اترك الدراسه ؟؟؟؟؟

[بلقيسو الحلوه]

بنات انا عمرى 17 سنة وبالتدقيق بعد شهر ونص ادش ال18 وبصراحه امانة اكره الدراسه ايه اكره الدراسه لاتستغربون خصوصا انى وحيده من وانا فى الابتدائى ماعندى ربع فى المدرسه وجذى الى لحين الثانويه فقررت اطلع من المدرسه بس طبعا مو عشان لهالسبب التافه لا لو جذى جان نص البنات بالكويت مايدرسون :d لا لا


بس لان تعرفت على رفيجه استغف الله بويه طلعت وانا انصدمت بنات عرفتو شعور لمن اول مره تتعرفين على رفيجه تطلع ماتبيج الا على مصلحه انا انصدمت خصوصا فوق هذا انا غبيه ومفهيه مااعرف الرياضيات ولا الفيزيا مخى مخ بلاك بيرى مخ افلام مخ بلعه مخ سوالف مخ حش بالبنات هههههه مخ موضه مخ ميك اب مخ عطورات مو هالاشياء وانا محتاره وخايفه علما ان من فتره خطبنى رفيج اخوى على اساس ان بعد ماخلص الفصل الدراسى الثانى بس الله ماكتب نصيب توفى الله يرحمه ويغمد روحه الجنه

وبصراحه بدون زعل انا كنت احبه واااااايد وكان ماشالله عليه شنو ملاك يهبل احلى منى بعد وبدون مبالغه







بنات شرايكم نصحونى ارجو الافاده

 

[mona q8]

رد : اترك الدراسه ؟؟؟؟؟

حاولي تبتعدين عنها ولا تقربين منها
صدقيني اهم شي الدراسه اذا ليم الحين ماتزوجتي خلج لاهيه بالدراسه احسن لج
بس انا مافهمت انتي حاولتي تبتعدين عنها؟

 

[وحشتوني وحشتوني]

رد : اترك الدراسه ؟؟؟؟؟

حرام مابقى لج شي وتخرجين ضغطي على نفسسسسسج شوي بس شوي وتخرجين وان شاء الله فتره وتعدي صدقيني

الله يوفقج و يررررزقج بالزوج الصالح

ولا تفكرررررين تخلين المدرسه بهالعمررر بعدين اتحسفين وتندمين


كملي وتوكلي على الله ....

 

[Ameeraaaaaa]

اهم شي بالدنيا للبنت
الشهااااااااااااااااااااااااااااااادة
لان الشهادة تكفيج عدر الزمان
حاولي تركزين في الدراسة وشيلي من راسج الافكار السلبية انج غبية وانج ما تفهمين
وطبعا بعدي عن رفيقة السوء
موفقة

 

[لغه عربيه]

بس الله ماكتب نصيب (( توفـــــى الله يرحمه ))


_____________________________________________________________________________________________________________________\
الله يرحم والديج اذا انخطبتي لا توافقين

حرام عليج رااااح يمــــــوت !

والدراسة لا تركينها لانها احلى شي بالحياة .. الشهادة تعطيج قيمة بالمجتمع !!!!!!!!!!!!!!!!!!!!!!!!!!!

 

[spanish-girl]

حبيبتي ماكو اه من الدراسة الحين الزمن زمن شهايد والله كملي دراستج وتعوذي من ابليس

 

[ترانيم القصيم]

هلا و غلا حبيبتي ,, وشلونك ,, عساك طيبة ,,

إذا تركتِ الدراسة ,, أكثر شخص يبي يتحسّف أنتِ .. ^_^

ممكن مهوب الآن ,, و إنّما بعديـن , لامنك كبرتِ و شفتِ زميلاتك متخرجات و معهن شهايد و وظايف

و أنتِ بلحالك في البيت ,, ممكن ما يتقدم لك أي شاب ( ما أتفاءل عليك بالشر ) و إنما أدرجه كـ احتمال

حتى تعملين حسابك يا الغاليـة ,, أنا حاسة فيك يا قلبي خاصّةً إني مريت بلحظة الفتور آللي أنتِ تمرّين بها

و كان ودّي أترك المدرسة و حالتي حالة ,, بس أمّي و أخوي الكبير شدّوا علي ألين تخرّجت و دخلت الجامعة

و الحمد مبسوطة كثير و ما علي خلاف :eh_s(15): , و لامني ذكرت الموقف بالحيل أضحك على نفسي

و أحس إنّ مجنونة لامني فكرت بكذا :eh_s(16): ..

فـ انتبهي على نفسك يا الغاليــة ,, و بخصوص البنت المسترجلة اقطعي علاقتك بها ,

جلوسك وحيدة , خيرٌ لك من مجالستك لرفيق السوء :eh_s(7):

احترامي و تقديري

ترانيم القصيم

 

[Johnson]

لما كنت بعمرج كنت اقول نفسج .. مابي ادرس وماحب ومخي مو جذي
بس لما كبرت وشفت ان لا الموضه ولا البلاك بيري ولا شي ينفعني غير دراستي
حمدت ربي الف مره اني كملت دراسه ,,,
باجر بيعايرونج ويقولون لج يا الجاهله يالاميه ,, تدرين ليش لان محد الحين ماعنده شهادة ثانويه
الناس تفكر تدرس برا واللي بفكر بالماستر وانتي ثانويه وماتبين تكملينها الله يهداج بس
ظغطي على روحج محد بيفيدج غير الشهاده ماتدرين شيصير بهالزمن اللي يخرع

 

[سارونه*المزيونه]

رد : اترك الدراسه ؟؟؟؟؟

انا بعد مثلج وايد اكره الدرااسة

 

[~ FOOSY ~]

رد : اترك الدراسه ؟؟؟؟؟

ما بقى شي وتتخرجين ..

قعدي لا تتهدين الدراسه لان ما ينعج اللا دراستج ..

بعدين بتندميين

 

[د.شريفة]

لا تفكرين جذي اهم شي دراستج
وشهادتج
اهي اللي راح تنفعج مضايقتج هالبنت نقلي روحي مدرسة ثانيه بس لاتفكرين تتركين والله يوفقج يارب

 

[بعدالعسريسرين]

حبيبتي الشهاده بالهاالزمن اهي امج وابوج واهلج وريلج وعيالج
بعيدالشر عن الجميع اليوم اهلج موجودين كل شي خاطرج فيه يوفرونه لج
ماتحتاجين حق احد من جذي تحسين الدراسه مومهمه السن هذا انسب وقت تكملين
فيه لاريل ولاعيال ولاشي يشغلج عن دراستج فكري لبعدين الحياة صعبه ماتضمنين
حياتج بعد10سنوات من وين بتعيشين وباجر لي يوعيالج ماظن تحبين تشوفينهم
اقل من غيرهم عيال الفريج رايحين لارقى الدول وعيالج حتى لبس سنع ماتقدرين
عليه الريل مودايم يصيرمعج يامابنات من ياهم الريل طاومعاه وهدودراستهم
باالبديه اوكي بعد كم سنه يابوصوبة يهال والريل يامطلق يامتزوج2والمره حتى
قوطي الحليب بالحسره عليها
فكري عدل شتحبين الكل يتصدق عليج ولا موظفه وانتي تصدقين ع غيرج
والله يوفقج

 

[بعدالعسريسرين]

حبيبتي الشهاده بالهاالزمن اهي امج وابوج واهلج وريلج وعيالج
بعيدالشر عن الجميع اليوم اهلج موجودين كل شي خاطرج فيه يوفرونه لج
ماتحتاجين حق احد من جذي تحسين الدراسه مومهمه السن هذا انسب وقت تكملين
فيه لاريل ولاعيال ولاشي يشغلج عن دراستج فكري لبعدين الحياة صعبه ماتضمنين
حياتج بعد10سنوات من وين بتعيشين وباجر لي يوعيالج ماظن تحبين تشوفينهم
اقل من غيرهم عيال الفريج رايحين لارقى الدول وعيالج حتى لبس سنع ماتقدرين
عليه الريل مودايم يصيرمعج يامابنات من ياهم الريل طاومعاه وهدودراستهم
باالبديه اوكي بعد كم سنه يابوصوبة يهال والريل يامطلق يامتزوج2والمره حتى
قوطي الحليب بالحسره عليها:krkrkr::bbbiu:
فكري عدل :bbbiu:شتحبين الكل يتصدق عليج ولا موظفه وانتي تصدقين ع غيرج
والله يوفقج:ggdw:

 

[*احلام*الدجى*]

الفلوس تروح المنصب يروح الناس من حولج تروح الا الشهاده ترفع راسج بكل مكان باجر تبجييييين ندم لي قعدتي بطاليه لا شغل ولا مشغله وحولج المهندسه والدكتوره

حبيبتي حياتج الاجتماعيه تقدرين تبدينها الحين و بالجامعه مو مشكله عااادي تلقين اللي مثل شخصيتج ولي اشتغلتي همن غصبن عليج تحبين اللي حولج لانج بتقضين عمرج وياهم بالشغل بس لي قعدتي بالبيت وبعدين ؟؟؟؟ شتسوين ؟؟؟ لا رفيجه ولا معاش ولا شهاده ولا تطلعين الصبح تغيرين جو بالشغل بتزهقيييين كل يوم روتين ما راح تحسين بطعم العطله وحلاتها ... كل يوم بيصير نفس اللي وراه

وشنو يعني رافجتي وحده وطلعت بويه ؟؟ وقفت الدنيا يعني !! الله يهديها ما عليج منها وخري عنها واذا وحده استغلتج عشره يحبونج لذاتج بس حاولي تحتكين بالبنات عشان تلقين اللي ترافجينها وتستاهل صداقتج

وانا بعد اكره الدراسه امي تكرهها اختي تكرهها رفيجتي تكرهها ابوي يكرهها بس كلنا عندنا شهايد الحمد لله كملنا سنين قضيناها بالسهر والحفظ والحل واحلى من شعور التكريم مااااكو ساعتها صج بتحسين ان التعب فاد وهال12 سنه بتعبها بنيتي مستقبلج كله بنيتي سنين لج ولعيالج من صجج تضيعين كل هالتعب عشان ما تحبين الدراسه !!!!!

 

[ZOHOR]

على اللاقل بس ثانوية يكون عندج احسن من المتوسطة الحين يا يبون ثانوية ولا دبلوم وجامعة الوظيفة مايبون متوسطة ...


محد راح ينفعج بعدين اهم شي ثانوية صدقيني اسم مخلصه...

 

[فـــخـــر]

بهالوقت اللي ماعنده شهاده يضيييييع

بتستانسين اول الايام بعدين اتحسفين

قد شعر راسج مابقى لج شي حرام

والله تتركين الدراسه

 

[الليدي ديانا]

محد ينفعج الا دراستج

 

[BoxCouture]

رد : اترك الدراسه ؟؟؟؟؟

حبيبتي اهم شي شهادتج لاتفرطين فيها

ماتدرين باجر شنو ناطرج بالمستقبل خليها عزوه لج

خلي عنج سوالف الخرابيط والبلاك بيري وركزي بدراستج

ترا بتندمين بعدين والله

 

[منار البربرية]

رد : اترك الدراسه ؟؟؟؟؟

ماني عارفه شنو السر في هالعمر 17 سنه والله انا رسبت 3 سنين
وظروفي كانت مو حلوة كلش​

لكني كنت اكبر من الفشل والظروف​

حولت مدرسه ثانية وغيرت طريقتي بالدراسه بس انا عكسج كنت شاطره فجأه انتكست
بس الحمدالله جبت نسبه ودشيت الجامعه
وانقبلت بالكلية اللي ابيها بالرغم من عيوبها بس اسمي سويت شي بحياتي ​

نصيحتي لج من مجرب لا من طبيب ​

انا مريت بمشاعر الكره وحتى الحين بالجامعه بس احاول التجارب السابقه ما تأثر علي عرفتي ​

الانسان اللي لم يفشل في حياته معناته انسان لم يجرب شي هذي حكمه ​

و اذكر مره في دكتور يدرس صديقتي يقولهم ان اهوا كان متخرج من دورات خاصه
واصر وكمل دراسته وخذا الماستر والدكتوراه ​

الحين الناس تقيمج بشهادج زمان البنت الحلوة اللي تنطر نصيبها قد تلاشى شيئا ف شيئ​

قدمي منازل اذا مو حابه مدرسه وحده من الاهل الحين عمرها 42 متزوجه وعندها عيال وداشه الحين تبي تاخذ الثانوي يعني وحده بسنها بتقولين شتبي بشهاده
لا لانها شافت نظرة الناس للشخص المتعلم كذلك الراتب بيكون حلو ووايد مميزات ​

والحين الثانوية صارت اسهل من قبل قبل احنا ثانوية عامه ما يدش الجامعه اللي فعلا يستحقها و مقررات كان وايد سهل ساعد الكل​

انت نظامكم غير كتاب تمتحنين فيه وخلاص شتبون بعد ؟؟؟​

عندج خيار : تقدمين منازل - او تكملين صباحي عادي يكون احسن بالتأكيد كونج صغيره للحين - او مسائي ما انصح فيه بس المهم تاخذين الشهادة
لان الشهادة جواز مرور حق اي كلية او معهد اوجامعه بعدين ​

ذكرتيني بنفسي قبل شلون كنت متضايقه ومحد ساعدني ولا احد قالي سوي و و
بروحي بعدين التفت لنفسي بعد ما حسيت بعمري وبصديقاتي اللي كنت اساعدهم راحوا وانا قاعده مكاني؟؟؟​

الله يوفقج يااارب اتمنى تسمعين النصيحه ​

 

[راعية الطويلة]

طبعا شهادتج ضرورية بهالزمن
كلها فترة قصيرة و بتعدي
اشتبين بالبيت و بالبلع و التلفزيون
لا تخلين تفكيرج سطحي
و تحسفين لا شفتي البنات اللي بعمرج
صار لهم مكان و وظيفة و شهادة و مركز
و انت محلك قف....
شدي حيلج و ادخلي تقوية
و عطي المذاكرة وقت
راح تحبينها
و الله يوفقج
و خلي عنج سوالف الزواج
تو الناس ع المسؤولية..