف لي
ومصرّ انه ماقال هالكلام قدام أمه وانه مثل ما اتفقنا دايم يبين لهم اني ما أفكر بالخلفة لين عقب التخرج
من أصدق ؟؟ عمتي اللي سبق واكذبت علي وألفت عني قصص وحكايات مالها أساس من الصحة
والا زوجي اللي أتوقع منه أي شي واعرف انه انسان غير مبالي
ولا عنده احساس بالمسؤولية , ويتهرب من مواجهة أمه اللي لو واثق من نفسه كان راح لها وقال لها ليش تقولين حق
اخت زوجتي كلام غلط عني وتفتنين بيني وبين زوجتي وتدمرين علاقتنا >> أكثر ماهي مدمرة
يا بنات فكرت واجد بموضوع الطلاق لكن كل مرة أتردد .. تخيلوا اني للحين ما خبرت اهلي بالموضوع غير وحدة من خواتي
عندها علم .. مابي أكرّه أهلي فيه خصوصاً ان ابوي وعمتي اخوان مابي اخرب علاقتهم + انه اهلي يقدرون ريلي وعمتي حيل
ولو وصلت السالفة لأبوي مارح يرضى بالغلط ولا بيطوفها لزوجي ولأمه .. وراح يحط الحق علي لأني صبرت عليه وماخبرتهم
ترى فيه أشياء واااااااااااااااايد صارتلي من تحت راسهم بس حبيت اختصر قد ما أقدر
شوروا علي .. اضيع وقت أطول مع انسان أدري انه مارح يتغير وحمولة ما منهم مفر ومافي أمل اطلع من بيتهم عن قريب
والا أشتري راحتي واتطلق واشوف حياتي ,, لعل وعسى يجيني انسان يقدرني ويسعدني ؟؟؟
شوروا علي الله يسعدكم
أعتذر لو طولت عليكم لكن من زود الحرة اللي فيني .. وبدخل بالموضوع على طول ..
أنا برغم مشاكلي الكثيرة مع أهل زوجي ومع مرت حماي ومع الناس
اكتشفت متأخر انه مشكلتي الحقيقية مع زوجي وحده !!!
زوجي هو مصدر تعاستي على مدار أربع سنوات كاملة .. ومادري عقب هالسنين أتركه والا أكمل معاه
وأعرض نفسي لمشاكل صححية ونفسية وعصبية .. غير شماتة الشامتين وحقد الحاقدين !!
بحكيلكم بكل صدق وبدون مزايدة عشان تشورون علي .. أنا بنت الله عطاني قدر معين من الجمال ولله الحمد
وهالشي يمكن خلاني محط أنظار الناس وسببلي مشاكل بعد زواجي ,, تزوجت وعمري 17 سنة !!
ودرست الجامعة بعد زواجي وانشغلت بالدراسة بحكم اني متفوقة من صغري + اني تأخرت بالحمل بسبب زوجي
طبعاً حبي لزوجي (بالبداية) خلاني أنسى موضوع الحمال واشغل نفسي بالدراسة ,, واتغاضى عن مشاكل أمه
اللي هي عمتي أخت ابوي !! وانسى مشاكل مرت حماي وانحياز عمتي وحمواتي (الشدييييد ) لها ووقوفهم ضدي بأغلب المواقف
أنا صحيح تفوقت عليهم بالجمال والأناقة والعلم والقبول عند الناس وهذا اللي خلاهم يحاولون يشوهون سمعتي عند الناس
مابقى حد بالدوحة ما شكتله مني دايماً يشيعون عني كلام موب زين ويصوروني بصورة تنفر الناس مني ,,
ويوصلني كلام وتجريح وايد وأتغاضى عنه
مرت حماي ما كملت تعليمها وحمواتي خوات ريلي ما كلموا تعليمهم ووحدة منهم دشت معاي الجامعة وطلعت منها
هالشي خلاني أعذر عمتي يوم تقعد تقولي ع الطالعة والنازلة : ( اللي يشوفج يقول محد درس الا انتي !! وغيرج درس
وجابوا عيال وانتي ماوراج شغل ولا مشغلة غير الجامعة و.. الخ ) وتنغزلي بسالفة العيال والخلفة !!
قلت يمكن لأنه تشوف بناتها محد منهم افلحت بتعليمها وانا ادرس والكل يشهدلي بتتفوقي العلمي , مو مشكلة
لكن توصل انها تزيدها علي كل ما سكت عنها (عشان خاطر زوجي ) وتجرح فيني بكلام كبير ,, لا وتتصل على
اختي الكبيرة تشكيلها مني بكلام اقسم بالله ولا شي منه صحيح .. كذب عيني عينك !!! وتعايرني بموضوع العيال كل شوي
تقول لأختي اني على طول ماده البوز ومخيسة النفسية عليهم بسبة انه فخاطري ولد !! وتقول منين أجيبلها عيال يعني ؟؟
أنا اللي عمري ماجبت طاري العيال قدامها بالعكس عيال حماي أحبهم والاعبهم جدامها ,, وطول الوقت ابتسامتي ما تفارقني
اعاملهم بكل احترام واسمع منها كلام يحرق الدم وما أرد بكلمة حتى عمري ماحسستهم بضيقتي أو زعلي لو كنت متضايقة بعكس مرت حماي اللي يموتون فيها لأنها أم الولد
على طول بوزها شبرين ومعصبة بسبب وبدون سبب واشوفها تتهاوش مع الكل لدرجه مره طقت أخت زوجي بالنعال الله يكرمكم !!!
بالنسبة لعمتي المشكلة انها تدري ان العلة من ولدها وانه مايجيب عيال ومع ذلك قالتلي مرة ( الريال لو ما جاب عيال من مرته بيجيبهم من غيرها!! )
والله يابنات لو أحكي من اليوم لين بكرة عن سوالفها وسوالف بناتها ومرت ولدها معاي ماراح أخلص ....
الحين المشكلة الكبيرة من كل هذا هو زوجي !!
ايه نعم زوجي اللي برغم صبري عن مشكلته في عدم الانجاب وتهاونه في العلاج (ما يستمر على علاج ولا همه أصلاً يجيب مني عيال)
غير اهماله لي وسلبيته في حل مشاكلي مع أهله كنت اشوفه دايم يسكت ,, واذا تدخل يتدخل بطريقة غبية !!
أحسه متعمد يزيد الموضوع سوء ,, غير انه يتجنب يدللني أو يعاملني زين قدام اهله مادري يتفشل منهم والا يخاف يزعلهم
يدري ان سعادتي مصدر ضيق لهم ومع ذلك للحين يراعيهم !! أي أهل ذيلا اللي مايحبون يشوفون ولدهم مستانس مع مرته !!
وموضوع الفلس حدث ولا حرج .. كل ماطلبته شي يقولي مفلس راتبه يخلص من أول اسبوع مع العلم انه مسكني عند أهله
وماعنده أي مسؤوليات او شي يصرف عليه .. يعني راسي وراسه وراتبه 18 ألف ريال يعطيني منهم أول الشهر مبلغ بسيط
مايتعدى ألفين او 3 الاف وبعد اسبوع يبتدي يسترجعهم بالتدريج ,, مرة ماعندي فلوس مرة كنت مديون لفلان ورجعتله فلوسه
مرة ضيعت الفلوس ...الخ واصير أنا اللي اصرف عليه واتدين من اختي بعد !!!!!
انسان ماعنده حس بالمسؤولية أحس اني متزوجة بزر مع انه بالـ 28 سنة !! لكن اسلوب حياته مايعطي انه رجال ناضج
آخر موقف اللي فجرني صح هو مع أمه في آخر مشكلة بيني وبينها قالت عني كلام جارح يخص موضوع العيال
طلعتني حقودة ومعقدة ومريضة نفسياً وخاطري فولد ,, وتقول اني مضيقة على عمري وعلى ولدها المسكين
بسبت حرماني من العيال وقالت لاختي "ما عليه نسويلها أنابيب اذا تبي بس تخف على نفسها وعلى ولدي" >> كلش عاد
علطول تبي تحسسنا انه موقفي ضعيف مع ان الكل يدري ان فحوصاتي كلها سليمة وشافتها بنفسها
المهم اللي ضايقني يوم قالت لاختي انه حتى ريلي يقول (يمه خليها بحالها هي بروحها مضغوطة وتعبانة نفسياً تبي ياهل ) !!
أنا فعلاً ودي أجيب عيال واكون أسرة لكن أنا متفقة معاه اني ما أبين هالموضوع ودايما اقول جدام اهله
انه احنا مأجلين سالفة العيال لين اخلص دراستي وانه توني صغيرة ,, وفعلاً أنا عمري ماتعدى الـ 20 سنة !!
قلت له مليون مرة انهم دايم يتشمتون فيني ويقطون نغزات فما نبي نبين لهم انحنا مستعجلين ع الخلفة وطبعاً وافق
لأن هالشي من صالحه .. وحده غيري كانت فضحته قدام اهلها من أول مشكلة وقالت انه مو مال مسؤولية وما يبي يتعالج حتى .. الخ
الحين هو نفسه يكذب علي ويقول حق أمه كلام يضرني ويخليها تتصور اني احسد واحقد عليها وعلى مرت حماي
وتبني كل تصرفاتي على اوهامها اللي سببها ولدها !! مع انه للحين يحلف لي
ومصرّ انه ماقال هالكلام قدام أمه وانه مثل ما اتفقنا دايم يبين لهم اني ما أفكر بالخلفة لين عقب التخرج
من أصدق ؟؟ عمتي اللي سبق واكذبت علي وألفت عني قصص وحكايات مالها أساس من الصحة
والا زوجي اللي أتوقع منه أي شي واعرف انه انسان غير مبالي
ولا عنده احساس بالمسؤولية , ويتهرب من مواجهة أمه اللي لو واثق من نفسه كان راح لها وقال لها ليش تقولين حق
اخت زوجتي كلام غلط عني وتفتنين بيني وبين زوجتي وتدمرين علاقتنا >> أكثر ماهي مدمرة
يا بنات فكرت واجد بموضوع الطلاق لكن كل مرة أتردد .. تخيلوا اني للحين ما خبرت اهلي بالموضوع غير وحدة من خواتي
عندها علم .. مابي أكرّه أهلي فيه خصوصاً ان ابوي وعمتي اخوان مابي اخرب علاقتهم + انه اهلي يقدرون ريلي وعمتي حيل
ولو وصلت السالفة لأبوي مارح يرضى بالغلط ولا بيطوفها لزوجي ولأمه .. وراح يحط الحق علي لأني صبرت عليه وماخبرتهم
ترى فيه أشياء واااااااااااااااايد صارتلي من تحت راسهم بس حبيت اختصر قد ما أقدر
شوروا علي .. اضيع وقت أطول مع انسان أدري انه مارح يتغير وحمولة ما منهم مفر ومافي أمل اطلع من بيتهم عن قريب
والا أشتري راحتي واتطلق واشوف حياتي ,, لعل وعسى يجيني انسان يقدرني ويسعدني ؟؟؟
شوروا علي الله يسعدكم
التعديل الأخير:
