ابي وقفتكم ومشورتكم

[دمعه امل]

السلام عليكم بنات
انا خذت كلوميد حبيتين مرتين باليوم وقالت لي الدكتورة ريحي يومين وتعالي عشان اتشوف التبويض وتعطني موعد للابرة
اتوقعون مو الجرعه وااايد حبتين مرتين باليوم
بس انا وايد تعبانه من الكلوميد وااايد مكسر جسمي
ومتعبني
بس الله كريم ان شاء الله الله يرزقنا

 

[توكلت على ربي]

الله يسهل امرك ويرزقني ويرزقك والمسلمين الذريه الصالحه

توكلي على ربك وان شالله مافيه الا كل خير

تحياتي..

 

[WaChoCha]

حبيبتي ما عندي فكرة عن الكلوميد ..بس عسى ربي ما يردج خايبة ويجبر بخاطرج ويرزقج ان شاء الله

 

[أنوار البحرين]

حبيبتي آنه اخذت الكلوميد حبتين باليوم لمدة 5 أيام
لكن الأعراض اللي جرت علي خلتني اعيد النظر
غلطتي يوم فكرت ابي ياهل على طول رحت للطبيبة وقلت لها ابي احمل
مع انه في خيار وايد افضل الحجامة من السنة النبوية
رايي يا حبيبتي استحملي آلام الكلوميد هوه فعلا يكبر البويضات ويخلي المبايض نشطة لكن عواقبة الدوخة وآلام الظهر وآلام البطن واللوعة وآلام الراس واذا اخذتية كورس واحد وما حملتي بتقولج اهوه لازم 3 كورسات
نصيحة اخت لي اختها اخذي تحاليلج وروحي حق دكتورة تعالج بالحجامة
اسال الله العظيم أن يرزقني وإياك بالذرية الصالحة

 

[كويتيه مذهله 87]

اي طبيعي حبتين والالم يمكن لان اول مره تااخذين هالحبوب

والله يرزقج

 

[mosta7eel]

حبيبتي لازم تتاكدين اذا هالحبوب اطيح على جسمج
لان انا الدكتورة قالتلي انتي بحالتج اذا اخذتيهم راح يصير معاج تضخم
عسى ربي يرزقج الذرية الصالحه

 

[مهرا احلى مهرا]

الله كريم انشالله خير

 

[نور آلدنيآ]

ماعندي فكره عن الكلوميد مااستخدمته
بس دكتورتي قالت لي اذا تحاليل طلعت سليمه بتعطيني كلوميد

 

[~ذات السُبحه~]

يعطيج العافيه حبيبتي
انا عن نفسي بديت اخذ الكلوميد حبه في اليوم وكل شهر تزيد الجرعه
لين وصلت اربع حبات باليوم
الصباح بعد الفطور ثنتين وبعد العشا ثنتين لمدة خمسة ايام
واخر مره اخذته في ايام الدوره الشهر الي راح
وانتظر فرج الله
واعراضه هذي غير الام البطن والرحم والمبايض ويصير انتفاخ هم بالبطن
بس اهم شي تريحين نفسيتج وتهيئينها ان ان شاء الله ورى هالتعب اجر وثواب لو ماصار حمل
شنسوي الصبر مفتاح الفرج
الله يكتب لج الخير يالغاليه