ابي ولدي يرضع بس من صدري

[أم توته]

صباح الخير امهات
سالفه الرضاعه الطبيعيه مسويتلي ازمه ومو قادره انام كله افكر بهالموضوع أنا والده صارلي 11 يوم وارضع ولدي من صدري وبنفس الوقت ياخذ صناعي بعد اوطبعا اهو مرتاح على الصناعي اكثر الحين افكر اقطع الصناعي واخليه على الطبيعي بس ومن بديت واهو كله بجي وحنه احسه متضايق ومايشبع ،، ما ادري استمر على صدري وتهقون رح ينسى الصناعي . ولا استسلم للصناعي

 

[قطيف]

خليه اهوا اللي يستسلم

انا والدة قيصري و 3 أيام ماقدرت أرضعه و لما رجعت البيت معاه مايبغى صدري لأنه مو عارف له

قلت والله يا أنا يا هووو و خليته يستسلم لأنه جااع و ماجدامه إلا الطبيعي

 

[نـعـومـه]

انتي عطيتيه صناعي بالاساس جذي يتعود

بس حاولي تعطينه صناعي ٣ مرات بالاسبوع جذي عشان يحب النوعين

وانتي طولي فتره الرضاعه عشان يشبع

 

[أم حورية]

انتي عطيتيه صناعي بالاساس جذي يتعود

بس حاولي تعطينه صناعي 3 مرات بالاسبوع جذي عشان يحب النوعين

وانتي طولي فتره الرضاعه عشان يشبع

كلامها عدل

وتقدرين عشان لا تعطينه صناعي وبنفس الوقت تعودينه عالممية شفطيله وعطيه

وهو ما يشبع لان مو قاعدة تعطينه رضعته من كل صدر كاملة

في بداية الرضعة يكون الحليب خفيف شوي وياخذ فيها الياهل احتياجاته من الفيتامينات وغيره وبنهايتها يكون الحليب مشبع بالدهن وهذا اللي يخلي الياهل يشبع واذا ما عطيتيه كفايته من كل صدر وشلتيه بسرعة ما راح يشبع

الرضاعة ارادة اذا استسلمتي ويأستي ما اح ترضعين

 

[kuwaitiya_84]

انتي اهم شي اكلي عدل علشان الحليب يشبعه اذا ماتاكلين وتحاتين وزنج حليبج مامنه فايده
عن ترجبه شربي حلبه صج ريحتها ارف لكن تدر الحليب بكثره واكليً سمج واكلي رهش
هم يدرون الحليب ولاتعطينه صناعي كلش خل يبجي بيمسك صدرج غصبن عليه ولا تايسين عانديه
وقبل كل شي لازم اكلج منوع وكل شي لاتحاتين الوزن والجسم كله يتعدل بس خلي حليبج يشبع

 

[ام الحلوااات]

كلامها عدل

وتقدرين عشان لا تعطينه صناعي وبنفس الوقت تعودينه عالممية شفطيله وعطيه

وهو ما يشبع لان مو قاعدة تعطينه رضعته من كل صدر كاملة

في بداية الرضعة يكون الحليب خفيف شوي وياخذ فيها الياهل احتياجاته من الفيتامينات وغيره وبنهايتها يكون الحليب مشبع بالدهن وهذا اللي يخلي الياهل يشبع واذا ما عطيتيه كفايته من كل صدر وشلتيه بسرعة ما راح يشبع

الرضاعة ارادة اذا استسلمتي ويأستي ما اح ترضعين

كــــــــــلام ســــلــــيـــــم :rerrerek: :rerrerek: :rerrerek: