ابي ورى بعض شرايكم

[مرينا 23]

قوه ابي رايكم بنات


عندي بنت عمرها سنه و8 شهور والحين حامل بالشهر السادس وراح يكون عمري 29

وانا مو موظفه شرايكم احمل ورا بعض ودي اجيب الثالث قبل اصير بالثلاثين وارتاح بعدها بجم سنه


اللي مخوفني امي وخالاتي بنهايه الثلاثينات مايجيبون بسرعه تضعف المبايض عندهم اخاف اصير مثلهم

المشكله زوجي مايبي يقول بعد كل4سنوات واحد ويبيني اجيب اقل شي 6اطفال

وماقدر اقوله انا كبيره لازم اجيب ورا بعض شلون اقنعه اني ابي ورا بعض

ويبنات بحملي الاول. عالجت وحتى بحملي الثاني ضعف بالمبايض واكلت كلوميد

انا تزوجت صغيره بس طولت ماحملت

 

[om la6ofa]

قوليله الي خايفه منه صارحي انج اتحاتين ان ماتحملين و انشاالله ايتفهم

 

[فرفشه منعنشه]

الموضوع بيد زوجج لانه هو اللي شارط وانتي عارفه الحل لانج عارفه وضعج مافيها شي الصراحه التامه بينج وبينه واشرحيله موضوع الضعف وفرص الحمل مع كبر السن والافضل انكم تنجبون ورا بعض اذا كان العدد 6 اطفال بخاطره وانشالله ربي يهدي سره ويكتبلج اللي فيه الخير
​

 

[فجوره]

تفاهمي معاه وقولي له كل للي تبينه وان شاءالله بيتفهم الموقف


​

 

[شموخ الحلا]

انا اقول احملي ورا بعض احسن لان الرجال مايكبر والمرة لها وقت وتوقف علا ماتجيبين الستة
الي هو محددهم بامر اللـ♡̨̐ـه الا عمرج صاك الاربعين
احملي وماعليج منه والله بكرة يقول بتزوج انتي وقفتي الرجال ماله امان مهما كانت ثقتج فيه
تراه يتغير مع الوقت

 

[توتا حمرا]

قوليله بنخلي كل شي على الله بعد الوحدة ما تضمن نفسها

 

[موكا لاتيه]

يبي الثالث وارتاحي سنتين وبعدها الرابع دام انتي داشه بالثلاثين

لان فعلا المراه بالثلاثين فترة الخصوبه تضعف

وانتوا كيفكم

 

[بنت الاحلام]

احملي احسن لج دام حمالج ضعيييف

 

[Withered flower]

انا انصحج تحملين وتيبين 2 ورا بعض ويصيرون 4 جذي وعقبها نطري سنتين او 3 ويبيي 2 ورا بعض
ولا تردين عليه وانتي اعرف بنفسج

 

[الـــغـــلآ]

مثل ما المره تسوي اللي يبيه زوجها لاازم الزوج بعد يقدر المره اناا اقول احملي و جيبي ٢ و عقبها بسنتين جيبي ٢

 

[اخت خالتهم]

اقنعيه تحملين عقبها ب٨ اشهر عالاقل
و بس وقفي بعدين ٤ سنين وبعدين حملي الرابع



و وقتها تكونين عطيتي عيالج حقهم بالتربية و الحنان عالاقل

 

[@سيدة نفسي@]

انتوا يابنات تحاتون العمر أكثر من اللازم .. انا تزوجت بالثلاثين

ولو فكرت مثلكم ماتهنيت بحياتي .. الحمدلله حملت وجبت عيالي

ورا بعض بفضل الله وحده .. صج تعبت باخر حمل لكن هذا وضعي

وهذا نصيبي والحمدلله راضية فيه.. وياحبيبتي صاحبة الموضوع

انتي تووووووج صغييييرة والحياة ماتوقف عالعشرينات ..

صدقيني ماكو أحلى من الثلاثينات

والأربعينات أحلى وأحلوين

على قولة أمي الأربعين فترة نضوج المرة وعلى فكرة أمي

الله يطول بعمرها حملت بالأربعينات ٣ مرات لكن الأخير أجهضته بالخامس ..

والحمدلله على كل حال ..

 

[@سيدة نفسي@]

توني أنتبه على مسألة الوراثة .. ترا مو شرط تصيرين مثلهم

وأحسن علاج للحمل قيام الليل والصدقة .. والله يوفقج وييسر

أمورج

 

[meen_ana]

اذا ماتبين تقولين له كبرت قولي انا مااحمل الا بعلاج في ابي اييبهم ورة بعض وارتاح عشان اجابلهم واجابلك بعدين

 

[مناوووي]

الله يسهل امورج

 

[أأأميرة الورد]

الله يسهل امورج

 

[مشتطـه]

لو انا منج اييب ورا بعض
حملي وييبي الثال والرابع ورا بعض لا توقفين
نصيييحـه
وييبي خدامات ثنتين يساعدونج

 

[جوري 2007]

نصيحه الريال اذا مايبي ورا بعض وانتي تبين راح يهج من البيت ويتأفف ومايعينج على تربيتهم وبيقولج انتي اللي يبتيه لنفسج

عطي نفسج راحه ، لا تعتبرين اليهال واجب لانج صج مارا ح تستمتعين لا بتربيه ولا بالامومة كله حالتج حاله وكابة ولويه

عطي كل ياهل حقه

 

[غرام القمة]

فاهمين غلط طول ما الحرمة تجيها الدورة تحمل وتولد انشاء الله وصل عمرها لخمسين ماله شغل